BCN Asistente di Gerensia (1 FTE)

E organisashon

Belastingdienst Caribisch Nederland (B/CN) ta responsabel pa ehekushon di legislashon fiskal i tareanan di duana den e entidatnan públiko Boneiru, Sint-Eustatius i Saba. Komo parti di Belastingdienst Hulanda, B/CN ta pèrkurá pa imposishon i kobransa di impuestonan di Gobièrnu Sentral, entre otro algemene bestedingsbelasting, loonbelasting, inkomstenbelasting i vastgoedbelasting, overdrachtsbelasting, kansspelbelasting i opbrengstbelasting, di forma legítimo, efisiente i ku atenshon pa kliente.

Deskripshon di e funshon

Komo asistente di gerensia bo ta e apoyo i vínkulo indispensabel pa nos direktor i direktor athunto. Bo ta pèrkurá pa tur kos kana zetá hasiendo uzo di bo talento organisatorio i komunikativo. Di maneho di agènda te preparashon di reunion i kaba atendé informashon konfidensial – abo ta regla tur kos ku ku estilo i presishon.

E ta un funshon desafiante i variá den un tim dinámiko na Boneiru, ku espasio pa bo inisiativa i desaroyo den un ambiente laboral stimulante.

Tareanan di e funshon

• Manehá komunikashon: Bo ta enkargo di komunikashon ku risibí i sali via telefòn, meil i pòst, i ta pèrkurá pa direktor i direktor athunto sèmper ta na altura.
• Risibí bishitante: Bo ta yama bishitantenan bonbiní ku un sonrisa i ta fungi komo punto di kontakto pa seguridat, di manera ku direktor i direktor athunto por traha sin preokupashon.
• Agènda i reunion: bo ta manehá agènda di direktor i direktor athunto. Bo ta atendé puntonan di akshon proaktivo i ta pèrkurá pa tur kana segun deseo.
• Dokumento i rapòrt: Bo ta traha karta, relato i meil kuidadoso i profeshonal.
• Tareanan fasilitario: Bo ta duna sosten fasilitario pa medio di maneho di inventario i hasimentu di pedida di artíkulonan di ofisina. Bo dedikashon ta tene e lugá di traha efisiente i bon organisá.
• Planiá biahenan di trabou: Bo ta regla i plania biahenan di trabou pa miembronan di e tim di maneho, di manera ku nan por enfoká riba nan tareanan prinsipal, sin preokupashon logístiko. Ademas bo ta sostené miembronan di e tim di maneho, reglando biahenan di trabou pa kolaboradónan.
• Informashon importante: Bo ta pèrkurá pa e tim di maneho ta  na altura na tempu di informashon importante ku ta afektá nan trabou.
• Maneho di flota di vehíkulo: Bo tene e flota di vehíkulo na bista riba e tres islanan, ta pèrkurá pa mantenshon i planifikashon i ta tene tur  kos den bon kondishon.
• Bo ta fungi komo promé punto di kontakto pa Shared Service Organisatie (SSO) Asuntunan Fasilitario i pa Rijksvastgoedbedrijf (RVB) riba tereno di alohamentu.
• Bo ta kordiná i duna sosten ora ta trata di asuntunan ku tin di aber ku personal, manera enkuentronan di despedida i selebrashon di aniversario den servisio. Al respekto bo ta pèrkurá pa ehekushon korekto konforme regulashon vigente, palabrashon i maneho stipulá.

Eksigensianan di e funshon

• Diploma Mbo-4 den un ramo relevante;
• Por lo ménos tres aña di eksperensia den un funshon similar;
• Ekselente dominio di MS Office i sistemanan di outomatisashon di ofisina;
• Eksperensia ku proseduranan atministrativo i di maneho operashonal;
• Abilidat organisatorio fuerte, ku abilidat pa traha tantu sistemátiko i proaktivo, komo regla asuntunan rápido i adekuado;
• Ekselente dominio di hulandes i preferiblemente abilidatnan lingwístiko adishonal c.q. dominio.

Kompetensia

• Enfoke riba kliente;
• Kontrol di progreso;
• Plania i organisá;
• Formashon di ret i kooperashon;
• Integridat.

Loke nos ta ofresé

• Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal inisial 6 i  skal di funshon 7 di mínimo $ 2.282,- i máksimo $ 3.470,- ku un siman di trabou di 36 ora. Klasifikashon a base di konosementu i eksperensia;
• Sèn di fakansi (8,33% di e entrada anual);
• Un di diestres luna (8,33% di e entrada anual);
• Un kompensashon di vitalidat;
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi ku un siman di trabou di 36 ora;
• Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo;
• Un areglo pa muda pa kandidato ku ta reakshoná for di den eksterior.

Prosedura

Un assessment, casus i/ òf chekeo di referensia por forma parti di e prosedura.
Un skrínen pa kantidatonan eksterno ta un parti fiho di nos prosedura.
Un inbestigashon di seguridat A ta forma parti di e prosedura.
Den e selekshon ta tene kuenta ku e siguiente órden:

• Personal ofisial di RCN na e islanan BES (interno);

• Habitante di e parti karibense di Hulanda (eksterno);

• Otro kandidatonan (eksterno).

Eksigensianan di nombramentu

• Un deklarashon tokante kondukta (VOG);

• Partisipashon na e fondo di penshun ta obligatorio, inkluso kontribushon propio;

• Pa e funshon aki un saminashon médiko ta  obligatorio. Sin un resultado positivo  di e saminashon aki nombramentu no por tuma lugá;

• Nashonalidat hulandes.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;

• Hulanda Karibense konosé su propio reglanan di impuesto. Ta kobra impuesto di 29,4% riba un suèldu riba e montante liber di impuesto ku ta $21.956,- den 2026, te un suèldu di $53.198,-. Den e di dos grupo di impuesto un tarifa di impuesto di 38,4% ta na vigor.

• Bo ta, òf bo ta bira, residente di Hulanda Karibense.

Mas informashon?

Pa mas informashon tokante e vakatura bo por tuma kontakto ku Claudia Toet, Direktor Belastingdienst CN. Telefòn +599 795 5349 òf via di meil na Claudia.Toet@Belastingdienst-CN.nl.  

Solisitut digital

Bo por manda bo Curriculum Vitae ku motivashon via di meil na vacature@rijksdienstCN.com.