Supervishon pòst i telekomunikashon

ACM i e Agensia Telecom, for di 2013 ta konhuntamente responsabel pa e ehekushon i e supervishon riba asuntunan di telekomunikashon den Hulanda Karibense a base di e Lei Suministro di telekomunikashon BES.

ACM ta pèrkurá pa kumplimentu ku e preskripshonnan di pèrmit, dor di kompanianan di telekomunikashon i pa resolushon di konfliktonan entre proveedornan di telekomunikashon. Tambe e ACM ta pèrkurá pa e instalashon, mantenshon i desmantelashon di e infrastruktura di telekòm (deber di tolerá) i e uso di numbernan.

E responsabilidat pa otorgamentu di frekuensianan i e supervishon riba e kondishonnan tékniko ku ta mará na e uso di frekuensianan, ta keda serka Agensia Telecom.

Pòst

ACM tin supervishon tambe riba kumplimentu ku e reglanan riba e merkado di pòst. Flamingo Express Dutch Caribbean ta e transportadó di pòst indiká den Hulanda Karibense. Tambe tin servisionan di mensahero aktivo. Tambe tin servisionan di mensahero aktivo. ACM ta pèrkurá ku partidonan mantené nan mes na e preskripshonnan di pèrmit. Pa Flamingo por ehèmpel, tin regla pa e durashon di tránsito di stùknan postal riba i entre e islanan. Tambe ACM ta pèrkurá pa no tin kompetensia ilegal den e servisionan ku ta reservá pa Flamingo.

Bo tin pregunta tokante pòst òf telekòm den Hulanda Karibense?

Tuma kontakto ku Ofisina Telekomunikashon i Pòst pa preguntanan tokante pòst òf telekòm na Hulanda Karibense.

Tel

+599 717 3140

Faks

+599 717 3554

E-mail

bonaire@burtel.cw

Wèpsait

www.btnp.org

Direkshon

Kaya Grandi 69
PO Box 791
Kralendijk, Boneiru
Hulanda Karibense