Inskribí

Pa bin na remarke pa e seguro di kuido, bo mester inskribí na Ofisina di Seguro di Kuido Bes (ZVK). Pa hasi esaki bo por buska un formulario na ofisina di ZVK òf bo por download esaki aki. Tin algun regla i kondishon ku bo mester tene kuenta kuné na momentu di inskribí. E kondishonnan prinsipal ta: 

Resien nasí/menor di edat

Beibi resien nasí i muchanan menor di edat ta wrdu inskribí ku un asina yamá “uittreksel” di registro sivil. Riba e “uittreksel” mester hasi menshon di nashonalidat di e beibi/menor di edat.

Inskripshon a base di residensia

Personanan por inskribí ora ku legalmente nan ta residensia riba un di e islanan i ta poseé un sedula.

Inskripshon a base di pèrmit di residensia of deklarashon di derechi “verklaring van rechtswege”

Personanan ku un deklarashon di derechi “verklaring van rechtswege” òf un pèrmit di residensia pa tempu (in)definí, por inskribi pa duraashon di e pèrmit.

Inskripshon a base di petishon pa prolongashon di permit di residensia

Personanan ku na tempu a hasi un petishon na IND pa prolongashon di nan pèrmit di residensia, por inskribi te na momentu ku tin un desishon definitivo tokante nan pèrmit.

Inskripshon a base di un kontrakt di trabou

Personanan ku un kontrakt di trabou di kua e salario ta someté na e Lei di Impuesto riba Salario (Wet Loonbelasting BES), por inskribí pa durashon di e kontrakt di trabou.  

Personanan ku Autorisashon di Estadia Provishonal (Machtiging tot Voorlopig Verblijf - mvv)

Personan ku un Autorisashon di estadia Provishonal (Machtiging tot Voorlopig Verblijf - mvv) no por wòrdu inskribí komo asegurado i por lo tantu no tin derechi ariba kuido. Solamente ora ku e personanan aki ta disponé di un pèrmit di estadia di IND, no por inskribí na ZVK.