Entrega un keho

ZVK ta dispone di un areglo di keho. Bo no ta satisfecho ku nos servisio òf bo di akuerdo ku e trato ku bo a haña serka un di nos empleadonan? Entrega un keho serka ZVK.

Esaki por sosodé tantu por eskrito komo personalmente. Den tur dos kaso nos lo pidibo pa bo yena un formulario. Bo por rekohé un formulario di keho na un di nos ofisinanan of por download esaki aki. Bo por manda e formulario aki na klacht@zorgverzekeringskantoor.nl òf entrega esaki na ofisina di ZVK.

ZVK lo atendé bo keho mas lihé posibel. Nos ta aspirá pa kontestá bo denter di e máksimo di 6 siman stipulá pa lei. Si resultá nesesario pa hasi investigashon ekstenso, por ta asina ku e tratamentu ta tuma mas tempu i ZVK lo tuma kontakto ku bo.

Si bo no ta di akuerdo ku e manera kon ta atendé bo keho, bo por akudí na e komishon di keho di ZVK. E komishon aki ta bini huntu ora ku tin motibu pa esaki. E komishon ta konsistí di un spesialista médiko, un hurista i un presidente independiente. Si bo keho ta kontra un dunadó di kuido, esaki lo mester reuní huntu ku e komishon. Si esaki tampoko no kondusí na un resolushon satisfaktorio pa bo, bo por entrega un keho serka ‘Nationale Ombudsman’. 

Tur dunadó di kuido mester poseé un areglo di keho. Si bo ta haña ku un dunadó di kuido no a dunabo e trato ku bo ta haña bo meresé, bo por entrega un keho serka dje tambe.