Kuido di durashon largu

Kuido di durashon largu ta enserá:

  • Kuido personal, enfermeria of guia di un asegurado na su kas
  • Atmishon i estadia den un kas di kuido, kas di enfermeria of instituto pa personanan ku desabilidat físiko. 
  • “Screening” di prik di hilchi (Hielprikscreening) i tratamentu nesesario

Pa kompensashon di kuido di durashon largu mester haña aprobashon previo di ZVK. Den kasonan di urgensia por regla e aprobashon despues.

Kuido na kas

Kuido pa aseguradonan na kas ta wòrdu dunápa un organisashon di kuido na kas, den un kas di kuido of instituto pa personanan ku desabilidat fisiko apuntá pa ZVK. 

Estadia den un instituto

Atmishon i estadia den un instituto ta pa spesialmente aseguradonan ku ta den nesesidat pa permanesé den un ambiente protehá of terapeutiko, of ku mester di supervishon permanente. Den kaso ku un asegurado ku kehonan somátiko of siko-sikiátriko tin ku keda den un instituto asina, su esposa(o) tambe tin derechi pa keda den mesun instituto. 

Kuido di intérprete di seña pa hende surdu

Kuido di intérprete di seña pa hende surdu pa hasi posibel pa hendenan ku problema di oido por hasi nan mes komprendibel denbida diario. Durashon di e kuido aki ta di maksimalmente 30 ora pa aña kalendario. Pa aseguradonan ku ta surdu i siegu, e kuido aki ta di un durashon di maksimalmente 168 ora pa aña kalendario. Ta kompensa e kuido aki solamente si tin un intérprete presente riba bo isla i si e kuido aki ta di un durashon di un minimo di 30 minut. 

Kas di kuido paliativo

Aseguradonan ku tin mester di kuido paliativo den kaso di malesa terminal, despues di aprobashon di ZVK, tin derechi riba kuido den un asina yamá kas di kuido paliativo (Hospice). ZVK na e momentonan aki ta hasiendo e trámitenan pa hasi e tipo di kuido aki posibel riba e islanan BES.

Tèst di hilchi (Hielprik screening)

For di 1 di yanüari 2015 a amplia e programa di bakunashon di reino ku tèst di hilchi (hielprik screening). Danki na e tèst aki por detektá malesanan raro tempran serka muchanan, di manera ku nan por haña e tratamentu korekto pa esaki. Ta hasi e tèst di hilchi inmediatamente despues ku e yu nase. Ta hasi tèst di sanger riba 18 diferente tipo di malesa. 

Introdukshon di e tèst di hilchi ta sosode den fase. Entre tantu a kuminsá ku esaki na Boneiru. Pa Saba i Sint Eustatius lo tin mester di mas tempu pa prepará pa hasi e tèst aki. Bo dòkter por dunabo mas informashon tokante di e tèst di hilchi.