Kiko e Sentro Hubentut i Famia Saba ta hasi?

E formashon di mucha ta dushi i tin biaha ta reto hopi grandi. Pero formashon tambe por wòrdu eksperensia komo frankamente difísil i yen di tenshon.

Pa e situashonnan difísil ei, e Sentro di Hubentut i Famia na Saba, ta ofresé mayornan i otro edukadornan un man ku:

Konosementu, informashon i konseho tokante kresementu i formashon i yudansa pa hóbennan ku problemanan sosio- emoshonal i di komportashon.

E sosten di formashon ta sosodé for di un vishon positivo riba formashon, dirigí riba prevenshon i intervenshon tempran. E asistentenan sosial ta traha entre otro ku e programa pedagógiko positivo (Triple P).

Aktividatnan

Komo Sentro pa Hubentut i Famia Saba nos ta organisá aktividatnan pa sostené muchanan/hóbennan den deskubrimentu i desaroyo di nan kompetensianan. Dor di ofresé aktividatnan, ku ta dushi i desafiante, nos ta purba di kontribuí den nan desaroyo.

E aktividatnan frekuentemente tin un relashon ku tempu liber, famia, edukashon, deporte i salubridat. Pa esnan di mas chikitu tin Play & Learn (Hunga i Siña). Bou di e denominadó aki nos a prepará un kantidat di kaha ku diferente material di hunga.