BCN Lider di Tim Kobransa

HBO/WO | Boneiru | 36 ora | Number di vakatura P&O2025_04_030 | Fecha di klousura: 20 di mei 2025
 

Komo lider di tim, bo ta duna guia na un tim di mas ku 20 kolaboradó, ku ta trata tur e tiponan di medio di impuesto ku tin. Entre otro, e departamento ta responsabel pa evaluashon di formulario di deklarashon, kontrol di atministrashonnan riba interesnan fiskal, dunamentu di sosten atministrativo, imposishon di formulario di impuesto (‘aanslag’), kontakto ku kliente, i tratamentu di karta di opheshon i apelashon.

Aktualmente, e departamento ta den un desaroyo importante den kua profeshonalisashon, bon kolaborashon, i un kalidat haltu di ehekushon ta sentral. Esaki ta pidi pa un lider fuerte i orientá riba meta ku ta ofresé struktura, mehorá prestashonnan,  i motivá e kolaboradónan pa saka lo máksimo di nan talentonan.

Konsekuentemente, ta importante pa bo:

• duna guia pa yega na un kultura di trabou profeshonal, konstruktivo, i orientá riba prestashon;
• stipulá kuadronan kla i sòru pa kumplimentu ku palabrashon i responsabilidat;
• stimulá desaroyo di tim i traha riba (re)konstrukshon di un kultura di traha huntu i di konfiansa;
• garantisá kalidat i efektividat di e prosesonan di supervishon i kobransa;
• hiba kòmbersashonnan na nivel di maneho ku stakeholdernan interno i eksterno.

Finalmente, bo no tin miedu di tuma desishon i bo ta bon den mantené bo rumbo, tambe ora esei trese resistensia. Na mes momentu, bo ta komprondé e importansia di trese hende huntu i di komunikashon. Bo sa kon pa motivá bo tim i konvensé nan pa djòin kambionan, pero bo no tin miedu di tuma desishon ora esaki ta nesesario. Pa logra hasi esaki, bo ta traha huntu estrechamente ku e direktor, kolega lidernan di tim, i ekspertonan riba tereno profeshonal.

Tarea i responsabilidat

• Duna direkshon na e tim i pèrkurá pa realisashon di ophetivonan;
• trese struktura den e maneranan di traha;
• promoshon di kolaborashon profeshonal i konstruktivo;
• supervisá aplikashon korekto di legislashon i regulashon fiskal, i reportá señalnan pa supervishon i mantenshon;
• responsabel pa e maneho di personal, inkluso desaroyo personal di kolaboradónan.

Kiko bo ta trese ku bo?

• Un nivel di traha i pensa HBO òf akadémiko, ku bo por proba mediante un diploma, preferiblemente den un direkshon fiskal, hurídiko òf di atministrashon di empresa;
• Bo por proba ku bo tin minimalmente sinku aña di eksperensia ku liderá, preferiblemente den un ambiente atministrativo òf gubernamental;
• Afinidat ku legislashon fiskal;
• Eksperensia ku maneho di kambio i desaroyo di tim;
• Abilidatnan komunikativo ekselente;
• Dominio di hulandes i ingles, papiamentu ta un bentaha grandi.

Kompetensianan

• Liderazgo;
• Desididu;
• Konvensé;
• Sensitividat di organisashon;
• Konsiente di bo alrededor;
• Nètwèrk;
• Orientashon riba kliente;
• Orientashon riba meta i resultado;
• Inspirá i reflekshoná.

Abilidatnan

• Komunikativo;
• Desididu;
• Kapasidat di resolvé problema;
• Konosementu i organisashon.

Kiko nos ta ofresé?

• Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal inisial 12 òf skal di funshon 13, salario mensual mínimo $ 4.801,-,- i máksimo $ 6.785,-,- ku un siman di trabou di 36 ora. Klasifikashon a base di konosementu i eksperensia;
• Sèn di fakansi (8,33% di e entrada anual);
• Un di diestres luna (8,33% di e entrada anual);
• Un kompensashon di vitalidat;
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi ku un siman di trabou di 36 ora;
• Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo;
• Un areglo pa muda pa kandidato ku ta reakshoná for di den eksterior.

* Por ehekutá e funshon aki riba un base interino, kaminda ku e ARVODI-2028  ta na vigor.

Prosedura

Un assessment, casus i/ òf chekeo di referensia por forma parti di e prosedura.
Den e selekshon lo tene kuenta ku e siguiente órden:

• Personal ofisial di RCN na e islanan BES (interno);
• Habitante di e parti karibense di Hulanda (eksterno);
• Otro kandidatonan (eksterno).

Eksigensianan di nombramentu

• Un deklarashon tokante kondukta (VOG);
• Un saminashon médiko na fabor di atmishon den e fondo di penshun (Partisipashon den e fondo di penshun ta obligatorio, inkluyendo e suma di kontribushon personal pa esaki);
• Nashonalidat hulandes.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto di 30,4% riba un suèldu riba e montante liber di impuesto ku ta $21.373,- den 2025, te un suèldu di $51.250,-. Den e di dos grupo di impuesto un tarifa di impuesto di 35,4% ta na vigor.
• Bo ta, òf lo bira, residente di Hulanda Karibense.

Mas informashon?

Pa mas informashon tokante e funshon aki bo por tuma kontakto ku Claudia Toet, Direktor B/CN , (number di telefon +599 795 4818).

Solisitut digital

Bo por manda bo Curriculum Vitae ku motivashon via meil na vacature@rijksdienstCN.com.