Kolegio elektoral 2023

Den 2023, Hulandesnan na Boneiru, Sint Eustatius i Saba, meskos ku hulandesnan ku ta biba na e parti Oropeo di Hulanda, por tin influensia riba konstitushon di Eerste Kamer. Pa kada isla lo tin un asina yamá kolegio elektoral pa Eerste Kamer. E kolegionan elektoral aki ta konsistí di representante di pueblo di entidatnan públiko, ku miembro di estadonan provinsial i kolegio elektoral pa votadonan Hulandes den eksterior lo vota pa miembronan di Eerste Kamer.

Eerste Kamer ta deliberá i vota riba proyekto di lei ku Tweede Kamer ya a aprobá. Den Tweede i Eerste Kamer ta tuma desishon tokante di e tres entidatnan públiko. Ora ku influensiá e konstelashon di Eerste Kamer, den forma indirekto ta influensiá tambe e desishonnan ku ta tuma ei den.

Dia di postulashon
E dia di postulashon pa kandidato pa kolegio elektoral  pa Boneiru, Sint Eustatius i saba ta riba djaluna 30 di yanüari. Riba e dia aki a kandidatonan ta entrega un lista di kandidato na Entidat Públiko/Registro Sivil. Banda di esaki e siguiente eksigensianan ta konta pa postulashon di kandidato:

Postulashon pa kandidato
Nashonalidat hulandes ta un eksigensia pa forma parti di kolegio elektoral.  E persona mester ta residente di e entidat públiko, mester tin por lo ménos diesocho aña di edat i no mester ta ekskluí di e derecho di voto.

Lista di kandidato
E listanan di kandidato mester ta entregá dor di partidonan polítiko i kandidato individual riba 30 di yanüari 2023 entre 9 or di mainta i 5 or di atardi na konseho supremo elektoral di e entidat públiko pa elekshon di miembro pa kolegionan elektoral.  E kandidatonan por hasi esaki riba 30 di yanüari na:

 Bonaire

  • Passangrahan, Plasa Reina Wilhelmina 1, Tel: +599 717 5332

Sint Eustatius

  • Census Office, Chapel piece Road 1, Tel:  + 599 318 2497

Saba  

  • Census Office, Power Street 1, Tel: +599 416 3497

Deklarashon di sosten
Tambe partidonan polítiko mester entregá pa kada distrito elektoral (entidat públiko), un kantidat mínimo di dies deklarashon di sosten huntu ku e postulashon pa kandidato pa e elekshon di miembro di kolegio elektoral pa Eerste Kamer. E deklarashonnan ta firmá pa votadónan ku ta bibá den e distrito elektoral (entidat públiko)  na unda ta entregá e lista di kandidato.  E votadó ku ta sostené partisipashon di un partido polítiko na e elekshon por entregá un deklarashon di sosten. Esaki por dor di  yena un formulario pa esaki na Entidat Públiko/Registro Sivil durante orario di trabou. Tambe e persona mester identifiká su mes na e ámtenar di Entidat Públiko. Votadónan por entregá e deklarashon di sosten for di djaluna 16 di yanüari  te ku djaluna 30 di yanüari 2023.

Depósito di garantia
Pa kada lista di kandidato ku entregá na un di e entidatnan públiko, mester depositá un bòrg di 225 USD na entidat públiko. Riba e dia despues di postulashon pa kandidato, konseho supremo elektoral lo tin un seshon pa kontrolá tur eksigensia pa postulashon di kandidato na kada distrito elektoral. Lo entregá e bòrg bèk na momentu ku konseho supremo elektoral konfirmá resultado di elekshon i resultá ku e kantidat di voto di e lista ta por lo ménos 75% di e kuota elektoral. Mester depositá e bòrg riba e kuenta di banko destiná pa esaki di entidat públiko:

Boneiru

Na nòmber di:                                                                

Openbaar Lichaam           Bonaire

Banko:                                                                             

MCB (Bonaire) N.V.
Number di kuenta di banko:       301.002.03

Adrès banko:                                                                  

Bulevar Gobernador N. Debrot # 70

Swiftcode:                                                                        

MCBKBQBN

Deskripshon:                                                                  

Waarborgsom kandidaatstelling KK2023
Sint Eustatius
Na nòmber di:                                                                 Island-Receiver St. Eustatius 

Banko:                                                                             

Maduro & Curiel’s Bank (Bonaire) N.V.

Number di kuenta di banko:                                     

  32487505

Adrès di banko:                                                            

   J.A. Abraham Blvd. 27

Swiftcode:                                                                        

MCBKBQBN
Saba

Na nòmber di:                                                                

Island Receiver

Banko:                                                                              

Maduro & Curiel’s Bank (Bonaire) N.V.

Number di kuenta di banko:                                  

     80004608

Adrès di banko:                                                             

  J.A. Abraham Blvd. 27

Swiftcode:                                                                        

MCBKBQBN

Deskripshon:                                                              

Borgstelling ERV2023

Esaki ta bo chèns pa kontribuí.  Postulá bo mes komo kandidato pa kolegio elektoral riba 30 di yanüari, i yuda elegí e miembronan di Eerste Kamer.