BCN Direktor athunto

 E organisashon

Belastingdienst Hulanda Karibense (B/CN) ta responsabel pa ehekushon di legislashon fiskal i tareanan di duana den e entidatnan públiko Boneiru, Sint Eustatius i Saba. Komo parti di Belastingdienst Hulanda, B/CN ta pèrkurá pa imposishon i kobransa di impuestonan di Gobièrnu Sentral, entre otro algemene bestedingsbelasting, loonbelasting, inkomstenbelasting i vastgoedbelasting, overdrachtsbelasting, kansspelbelasting i opbrengstbelasting, di forma legítimo, efisiente i ku atenshon pa kliente.

Duana Hulanda Karibense (DCN) ta kontrolá importashon, eksportashon i tránsito di merkansia i kumplimentu ku reglanan internashonal pa akseins, derecho di importashon i merkansia prohibí òf limitá. Ademas Duana CN ta kontribuí na siguridat i integridat di komunidat pa medio di prevenshon di kontrabanda, tráfiko ilegal i otro formanan di kriminalidat internashonal. Duana CN ta kombiná supervishon i mantenshon ku un aktitut servisial na siudadano- i empresa. Den Duana CN ta traha den un ambiente dinámiko i chikitu, kaminda ekspertisio, kolaborashon i profeshonalismo ta para sentral.

Deskripshon di e funshon

Belastingdienst Caribisch Nederland (B/CN) ta buska un direktor athunto, kende huntu ku e direktor i tim di maneho ta duna direkshon na mas profeshonalisashon di e organisashon. Bo ta drenta na un momento krusial; e organisashon ta enfrentá retonan sosial difísil, espektativanan kresiente pa loke ta trata digitalisashon i maneho di riesgo, i tambe e nesesidat pa stabilidat atministrativo i guia kla.

Komo direktor athunto bo ta duna forma mas konkreto na e funshon nobo akí den e organisashon. Bo ta sostené e direktor den maneho integral di B/CN – inkluyendo Duana Hulanda Karibense – i ta kontribuí aktivamente na kontinuidat, koheshon i mas profeshonalisashon di e organisashon. Komo suplente ofishal di e direktor, bo ta ehersé un funshon klave pa garantisá stabilidat i efektividat atministrativo.

Bo ta duna guia na e lidernan di tim pa e áreanan di sosten di maneho operashonal, maneho di/suministro di informashon (IM/IV) i dunamentu di servisio. Ademas e asistente di maneho i sostenedó di maneho ta kai direktamente bou di bo responsabilidat.

E diferente áreanan ta den diferente fase di desaroyo. Abo ta garantisá koheshon, prioridatnan kla i un ekilibrio funshonal entre ambishonnan stratégiko i e realidat táktiko i operashonal. Bo ta promové un aktitut servisial bou di kolaboradónan i tin bista pa loke ta posibel denter di e kuadronan finansiero. Ademas bo ta vigilá kontinuamente kalidat, kontinuidat i desaroyo. Bo ta pèrkurá pa e base keda na òrdu i pa kontinuidat ta garantisá, i a base di esei ta eksplorá posibilidatnan pa optimalisá, inová i realisá ambishonnan.

Tareanan di e funshon

Bo tarea ta dòbel: sigurá loke mester ta na su lugá i konstruí loke tin mester pa futuro. Esei ta nifiká entre otro ku abo:

• Ta traha huntu ku e tim di maneho i lidernan di tim riba profeshonalisashon i repartishon kla di funshon;
• Ta fasilitá e diferente timnan i ta empoderá kolaboradónan embolbí;
• Ta dirigí maneho operashonal, maneho di /suministro di informashon i dunamentu di servisio koherente;
• Ta tradusí tareanan di desaroyo i digitalisashon i ta guia i dirigí e kolaboradónan den e kuadro akí;
• Ta vigilá ‘governance’, maneho di riesgo i ‘compliance’;
• Ta fortalesé kolaborashon ku partnernan eksterno, den koordinashon ku e direktor;
• Ta fungi komo sparring partner di e direktor pa loke ta trata asuntunan henter e organisashon i di maneho atministrativo i unda ta nesesario ta remplas’é den su kalidat komo direktor;
• Ta move fásil entre nivel stratégiko i táktiko i ta tradusí problemanan kompleho den eskohonan kla i pasonan ehekutabel pa e organisashon i su kolaboradónan.

Eksigensianan di e funshon

• Nivel akadémiko di traha i pensa, preferiblemente den siensia operashonal, atministrashon públiko òf desaroyo di organisashon;
• Eksperensia amplio di liderazgo den un organisashon ehekutivo;
• Eksperensia demostrabel ku guia integral di maneho operashonal i tareanan di kambio;
• Konosementu di finansa, maneho di informashon, digitalisashon i dunamentu di servisio;
• Eksperensia ku maneho ku enfoke humano;
• Sensibilidat atministrativo i kultural i un vishon kla tokante governance i kolaborashon;
• Liderato ku bista pa konteksto, kultura i komunidat;
• Ekselente abilidat komunikativo den hulandes i ingles, dominio di papiamentu ta un bentaha grandi.

Kompetensia

• Liderazgo
• Komprenshon di organisashon
• Konsiente di e ambiente
• Kolaborashon
• Abilidat analítiko
• Huisio
• Integridat
• Konvikshon

Loke nos ta ofresé

• Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal inisial 13 i skal di funshon 14 di mínimo $5.884,- i máksimo $8.037,- ku un siman di trabou di 36 ora. Klasifikashon a base di konosementu i eksperensia;
• Sèn di fakansi (8,33% di e entrada anual);
• Un di diestres luna (8,33% di e entrada anual);
• Un kompensashon di vitalidat;
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi ku un siman di trabou di 36 ora;
• Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo;
• Un areglo di mudansa pa kandidato ku ta reakshoná for di den eksterior.

Prosedura

Un assessment, casus i/ òf chekeo di referensia por forma parti di e prosedura.
Ta habri e vakatura internamente i eksternamente na mes momentu. Den e selekshon lo tene kuenta ku e siguiente órden:

• Personal ofisial di RCN na e islanan BES (interno);
• Habitante di e parti karibense di Hulanda (eksterno);
• Otro kandidatonan (eksterno).

Eksigensianan di nombramentu

• Un deklarashon tokante kondukta (VOG);
• Un saminashon médiko relashoná ku registrashon obligatorio na e fondo di penshun (ku kontribushon propio)
• Nashonalidat hulandes.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto di 29,4% riba un suèldu riba e montante liber di impuesto ku ta $21.956,- den 2026, te un suèldu di $53.198,-. Den e di dos grupo di impuesto un tarifa di impuesto di 38,4% ta na vigor.
• Bo ta, òf bo ta bira, residente di Hulanda Karibense.

Mas informashon?

Pa mas informashon tokante e vakatura bo por tuma kontakto señora Claudia Toet, Direktor BCN, Number di telefòn (+599) 795 5349 òf meil Claudia.Toet@belastingdienst-cn.nl.

Solisitut digital

Bo por manda bo Curriculum Vitae ku motivashon via di meil na vacature@rijksdienstCN.com.