Transpòrt di pashènt (ziekenvervoer)

Tur asegurado di ZVK tin derechi riba kompensashon di transpòrt di pashènt. esaki ta enserá:

  • Transporte nesesario den un ambulans di i pa un instituto di kuido i di i pa bo kas
  • Kompensashon pa transporte (no den un ambulans) pa aseguradonan ku tin ku hasi diálisis di nir, kemoterapia òf radioterapia, pero ku por move solamente den un ròl-stul of ku tin un desablidat di bista i no por move riba nan mes  
  • Transporte pa medio di 'air ambulance' pa evakuashon di urgensia den kasonan di malesa òf aksidente
  • Transporte durante estadia den eksterior pa tratamentu médiko, di i pa aeropuerto i di i pa e lugá unda bo ta hospedá.

Pa kompensashon di transporte di hende malu mester di un pèrmit previo di ZVK, ku eksepshon di kasonan di emergensia médiko. Kompensashon pa transporte di pashènt por varia dependé e destinashon. Kompensashon pa transporte di un akompañante ta sosodé solamente si esaki ta aprobá previamente dor di ZVK.