RCN ta inisiá destaho ‘Protekshon Físiko’ (será)

Rijksdienst Caribisch Nederland (RCN) ta inisiá ku e destaho ‘Protekshon Físiko’ (Fysieke Beveiliging) pa alrededor di 28 edifisio di Gobièrnu Sentral. Ta trata di un enkargo pa dos aña ku posibilidat di prolongashon te kuater bes ku un aña.

Pa duna mas tantu empresa posibel un oportunidat, a repartí e islanan den ‘parsela’. 

Meta di e prosedura di oferta ta pa sera un kombenio ku e suministradó pa prestashon di e servisio. Ta trata di dunamentu di diferente servisio relashoná ku protekshon (físiko). E Kontratista ta atendé entre otro ku protekshon pa diferente edifisio i ta sòru pa habri  i sera e edifisionan segun regla. Esnan enkargá ku protekshon ta ehekutá diferente kontrol pa garantisá siguridat den e edifisionan i ta suministrá personal servisial ku tin dominio den situashonnan di menasa. E persona enkargá ku siguridat ta e kara di e servisio unda e ta traha. 

Personal

E resultado di e kombenio ta ku riba petishon ta suministrá diferente servisio relashoná ku protekshon (físiko). Mas aleu e kompania di siguridat mester suministrá personal ku ta tene notifikashonnan di alerta na bista i ta antisipá al respekto, ta sòru pa vigilansia 24/7 di e edifisionan di RCN, ta laga ehekutá trabounan di patruyá, ta sòru ku ta sigui e protokòl di bandera et cetera. 

Si bo ta interesá, gustosamente RCN ta spera bo registrashon pa e enkargo akí. Despues di bo registrashon bo ta risibí e dokumentonan den kua tin un splikashon di e eksigensianan i kondishonnan esensial.

Si bo kier risibí e dokumentonan di destaho, por fabor reakshoná e ora ei promé ku 27 di mei 2019 via aanbesteding@rijksdienstCN.com. Bo ta risibí e ora ei e dokumentonan ofisial riba djaluna 03 di yüni 2019. Bo tin te 09 di yüli 2019 pa entregá bo oferta.