BCN Spesialista Fiskal

Organisashon

Belastingdienst Caribisch Nederland (B/CN) ta responsabel pa imposishon, supervishon, i kobransa di e impuestonan nashonal i pa ehekushon di e legislashon di Impuesto, Duana, i Akseins na e islanan Boneiru, Sint Eustatius, i Saba. Riba tur tres isla tin ofisinanan establesé. B/CN ta parti di Ofisina di Impuesto/Duana Hulandes. Tambe, na B/CN entretantu nos tin un palèt amplio di servisio (ònlain) operashonal.

Departamentu

E departamentu di kobransa i supervishon ta responsabel entre otro pa evaluashon di deklarashonnan di impuesto, ehekushon di kòntròl (di buki) i análisis di atministrashonnan riba riesgonan i interesnan fiskal. Ademas, e departamento ta enkargá ku sosten atministrativo total di e servisio na bali i ta atendé ku karta di opheshon i apelashon.

Deskripshon di funshon

Den e funshon aki bo ta traha riba problemanan fiskal kompleho, mayoria biaha asuntunan ku no a tuma lugá promé i pa kua mester desaroyá solushonnan nobo. Bo ta fungi komo un intermediario pa Belastingdienst i Duana ku partidonan eksterno i bo ta kapas pa trese huntu interesnan opuesto a base di argumentonan di kontenido. Kaminda ku  ta nesesario, bo ta defendé i sali pa puntonan di bista (fiskal) den kontaktonan ku unidatnan di kòntròl òf di hurisdikshon. Tambe boo ta guia proyektonan ku regularidat. Ademas, bo ta desaroyá hèrmèntnan, formanan di traha, i sistemanan práktiko riba bo propio tereno di ekspertisio, ku bo ta kompartí aktivamente ku koleganan. Bo ta hasi esaki aplikando tantu legislashon nashonal komo Derecho Fiskal internashonal.

Komo Spesialista Fiskal bo ta traha riba asuntunan kompleho i desafiante, kaminda ku bo konosementu realmente ta hasi un diferensia. Bo ta responsabel pa failnan ku riesgo grandi i ta hunga un ròl importante den mehorashon i profeshonalisashon di nos práktika di kobransa.

Tareanan di funshon

• Di forma independiente, bo ta trata ku asuntunan fiskal ku un riesgo haltu pa efekto negativo di Belastingdienst;
• Bo ta konsehá i guia ku aserkamentu di problemátika fiskaldesafiante;
• Bo ta señalá problemanan fiskal i tékniko  di kua mester tuma un punto di bista, òf ku mester desaroyá maneho;
• Bo ta evaluá legislashon fiskal nobo i ta duna konseho tokante esaki na direktiva i pa miembronan di e Tim di Maneho (MT);
• Bo ta skibi apologia (verweerschriften) i ta representá Belastingdienst relashoná ku asuntunan fiskal kompleho serka Korte Komun di Hustisia;
• Bo ta konsehá i entrená koleganan di bo propio unidat di servisio tokante prosesonan di kobransa;
• Bo ta duna informashon na partidonan eksterno, manera empresanan i siudadanonan tokante asuntunan fiskal (kompleho);
• Bo tin un papel independiente ora di evaluá i kaba di atendé ku kartanan di opheshon mas kompleho òf asuntunan ku un riesgo profeshonal (mas haltu/apelashon);
• Bo ta duna un aporte aktivo na desaroyo i garantia di kalidat riba e tereno di ekspertisio den bo unidat di servisio;
• Bo ta tene kontakto estrechamente ku e Inspektor di Duana i ku Ontvanger di Belastingdienst, den kuadro di e enfoke riba e kadena.

Eksigensianan di funshon

• A kaba un estudio universitario (wo), preferiblemente ku e spesialisashon derecho fiskal
• Konosementu relevante riba tereno fiskal, di impuesto, i di duana;
• Por proba di tin minimalmente 5 aña di eksperensia ku trabou relevante riba e tereno di ekspertisio
• Konosementu spesialisá di lei di impuesto nashonal i internashonal"

Bo tin ménos eksperensia pero si e konosementu nesesario i ambishon? E ora ei nos ta invitá bo tambe pa solisitá

Kompetensianan

• Orientashon riba trahamentu huntu;
• Kapasidat analítiko;
• Enfoke riba resultado;
• Abilidat di konsulta i negosiashon;  
• Kapasidat di husga ophetivamente;
• Kapasidat inovativo;
• Kapasidat di solushoná problema;
• Kapasidat pa tuma desishon.

Loke nos ta ofresé

• Un nombramentu konforme e Rechtspositiebesluit ambtenaren BES (Desishon posishon hurídiko ámtenar BES);
• Un salario konforme merkado den skal inisial 11/ eskala di funshon 12, di mínimo $ 4.338,- i máksimo $ 6.340,- pa luna ku un siman di trabou di 36 ora. Klasifikashon den eskala ta tuma lugá a base di konosementu i eksperensia;
• Sèn di fakansi (8,33% di e entrada anual);
• Un di 13 luna (8,33% di e entrada anual);
• Un pago di vitalidat mensual den aña 2026;
• Un areglo di penshun akomodá na Fondo di Penshun Hulanda Karibense (PCN);
• 182 ora di fakansi ku un siman di trabou di 36 ora;
• Un nombramentu temporal di un aña, ku bista riba un nombramentu fiho ora funshoná bon i ora haña un resultado di evaluashon positivo;
• Un areglo di mudansa pa kandidatonan ku ta reakshoná for di pafó di e isla.

Prosedura

Un assessment, kaso, i/òf chekeo di referensia por ta parti di e prosedura. Lo habri e vakatura aki internamente i eksternamente na mes momentu, i durante e selekshon lo tene kuenta ku e siguiente órden:

• Personal ofisial di RCN na e islanan BES (interno);
• Habitantenan di e parti karibense di Hulanda (eksterno);
• Sobrá kandidato (eksterno).

Eksigensianan di nombramentu

• Un Deklarashon Tokante Kondukta (VOG);
• Un eksámen médiko relashoná ku atmishon obligatorio na e fondo di penshun (inkluso unkontribushon propio);
• Nashonalidat hulandes.

Bon pa interesadonan pafó di Hulanda Karibense sa

• E suèldu ta paga na dòler merikano, e moneda ofisial di Hulanda Karibense;
• Hulanda Karibense konosé un propio areglo di impuesto. Riba entrada ku ta riba e suma liber di impuesto di $21.956,- na 2026, den e promé nivel di entrada, te un entrada di $ 53.198,- lo kobra 29,4%. Den e di dos nivel di entrada tin un tarifa di impuesto di 38,4% na vigor.
• Bo ta òf ta bira residente di Hulanda Karibense.

Mas informashon?

Pa mas informashon tokante e vakatura aki, bo por tuma kontakto ku señor Rodney Frederiks, Lider di Tim di Kobransa, number di telefòn +599 795 0237.

Solisitut digital

Bo por manda bo Curriculum Vitae, ku bo motivashon, via meil na  vacature@rijksdienstCN.com.