Bai directamente na kontenido

Supervishon elektrisidat i awa di bebe

Tin biaha e interesnan pa loke ta toka pagabilidat, konfiabilidat i durabilidat di elektrisidat i awa di bebe, ta den konflikto ku otro. E tarea ta keda na ACM pa trese e interesnan aki den balansa ku otro.

Den e supervishon riba elektrisidat i awa di bebe den Hulanda Karibense, ACM ta buska un balansa entre e tres interesnan:

  • Elektrisidat i awa di bebe mester ta pagabel;
  • Elektrisidat i awa di bebe mester ta konfiabel;
  • Elektrisidat i awa di bebe mester ta (produsí) duradero.

Un ehèmpel: un red konfiabel versus tarifanan mas haltu

Pa un suministro konfiabel di energia i awa di bebe, e kompanianan di elektrisidat i awa di bebe mester invertí den nan red. E invershonnan aki ta kosta sèn, ku e kompanianan posiblemente ke gana bèk dor di tarifanan mas haltu pa konsumidónan.

Un otro ehèmpel: stabilidat di e red energétiko

Ta duradero pa usa elektrisidat for di panelnan di solo òf turbinanan di bientu. Pero si tin hopi panel di solo, un nubia dilanti solo por kousa instabilidat di e red. Pa hasi e red mas stabil, podisé mester hasi èkstra invershonnan. 

ACM, den e tipo di ehèmpelnan aki, ta buska un balansa korekto entre pagabilidat, konfiabilidat i durabilidat. 

Ta kuminsá ku tres pregunta

ACM ta traha ku un representashon lokal den Hulanda Karibense. Kolaboradónan di ACM ta bai yena e leinan mas detayá a base di e situashon lokal na Boneiru, Sint Eustatius i Saba. Pa ehekutá e lei, nos ta konsentrá nos mes konkretamente riba tres pregunta. E tres preguntanan ta:

  1. Kiko ta tarifanan rasonabel pa elektrisidat i awa di bebe pa konsumidónan i kompanianan?
  2. E kompanianan di elektrisidat i awa di bebe tin kondishonnan rasonabel?
  3. E kompanianan di elektrisidat i awa di bebe, ta finansieramente sano?

Divishon di tarea ku Inspekshon Ambiente di bida i Transporte

ACM no ta responsabel pa e konfiabilidat di e suministro di elektrisidat i awa di bebe. Esaki ta kai bou di responsabilidat di e Inspekshon pa Ambiente di bida i Transporte.

Esei ta nifiká ku e Inspekshon ei ta midi e kalidat di awa di bebe, manera e puresa i e smak. I ta kontrolá si e suministro di elektrisidat, manera e tenshon di e red, ta na òrdu.

Bo tin pregunta tokante e konfiabilidat di e suministro di elektrisidat i awa di bebe? Tuma kontakto e ora ei ku ILT.