BCN Kolaboradó di Kobransa - Rekursonan di Entidat Públiko Boneiru

MBO| Boneiru | Temporalmente | 36 ora | P&O2023_01_004 | Fecha di klousura: 5 di febrüari 2023

Pa un periodo di un aña, ku bista riba prolongashon

Deskripshon di e funshon

For di 10 di òktober 2010 nos komo Belastingdienst/Caribisch Nederland (B/CN) ta enkargá ku kobransa di debe pa Entidat Públiko Boneiru (OLB). OLB ta imponé ‘aanslag’ i ta hasi evaluashon tokante e kontenido. B/CN ta enkargá solamente ku kobransa.
Despues di kobransa B/CN ta traspasá e plakanan pa OLB.

Pa laga esaki kana bon nos ta buska un kolaboradó di kobransa nobo pa, na promé lugá amplia nos tim temporalmente. Den e funshon akí bo ta responsabel pa atministrá independientemente tur aspekto di kobransa di un grupo di persona ku debe belasting na OLB, tantu kompania komo persona privá. Bo ta traha riba pòst di kobransa simpel ku un montante mas chikitu habrí. Kobransa ta enserá entre otro tumamentu di desishon denter di punto di salida stipulá. Tambe regularmente ta tuma lugá koordinashon ku OLB si por por ehèmpel a hasi opheshon.

Pa por logra tur esaki, ta rekerí konosementu di e situashon di e kliente. Pa e motibu ei bo tin kontakto regularmente ku e personanan ku debe belasting i/òf e akountent/tenedó di buki. Den kaso di medida di kobransa mas pisá i den kaso ku ta eksigí responsabilisashon, den konsulta ku ontvanger ta determiná den B/CN e strategia. Bo ta tuma kontakto e ora ei ku OLB i ta hasi areglonan atministrativo.

Tareanan di e funshon

  • Bo ta kontrolá pòstnan habrí basá riba informashonnan disponibel den e sistemanan;
  • Bo ta sera akuerdonan di pago ku e klientenan;
  • Bo ta evaluá solisitutnan pa posponementu i ta redaktá desishonnan;
  • Bo ta kontrolá pagonan
  • Bo ta konsultá ku OLB i sekshonnan interno tokante rekursonan fiskal;
  • Bo ta hasi kobransa di suèldu i di hür;
  • Bo ta duna enkargo pa pone beslag;
  • Bo ta atendé petishonnan di klientenan privá i komersial;
  • Bo ta okupá bo mes ku prosesamentu di diferente lista di informashon;
  • Bo ta ehekutá trabou di helpdesk;
  • Bo ta tuma dokumentonan i ta evaluá esakinan basá riba vários punto;
  • Bo ta hasi kambionan den e sistema;
  • Bo ta hasi esfuerso pa logra ku ta duna servisio optimal na e kliente;
  • Bo ta kontestá diferente pregunta den kombersashon ku klientenan òf pa medio di e-mail òf telefòn.

E organisashon

Belastingdienst Caribisch Nederland (B/CN) ta parti di Belastingdienst/Douane hulandes.

B/CN, ku mas di 110 kolaboradó, ta responsabel pa imposishon, supervishon i kobransa di impuesto di Gobèrnu Sentral i implementashon di legislashon fiskal, di duana i di akseins riba e islanan Boneiru, Sint Eustatius i Saba. E lei i regulashon ta desviá di Hulanda Oropeo i otro partinan karibense di Reino. Riba tur tres isla tin ofisina establesé.

B/CN tin entretantu un kantidat amplio di servisio (ònlain) operashonal i ta lider riba tereno di ICT pa gobièrnu den e region.

Eksigensianan di e funshon

  • Diploma Mbo-4-den un direkshon atministrativo relevante;
  • Preferiblemente konosementu di òf eksperensia ku lei i regulashon relevante, entre otro Derechi di Kobransa fiskal;
  • Preferiblemente konosementu di prosesonan di kobransa;
  • Eksperensia ku trahamentu ku diferente kultura ta un bentaha;
  • Bon abilidat di komunikashon verbal i por eskrito den papiamentu i hulandes; dominio di ingles i eventualmente spañó ta un bentaha grandi.

Nos ta buska un kolega proaktivo, komprometé i independiente, ku no tin miedu pa pone man na obra i pa hasi pregunta. Un persona ku tin gana di siña i ku tin un aktitut orientá riba resultado i solushoná problema. Un persona ku tin satisfakshon di kliente haltu den apresio, sin pèrdè e metanan for di bista.

Bo abilidatnan

  • Puntualidat
  • Kapasidat analítiko
  • Kòntròl di progreso
  • Desisivo
  • Por kontra strès
  • Orientá riba resultado
  • Kolaborá
  • Plania i Organisá
  • Diskreshon

Loke nos ta ofresé

  • Un nombramentu konforme e ‘Rechtspositiebesluit ambtenaren BES’;
  • Un salario konforme merkado den skal inisial 6 (salario mensual bruto di minimal $ 1.819,--) i skal 7 di e funshon 7 (salario mensual bruto di maksimal $ 2.906,--), pa un durashon laboral di 36 ora pa siman. Klasifikashon ta tuma lugá a base di konosementu i eksperensia;
  • Pago di plaka di fakansi (8,33% di e salario);
  • Un di 13 luna (8,33% di e salario);
  • Un areglo di penshun poné bou di Pensioenfonds Caribisch Nederland (PCN);
  • 168 ora di fakansi pa un relashon laboral fultaim segun proporshon di durashon di e servisio;
  • Un areglo di mudansa pa kandidatonan ku ta reakshoná for di pafó di e isla.

Prosedura

  • Un pregunta práktiko por forma parti di e prosedura.

Eksigensianan pa nombramentu

  • Un Deklarashon Tokante Kondukta (VOG);
  • Un saminashon médiko pa atmishon den e fondo di penshun;
  • Nashonalidat hulandes.

Ta bon pa interesadonan di pafó di Hulanda Karibense sa

  • E salario ta den dòler merikano, e moneda ofishal na Hulanda Karibense;
  • Hulanda Karibense tin su propio areglo fiskal. Ta imponé un porsentahe di 30,4% na retenshon riba suèldu pa entradanan ku ta mas haltu ku e suma liber di impuesto ($ 12.198,-- den 2022);
  • Partisipashon den e fondo di penshun ta obligatorio, inkluso e kontribushon propio den esaki;
  • Bo ta òf ta bira residente di Hulanda Karibense.

Mas informashon?

Pa mas informashon tokante e vakatura bo por tuma kontakto ku Tania Melaan-Boezem, Teamleider Invordering, number di telefòn +599 795 4814.

Solisitut digital

Bo por manda bo Curriculum Vitae huntu ku motivashon via meil pa: vacature@rijksdienstCN.com