Kambio den derecho Seguro di Kuido (Zorgverzekering BES)

Entrante promé di yanüari 2020 ta modifiká e ‘Areglo Derecho Seguro di Kuido  BES (Regeling Aanspraken Zorgverzekering BES) riba algun aspekto.

E kambionan tin di aber ku algun derechi nobo i pa duna klaridat i asentuá derechi- i stipulashonnan eksistente.

Nobo

Medionan ousiliar
A amplia derechi riba medionan ousiliar ku ròlstul, stul di ducha i stul di tualèt.

Stòp ku humamentu i intervenshon den estilo di bida
Igual ku na Hulanda Oropeo aseguradonan por bin na remarke pa kompensashon pa un programa pa stòp ku humamentu i un intervenshon den estilo di bida kombiná (GLI). Ámbos mester ta preskribí pa un dòkter di kas òf spesialista.

Derechi riba e programa pa stòp ku humamentu ta enserá ayudo médiko i eventual ayudo farmaséutiko despues ku ZVK duna pèrmit.

Por duna kompensashon kompleto òf parsial pa kuido ora di intervenshon den estilo di bida kombiná (GLI) na aseguradonan di 18 aña òf mas. GLI ta dirigí riba kome mas salú, move mas i apoyo sikológiko. No ta kompensá gastunan adishonal manera pa deporte.

Fisioterapia i terapia di ehersisio pa revalidashon
Nobo ta tambe kompensashon pa fisioterapia i terapia di ehersisio pa revalidashon. Ta trata di tratamentu pa rekuperá mihó despues di keda interná den hòspital òf tratamentu ambulante . Ta kompensá fisioterapia òf terapia di ehersisio pa revalidashon e ora ei te maksimal 12 luna.

Klaridat i asentuashon

Logopedia

Ta kompensá solamente logopedia pa finnan médiko, riba referensia di un dòkter di kas, spesialista òf dentista. No ta kompensá logopedia ku no ta pa metanan médiko, manera papia den públiko òf entrenamentu di kanto.

Preparadonan di dieta i medikashon pa stòp ku humamentu
Pa kompensashon di esakinan tin mester di pèrmit previo di ZVK.

Sapatu ortopédiko
Ta kompensá esaki solamente si un spesialista a preskribí esaki.

Brel i lèns di kontakto na midí
Adultonan por claim un kompensashon te un montante di 170 dòler kada 3 aña. Pa aseguradonan te 18 aña e montante ta 170 dòler pa aña.

Kompaño ora di biahamentu pa eksterior pa tratamentu médiko
E derecho riba un kompañero por konta pa e traslado médiko kompleto òf parsial si esei ta nesesario. E derecho riba kompaño no ta dependé mas di un enfermedat, pero di e limitashon(nan) ku un asegurado ta konfrontá. E kriterio 'riba 70 aña’ pa e motibu ei pues no ta valido mas. . Un asegurado bou di 18 aña ku ta hopi malu, por haña dos kompañero. No nesesariamente nan mester ta e mayornan. . Den kaso di un traslado médiko pa parto, ZVK ta kompensá e buelo di un kompañero pa e periodo rondó di e parto. E kompañero no ta risibí kompensashon di estadia.

Balides

E tekstonan ku ta menshoná i ta aparesé akiriba ta pa informashon general pa pueblo di Boneiru, Saba i Sint Eustatius. No por derivá derecho a base di nan.