Translado médiko den kaso di embaraso

Entrante promé di yüli 2019, ZVK a stipulá maneho pa traslado médiko den kaso di embaraso. Ta kompensá trasladonan médiko ku ta indispensabel pa diagnóstiko prenatal i parto. Den un kantidat limitá di kaso e segurado tin derecho riba kompaño.

Pa parto

Si riba e isla unda bo ta biba no tin posibilidatnan pa diagnóstiko prenatal, ta manda bo afó. Por lo general ta bai e ora ei pa un ekografia médiko indispensabel. Bo no tin derecho sin mas riba kompaño. Den kaso di un GUO (Investigashon Ultrasóniko Avansá) ZVK ta kompensá e kompaño e ora ei si.

Parto

Den kaso di un traslado médiko pa un parto, di akuerdo ku e Regeling Aanspraken Zorgverzekering BES no tin derecho riba kompaño. Pero pa motibu di e impakto sosial di un parto ZVK ta kompensá e buelo di un kompañante. E kompañante ta keda ku bo den e mesun kamber. Si mester hospitalisá bo, e kompañante por sigui hasi uso di e kamber. E kompañante no tin derecho riba kompensashon di estadia.

Traslado médiko urgente

Den kaso di un traslado médiko urgente ta transportá bo ku ‘air ambulance’ òf ku e
‘helikòpter medevac’. Banda di guia médiko ku tin semper na bordo, bo tin derecho riba un
kompañante. E persona akí tin derecho riba e buelonan, akomodashon i kompensashon di
estadia te máksimo 10 dia despues di e parto.

Si un kompañante kier keda mas largu, e posponementu di e buelo di regreso ta pa propio kuenta.

Abo mes ta deseá di duna lus riba un otro isla?

E deseo pa duna lus riba un otro isla no ta un nesesidat médiko. Den e kaso ei bo no tin derecho riba traslado. Bo por hasi un apelashon si riba artíkulo 10, insiso 4, di e ‘Regeling Aanspraken Zorgverzekering BES’ riba kuido: lo kompensá e gastunan di kuido kompleto òf parsial despues, e gastunan di biahe i estadia ta pa propio kuenta. Bo no por reklamá derechi riba kompaño den e kaso spesíifiko aki.

Bula durante embaraso

Por lo general no tin limitashon pa bula te ku e di 32 siman di e embaraso (e di 28 siman den kaso di un embaraso múltiple). Despues di esei kompanianan di aviashon ta pidi un deklarashon di 'fit-to-fly’ di bo dòkter. Despues di e di 35 siman por lo general e kompanianan no ta duna outorisashon mas. Konsultá sèmper di antemano ku e kompania di aviashon i ku bo dòkter.