Punto di Notifikashon Kuido di Salubridat
Riba 4 di mei 2015, e Punto di notifikashon Kuido di Salubridat Hulanda Karibense a wòrdu habrí na Boneiru, Sint Eustatius i Saba. Serka e punto di notifikashon e habitantenan di e tres islanan por akudí ku señalnan tokante e kalidat di kuido i ku preguntanan tokante e posibilidatnan pa prosesamentu di kehonan tokante e kalidat di kuido.
E punto di notifikashon ta independiente di e dunadónan di kuido i a wòrdu instalá dor di e Inspekshon di Salubridat. Riba kada isla e punto di notifikashon ta establesé den e ofisina di RCN.
Referimentu
E punto di notifikashon no ta solushoná problema e mes, pero ta yuda esun ku tin pregunta mas aleu, por ehèmpel dor di duna informashon òf dor di referí na e persona òf instansia korekto pa tratamentu di un keho òf notifikashon. Preguntanan por ta por ehèmpel:
- Kiko mi por hasi si mi tin un keho tokante un dunadó di kuido?
- Kon mi ta entregá un keho ofisial serka un dunadó di kuido?
- Serka ken mi por duna un señal tokante e kalidat di kuido?
- Kon mi ta demandá daño i perhuisio?
Dependiente di kiko un hende ke alkansá ku dunamentu di un señal òf entrega di un keho, e punto di notifikashon por hasi un referensia. Esaki por ta na e dunadó di kuido mes, un funshonario di keho, un komishon di keho, e Inspekshon di Kuido di Salubridat òf – ora ta deseá daño i perhuisio – na hues.
Kiko un hende ke alkansá ku un keho òf señal?
Ehèmpelnan di kiko un hende ke alkansá ku un keho òf señal ta:
- Mi ke un diskulpa
- Mi ke rekonosementu di mi keho, mi ke wòrdu tendé
- Mi ke prevení ripitishon pa mi mes i pa otronan
- Mi ke kontribuí na un bon salubridat dor di duna un señal
- Mi ke un deklarashon tokante e valides di e keho òf mi ke un medida
Konsulta di e Punto di notifikashon ta grátis.
Unda un hende por akudí
Riba kada isla e Punto di notifikashon ta den e ofisina di RCN. Bo por yama na telefòn tambe òf tuma kontakto via un e-mail. Aki bou e datonan di kontakto ta pará pa kada isla:
|
Boneiru |
|
|---|---|
|
Persona di kontakto |
Menouschka Frans |
|
Tel |
+599 7158886 |
|
|
|
|
Direkshon |
Ofisina di RCN, Bonaire, Kaya Internashonal z/n |
|
Orario |
For di 8 or di mainta te 5 or di atardi |
|
Sint Eustatius |
|
|---|---|
|
Persona di kontakto |
Vivien Lopes |
|
Tel |
+599 318 4706 |
|
|
|
|
Direkshon |
Ofisina di RCN, HM Queen Beatrixstraat |
|
Orario |
For di 8 or di mainta te 5 or di atardi |
|
Saba |
|
|---|---|
|
Persona di kontakto |
Vivien Lopes |
|
Tel |
+599 416 5319 |
|
|
|
|
Direkshon |
Ofisina di RCN, the Bottom |
|
Orario |
For di 8 or di mainta te 5 or di atardi |