Reglanan partikular

Oferta i kalidat di kuido riba e islanan BES ta algu ku ainda ta den desaroyo. No ta tur biaha ta posibel pa direktamente duna e kuido deseá. Ta p’esei a inkluí algun regla partikular den e areglo di derechi di seguro di kuido pa e islanan BES. Manera: 

Derechi riba kuido i transporte

Bo derechi riba kuido i transporte ta bálido solamente si bo a keda designá pa esei, teniendo kuenta ku bo nesesidatnan i kuido efektivo. Bo por apelá riba kuido i transporte solamente si esaki por keda proporshoná di un manera rasonabel.

Artíkulo 10 insiso 4

Bo ta liber pa konsulta un dunadó di kuido ku no tin un kontrakt ku ZVK. Den kasonan asina bo mester hasi un apelashon riba artíkulo 10 insiso 4 di Besluit Zorgverzekering BES.

Artíkulo 10 insiso 4 ta deklará ku den kaso ku e kuido ku bo mester di dje ta optenibel lokalmente of den region, lo referíbo na un dunadó di kuido kontratá. Sinembargo, si ta deseo eksplísito di e asegurado pa akudí na un dunadó di kuido ku no tin un kontrakt ku ZVK, e lo por hasi uso di artíkulo 10 insiso 4 di e dekreto di seguro médiko. Bo tratamentu no ta wòrdu konsiderá komo “baimentu afo pa tratamentu médiko” (medische uitzending), miéntras ku e gastunan di bo tratamentu mester wòrdu pagá di antemano dor di e asegurado mes. Kompensashon pa bo tratamentu ta wòrdu maksimá na e nivel di preis pa tratamentu den region òf na Hulanda.