Kiko bo ta siña na TOP CN?

Supervisor na trabou

Bo supervisor na trabou ta sostené bo durante trabou diario na lugá di trabou. Serka bo supervisor di trabou bo ta bai ku tur pregunta tokante bo trabou, bo departamentu i organisashon. Bo supervisor di na trabou ta bo coach di trabou na bo lugá di trabou, konosé e proseduranan di trabou i bo propio materia. Bo por praktiká interkambio di idea kuné tokante bo funshon diario i bo ta risibí feedback konstruktivo ku ta pone bo desaroyá den bo ròl.     

Coach

Komo TOP trainee bo ta haña tambe un coach personal. E coach akí ta sostené bo den bo desaroyo personal i avanse. Bo tin derecho riba un kantidat di seshon di coaching individual. Esakinan bo mes por dirigí nan pa retonan enbolbí ku bo regreso pa Hulanda Karibense i bo desaroyo personal. Bo coach ta un persona ku rais lokal i konosementu profundo di e kultura (laboral), i sosiedat.

Treinen

Durante e traineeship tin pa kada luna, algun parti di dia reservá pa treinen. Na e treinen akí bo ta partisipá huntu ku e otro TOP trainees. Bo ta siña un diversidat di abilidat ku ta hopi práktiko durante bo karera. Algun tema for di loke treinen di TOP ta ofresé:

• Maneho Stratégiko di Ambiente:
  Den e treinen akí bo ta sera konosí ku diferente instrumento di vishon amplio i práktiko ku por praktiká den kaso di análisis di ambiente, stakeholder, oportunidat i problemátika.
  Ademas tin atenshon pa boso estilo personal di kolaborashon i kon por apliká esaki efektivamente pa alkansá resultado optimal den kolaborashon ku e ambiente di trabou.
   
• Abilidatnan di maneho (básiko i avansá):
  E treinen nan akí ta dirigí riba abilidat ku empleadonan di maneho mester tin.
  E treinen básiko ta dirigí riba abilidat di por pone maneho den konteksto (siklo di maneho, dinamismo di goberná, propio ròl, diferensia entre teoria i práktika, maneho i ehekushon).
  E treinen avansá ta dirigí riba konsehá i motivá i konsiderá opshonnan di maneho.
   
• Papia den públiko:
  E treinen aki ku ta práktiko i enfoká riba eksperensia ta yuda bo pa komuniká i presentá ku mas konfiansa propio, struktura i impakto dilanti di un grupo, den un tim òf durante un presentashon kòrtiku.
   
• Finansa Personal:
  Na un manera práktiko bo ta siña kon pa manehá bo sèn di manera mas sabí. Ta ofresé bo hèrmènt konkreto pa drecha bo situashon finansiero i traha aktivamente na desaroyá kustumbernan nobo, saludabel pa anda ku sèn.
  E treinen akí ta enfoká riba reforsá bo konsenshi finansiero i riba hasi eskoho duradero ku ta kontribuí na bo bienestar finansiero.
   
• Abilidat komunikativo (Idioma hulandes òf ingles): 
  Den e treinen akí bo ta traha pa sigui desaroyá bo abilidat komunikativo práktiko na idioma hulandes òf ingles, tantu por eskrito komo oral.