Bai afo pa tratamentu mediko

Bo tin derechi pa bai afó pa risibi tratamentu médiko den kaso ku e tratamentu aki no ta posibel riba e isla unda bo ta biba. Ta trata aki bai afó pa risibí tratamentu serka un dunadó di kuido apuntá pa ZVK na un otro pais den region (Kòrsou, Aruba, Sint Maarten, Saint Martin, Guadeloupe i Colombia), ku ken ZVK tin un akuerdo kontraktual. Aktualmente ZVK tin akuerdonan kontraktual ku dunadónan di kuido na Sint Maarten, Saint Martin, Guadeloupe, Kòrsou, Aruba i Colombia. Pa tratamentu médiko den eksterior ta nesesario un pèrmit previo di ZVK, a ménos ku ta trata di un situashon di emergensia. Bo dòkter ta esun ku ta pidi pèrmit na ZVK pa esaki.

Biahe i estadia

ZVK ta regla bo biahe, estadia i dokumentunan di garantia relashoná ku bo baimentu afó pa konsulta, eksámen òf tratamentu médiko.

Kompensashon

ZVK ta kompensá e gastunan nesesario pa eksámen i tratamentunan médiko. Banda di esei, bo tin derechi riba e siguiente kompensashonnan ora bo bai afó pa tratamentu médiko:

  • kompensashon diario pa bo mes i, si ta aplikabel, pa e persona ku eventualmente lo kompañábo;
  • gastunan di bo pasashi i, si ta aplikabel, gastunan di pasashi di e persona ku eventualmente lo kompañábo;
  • ‘airport tax’;
  • gastunan di transporte pa e aeropuerto for di unda bo ta biaha, for di e aeropuerto na bo destinashon i vice versa;
  • gastunan di hotèl òf gastunan di estadia serka famia òf amistat.

Kompaño

Ta posibel pa riba indikashon di bo dòkter, bo hasi bo biahe kompañá pa un persona ku lo kompaña’bo durante bo estadia den eksterior òf, e parti ku ta nesesario pa bo tin kompaño. Ku pèrmit di ZVK bo tin derechi riba kompaño si komo asegurado bo ta:

  • mas yòn ku 18 aña;
  • mentalmente desabilitá;
  • mobilidat limitá òf ta hasi uzo di medionan médiko ousiliar pa move;
  • limitashon visual òf ouditivo;
  • dje malu ei ku biahamentu sin kompaño no ta posibel;
  • òf tin ku bai afó relashoná ku dunamentu di lus.

Despues di aprobashon i pèrmit di ZVK, un asegurado menor di edat por risibi kompaño di dos persona.

  • ta terminalmente malu;
  • ta risibí tratamentu ku kemoterapia;
  • ta sufri di leukemia.

Prepará bo mes

Bo tin ku bai afó pa tratamentu médiko? Sòru pa bo ta bon informá!