Kondishonnan di trabou
Rijksdienst Caribisch Nederland, komo doño di trabou, kier saka lo mihó for di su trahadónan. P’esei nos ta duna hopi balor na bon kondishonnan di trabou. Tambe bo por konta riba un ambiente di trabou ameno. Banda di e salario i sèn di fakansi, bo por konta riba un bónus di fin di aña.
Kompensashon pa yu, areglo di debe di estudio i un supsidio pa Islariba/kompensashon, ta forma parti di e kondishonnan di trabou sekundario, pa e kolaboradónan ku ta traha na Islariba.
Salario
Rijksdienst Caribisch Nederland ta traha, ora ta determiná un salario ku un sistema di eskala. E pakete di tarea ku ta forma e funshon, ta determiná kua eskala di salario ta pèrtenesé serka dje; eksperensia i edukashon por ta kodeterminante pa e salario. In total tin 17 eskala.
Ora ta drenta servisio, ta posibel ku un empleado ta wòrdu hinka den un asina yamá eskala inisial; e eskala inisial ta 1 òf 2 eskala mas abou ku e eskala ku ofisialmente ta pertenesé na e funshon. Un empleado ta wòrdu hinká den e eskala mas abou ora e empleado no ta funshoná ainda riba e nivel ku ta korespondé na e funshon òf no ta kumpli ainda ku tur e eksigensianan di estudio.
Kada eskala ta konsistí di un kantidat di tre (tambe yama periodieknan).