Kiko Kuido pa Hóben ambulante ta hasi?

E pasado añanan a logra progreso supstansial riba e tereno di kuido pa hóben i bienestar di famia den Hulanda Karibense. Un plan pa Boneiru, Sint Eustatius i Saba a wòrdu trahá i ehekutá. Riba tur tres isla a pèrkurá pa alohamentu adekuá i personal, i e personal a wòrdu rekapasitá.

En breve, a wòrdu traha riba un organisashon ku awor ta pará di bèrdat. E organisashon ta konsistí di e direktiva i servisio di staf ku sinku parti, di kua tres ta na Boneiru, unu na Sint Eustatius i unu na Saba.

Mishon

E asistente sosial ambulante ta traha, den e situashon na kas, riba metanan ku tin di haber ku e formashon i kresementu di e yu. Mayornan ta siña abilidatnan di formashon nobo i ta siña anda mihó ku nan yu.  

E punto di salida ta ku e forsa finansiero di e mayornan ta wòrdu fortifiká i e opstákulonan den e desaroyo di e yu ta wòrdu kitá. Pa motibu di e problemanan  den un famia, ta hasi palabrashonnan. E palabrashonnan aki ta wòrdu fihá den un plan di yudansa. E durashon di e yudansa ta diferensia pa kada famia.

Tin biaha yunan, pa kualke motibu ku ta, no ta biba na kas (temporalmente). Den e kaso ei un yu por wòrdu poné den un famia aprobá dor di kuido di hóben.  Esaki por ta un famia den e red di e famia, pero tambe un famia deskonosí. Den e guia di kuido di kriansa, e punto di salida ta pa sostené e mayornan di kriansa tantu den asuntunan práktiko (manera e kontakto di yu di kriansa ku mayornan biológiko) komo den asuntunan di formashon.