Ofisina Sentral di Estadístika

Ademas di e responsabilidat pa e estadístikanan (ofisial) di Hulanda Oropeo, CBS ta enkargá tambe ku produkshon di estadístikanan di Oropa (komunoutario) i estadístikanan pa Hulanda Karibense.

E ofisina di CBS na Boneiru ta e punto sentral pa e kolekshon di datonan i e publikashon di e estadístikanan. E análisis i prosesamentu di informashon estadístiko ta tuma lugá den e establesimentunan di CBS na Den Haag i Heerlen.

Lugá spesial

Espesialmente CBS tin un lugá importante den e struktura di gobièrnu hulandes. E independensia di CBS ta garantisá na dos manera. Di un banda CBS ta un asina yamá Órgano di Atministrashon Independiente (ZBO), kaminda CBS ta konosé un propio presupuesto i ta prepará un programa di trabou independientemente. Di otro banda tin e ‘Lei riba e Ofisina di Estadísktika Sentral’, e base legal unda e lugá di CBS den komunidat ta determiná.

Pero den e konstelashon di estado hulandes, e minister di Asuntunan Ekonómiko ainda ta responsabel polítikamente pa legislashon i presupuesto. Meskos ta konta pa e mantenshon di e kondishonnan pa un produkshon independiente públiko di estadístikanan kualitativamente bon i konfiabel.

E informashon ku CBS publiká, ta enserá hopi aspekto sosial, di indikadónan makroekonómiko manera kresementu ekonómiko i preisnan di konsumidó, te ku e situashon di entrada di personanan i famianan. E informashon aki ta libremente disponibel pa tur hende. CBS ta garantisá den esei e privasidat di kompanianan i personanan.

Estadístikanan relashoná ku Hulanda Karibense ta disponibel riba Statline  (e databank elektróniko di CBS) bou di e tema: Hulanda Karibense. Den Statline bo mes por forma tabèlnan i grafiknan. Tur informashon ta grátis i fásil pa print òf download.

Kontakto: