CAO nobo pa empleadonan públiko di gobièrnu sentral na Hulanda Karibense

Riba 30 di novèmber i promé di desèmber 2017 a kuminsá ku e negosiashonnan pa un kontrato kolektivo  pa empleadonan públiko di gobièrnu di Reino. Tabata e deseo di sindikatonan pa yega na un akuerdo na tèmpo despues di e eksperensia di e CAO di 2016-2017.

Firmadonan CAO nobo pa empleadonan publiko di gobièrnu sentral

Dia 18 di yanüari 2018 a kontinuá ku e negosiashonnan i a yega na un resultado di negoshashon. E resultado ta un kombinashon di deseonan di sindikato i dunadónan di trabou. E resultado a keda firmá pa tur kuater sindikato i tambe dunando di trabou. A palabrá ku e sindikatonan lo konsultá ku nan miembronan ku un konseho positivo. A palabrá ku lo kontinuá ku e reunion dia 15 di febrüari 2018 pa asina duna sufisiente tempu pa papia ku miembresia.

Riba 15 di febrüari 2018 tur kuater sindikato i dunando di trabou a bini huntu. Tres sindikato a indiká ku nan miembronan ta bai di akuerdo ku e resultadonan di e negashonnan.  E sindikato NAPB a pidi pa posponé pasobra nan a konsultá ku muchu tiki miembro. Segun e presidente di NAPB  e no por a bai di akuerdo basá riba reakshon di e miembronan ku tabata presente.

E sindikatonan ABVO, ACOM, WICSU-PSU i doño di trabou ta indiká ku firmamentu di e CAO ta na interes di tur empleado (pago lihé di e subida salarial) i progreso di e konsulta desentralisá (ku entidatnan públiko, enseñansa èts.).  Anke ku NAPB a sali for di e reunion, e tres sindikato i dunadó di trabou a firma un akuerdo legalmente válido pa tur empleado (inkluyendo e miembronan di NAPB).

Apesar  di insistensia di e dunadó di trabou, NAPB a disidí pa no partisipá mas na e reunion. E tres sindikatonan i dunando di trabou ta lamentá ku NAPB a bai, pasobra otro temanan importante tabata pará riba agènda ku ta na interes di nan miembronan tambe.

Ku e akuerdo di kondishonnan laboral aki un oumento salarial di 2% den 2018 i 1.75% den 2019 ta tuma  lugá pa tur funshonarionan di gobièrnu sentral.

Ademas, paso pa paso ta realisá un deseo ku pa largu tempu kaba e sindikatonan ta karga ku afekshon. Ku e akuerdo di kondishonnan laboral aki tur funshonarionan di gobièrnu sentral lo risibí un pago di fin di aña di 5% den 2018, 6% den 2019 i 7% den 2020 na lugá di e aktual pago di fin di aña di USD 1250. Aparte di esei lo oumentá e suma mínimo kompará ku e pago di fin di aña aktual di USD 1500, ya asina tur funshonario di gobièrnu sentral na Hulanda Karibense ta bai dilanti. A konkluí e CAO pa tres aña i esaki ta kore di promé di yanüari 2018 te ku 31 di desèmber 2020.

Na yüni di 2018  lo papia ku e Sekretario di Estado pa Asuntunan Interior i Relashonnan den Reino riba e tema di maneho di personal relashoná ku fase di bida i posibel redukshon di oranan di trabou. 

Ku e medidanan aki tur funshonarionan di gobièrnu sentral na Hulanda Karibense ta probechá di e desaroyo ekonómiko di Hulanda Oropeo.