Kuido paramédiko

Kuido paramédiko ta indiká pa lagabo funshona miho den kaso ku bo ta sufri un òf otro malesa of kondishon médiko. Kiropraktika i kitamenttu di kabel ku koriente no ta kai bou di kuido paramédiko.

Fisioterapia i terapia di ehersisio Cesar i Mensendieck

Fisioterapia i terapia di ehersisio ta dirigí riba sanashon, redukshon di doló i, te kaminda esaki ta posibel, mantenshon di un bon kondishon di bo kurpa. Pa fisioterapia i terapia di ehersisio bo mester tin un referensia di un dòkter di kas of di un spesialista.

Pa muchanan te ku 17 aña ta kubri e prome 9 tratamentunan pa aña kalendario. Si esaki resulta di no ta sufisiente, e dòkter ku ta dunando tratamentu por hasi un petishon pa prolongashon ku ta ensera 9 tratamentu adishonal den mesun aña. E total pa aña pues ta un maksimo di 18 tratamentu.

Pa aseguradonan di 18 aña bai ariba ta kubri fisioterapia pa kondishonnan ku tin para riba e “lista króniko”, E prome 20 tratamentunan no ta bini na remarke pa komensashon. E “Lista Króniko” bo ta haña aki: Regeling aanspraken zorgverzekering BES, paragrafó 4, artikulo 1.4.2. pa algun tipo di malesa a mara un periodo maksimo durante kua por haña terapia. Esun ku ta dunando bo terapia por informábo mas di esaki.

Pa kompensashon di fisioterapia i terapia di ehersisio ta nesesario pa bo dunado di kuido pidi aprobashon previo serka ZVK.

Terapia di abla (Logopedia)

Aseguradonan tin derechi riba terapia di abla (logopedia) si esaki tin komo propósito médiko drecha o mehorá funshon i kapasidat di abla. Pa logopedia mester tin un referensia di un dòkter o dentista. Logopedia ku no tin un propósito médiko (por ehèmpel dislexia, papia den públiko o entrenamentu pa kanto) no ta wòrdu kompensá.

Pa kompensashon di logopedia ta nesesario un pèrmit previo di ZVK.

Ergoterapia

Ergoterapia ta promové òf restablesé kuido personal i outosufisiensia dor di siña e personanan kon mihó nan pa realisá nan aktividatnan diario. Esun ku ta duna e terapia ta breinda asesoramentu, instrukshon, kapasitashon òf tratamentu den su konsultorio òf na kas. Pa terapia okupashonal ta nesesario pa bo tin un resèpt di dòkter di kas, spesialista of un dòkter di kas di kuido. Den e kaso aki bo tin derechi ariba 10 ora di tratamentu pa aña.

Konseho tokante dieta

Un dietista ta suministra bo informashon i asesoramentu tokante nutrishon i manera di kome ku fin médiko. Esaki por sosode riba indikashon di un dòkter òf un dentista. Den e kaso aki bo tin derecho riba un maksimo di 3 ora di tratamentu pa aña.

Podoterapia

Podoterapia i plantanan di pia ta destiná pa redusí òf eleminá molèster den pianan. Esaki por sosode riba indikashon di bo dòkter di kas of spesialisa médiko.

Pedikür mèdiko

Pedikür mèdiko ta referí na e atenshon (spesialisá) na kuido di pia i na tratamentu di problemanan di pia i uña. Solamente aseguradonan ku ta diabétiko ta bin na remarke pa pedikür mèdiko. Bo dunado di kuido mester di aprobashon previodi ZVK pa duna e tratamentu aki.

Programa pa stòp di huma

Aseguradonan por partisipá na un programa pa stòp di huma preskribí pa un dòkter o spesialista. Esaki ta enserá asistensia médiko i, si ta nesesario, remedi ku ta paresé den e registro di kalidat di programanan pa stòp ku humamentu. Por sigui e programa pa stòp di huma no mas ku un (1) biaha den aña kalendario. Pa esaki ta nesesario un pèrmit previo di ZVK.

Intervenshon kombiná di estilo di bida (Gecombineerde leefstijlinterventie, GLI)

Pa aseguradonan di 18 aña o mas, ta kompensá intervenshon kombiná di estilo di bida ku a wòrdu preskribí pa un dòkter o spesialista. GLI ta un programa di 2 aña ku ta enfoká riba alimentashon mas saludabel (ménos konsumo di kaloria), mas ehersisio i apoyo sikológiko pa kambio di estilo di bida. Por sigui un programa di GLI kada biaha pa un máksimo di 24 luna. Esnan ku no sigui e programa den su totalidat lo risibié solamente un kompensashon parsial.

Pa partisipá na e programa di GLI mester di premi previo di parti di ZVK.