Tres diferente isla, shen kolaboradó, un kuerpo di bombero. Komo Komandante General bo ta na timon di Kuerpo di Bombero Hulanda Karibense. Un kuerpo ku ta den pleno desaroyo i ku tin e ambishon pa garantisá i sigui amplia mas ainda siguridat físiko di siudadano-, kompania- i bishitantenan na Boneiru, Sint Eustatius i Saba.

HBO | Boneiru | 36 ora | Number di vakatura: HRM2026_02_019| Fecha di klousura: 8 di mart 2026

Deskripshon di e funshon

Entretantu e kuerpo ta eksistí diessinku (15) aña. Un bunita momentu pa abo djòin, pa duna kontenido na desaroyo kontinuo di e kuerpo. Aki e enfoke ta riba un organisashon kolektivo i koherente, for di e tres (3) lokalidatnan na Boneiru, Sint Eustatius i Saba. Kada lokalidat tin un komandante lokal (Boneiru tin dos (2)). Komo Komandante General abo ta supervisá e totalidat i ta duna liderazgo integral na e kuerpo. Huntu ku e tim di maneho i personal, bo ta sigui traha riba un kuerpo ku ta optimalmente prepará pa su tareanan. I bo ta promové sosiedatnan sigur pa medio di prevenshon, limitashon i kombatimentu di riesgonan.

Tareanan di e funshon

  • Komo gerente ku ta konektá, bo ta duna direkshon na desaroyo kontinuo di BKCN komo organisashon kolektivo i koherente. Bo ta garantisá kontinuidat den e organisashon riba tereno di disponibilidat, profeshonalismo i ekspertisia di e personal;
  • Bo ta enfoká riba un brantwer ku ta funshoná adekuadamente. Bo ta pèrkurá pa transparensia den direkshon di e sosiedatnan riba tereno di kuido di brantwer i kombatimentu di desaster i maneho di krísis i bo ta regla e palabrashonnan hasí den e plannan di kuido di brantwer i ta implementá esakinan. Bo ta hasi esaki den estrecho konsulta ku e entidatnan públiko i gezaghebbernan;
  • Bo ta enfoká riba maneho operashonal duradero ku ta permití pa BKCN permanentemente duna kontenido na ehekushon di su tarea. Pa logra esei bo ta duna direkshon i ehekushon na metanan di e organisashon i desaroyo di strategia. Al respekto bo ta duna entre otro ehekushon na e plan di maneho 2024-2027 i bo ta duna direkshon na e plan di maneho 2028-2031, ku bo a yuda formulá;
  • Kaminda ta nesesario, bo ta partisipá aktivamente na e timnan di krísis den kaso di kombatimentu di desaster i krísis i ta aportá na mobilisashon di BKCN den kaso di kombatimentu di desaster i maneho di krísis;
  • Bo ta konsolidá i intensivá e kolaborashon ku organisashonnan di brantwer di Kòrsou, Aruba i Sint Maarten i partner na Hulanda Karibense. Tambe bo ta enfoká riba posibilidatnan pa sera òf intensivá kooperashon ku partidonan na Hulanda.

E organisashon

Kuerpo di Bombero Hulanda Karibense (BKCN) ta e kuerpo di bombero pa e islanan Boneiru, Sint Eustatius i Saba. BKCN ta forma parti di ministerio di Hustisia i Siguridat (JenV) i ta responsabel pa ehekushon di tareanan di brantwer riba e islanan i airopuertonan. Minister di JenV ta atministradó di kuerpo di BKCN. E kolaboradónan di brantwer ta den servisio serka Rijksdienst Caribisch Nederland i e komandante general ta e outoridat kompetente di e kolaboradónan. E organisashon tin alrededor di shen (100) kolaboradó. Nos hendenan ta traha for di e tres (3) establesimentunan na Boneiru, Sint Eustatius i Saba. Kada establesimentu ta bou di guia di un Komandante Lokal, na Boneiru tin dos (2) Komandante Lokal. Abo ta forma huntu ku e Komandantenan Lokal, e koordinadó di mantenshon i logístiko i konsehero di maneho operashonal, e Tim di Maneho di BKCN. Komo Komandante General abo ta responsabel pa maneho (integral) kompleto di BKCN.

Eksigensianan di e funshon

  • Bo ta disponé di un nivel akadémiko i por lo ménos un diploma hbo;
  • Bo por demostrá ku bo ta disponé di ekselente kapasidat di liderazgo;
  • Bo tin eksperensia ku guia di tareanan (di kambio) kompleho den un konteksto dinámiko, polítiko atministrativo i preferiblemente multikultural;
  • Bo tin eksperensia den e área di siguridat i preferiblemente bo a demostrá bo kualidatnan den e profeshon di bombero, tantu riba nivel represivo komo di maneho. Pa e motibu akí bo ta hopi kapas pa stimulá profeshonalismo i mas desaroyo di e kuerpo di bombero. Bo tin preferiblemente diploma di ‘Hoofdbrandmeester’ (HBM) òf ‘Hoofdofficier van Dienst’ (HOVD) di ‘Nederlandse Instituut Publieke Veiligheid’;
  • Bo tin eksperensia komo ‘Hoofdofficier van Dienst’;
  • Preferiblemente bo a sigui kursonan riba tereno di maneho di krísis i kombatimentu di desaster, manera ‘Master of Crisis and Public Order Management’ (ántes MCDM);
  • Bo tin konosementu di i eksperensia ku aspektonan di maneho riba nivel di gerensia, manera finansa, maneho di krísis, maneho operashonal i HR;
  • Bo tin kapasidat pa skucha bon, bo tin atenshon pa e konteksto karibense di kuido di brantwer i pa e diferente interesnan di e tres islanan;
  • Bo tin bon abilidat komunikativo na hulandes i ingles, tantu ferbal komo por eskrito. Ta un bentaha si bo ta papia papiamentu;
  • Bo tin afinidat ku e área karibense.

Abilidatnan

  • Orientá riba kolaborashon
  • Konosementu i sensitividat polítiko atministrativo
  • Sentido di relashon, sensibilidat polítiko
  • Sosialmente embolbí
  • Plania, organisá i koordiná
  • Abil den komunikashon
  • Desaroyá i propagá vishon
  • Kurashi

Kiko nos ta ofresé?

  • Un nombramentu konforme e Desishon posishon hurídiko ámtenarnan BES;
  • Bo kontrato laboral ta en prinsipio pa un aña, ku intenshon pa konvertí esaki den un nombramentu pa tempu indefiní den kaso di funshonamentu satisfaktorio. Un detashamentu di tres (3) te sinku (5) aña tambe ta un posibilidat;
  • Komo Komandante General di brantwer bo ta kai den skal 14, di mínimo $ 6.613,- i máksimo $ 8.037,- di e Areglo Salario di Amtenarnan di Gobièrnu Sentral BES;
  • Plaka di fakansi (8,33% di e entrada anual);
  • Un di 13 luna (8,33% di e entrada anual);
  • Un plan di penshun alohá serka Pensioenfonds Caribisch Nederland (PCN);
  • 182 ora di fakansi pa un (1) siman di trabou di 36 ora pa siman;
  • Un areglo di mudansa pa kandidatonan ku reakshoná for di pafó di e isla.

Prosedura

Un evaluashon, kaso i/òf chekeo di referensia por forma parti di e prosedura di selekshon.
Ta habri e vakatura akí na mes momentu interno i eksterno, pa kua, na momentu di selekshon, ta tene kuenta ku e siguiente sekuensia:

  • Personal atministrativo di RCN riba e islanan BES (interno);
  • Habitantenan di e parti karibense di Hulanda (eksterno);
  • Demas kandidatonan (eksterno).

Partikularidatnan

  • Ta trata di un funshon fultaim, kaminda bo ta traha 36 ora pa siman. Por pidi bo pa traha pafó di oranan di ofisina, si e situashon ta rekerí esei.
  • Bo base ta Boneiru i regularmente bo ta na Sint Eustatius i Saba.
  • Pa e funshon un investigashon di siguridat di aviashon sivil ta rekerí.
  • E prosedura di selekshon ta konsistí di un selekshon di karta i entrevista ku un komishon di selekshon i konseho.
  • Por reakshoná te ku 8 di mart 2026 riba e vakatura akí. E entrevistanan lo tuma lugá riba 19 di mart 2026 na Boneiru òf di forma kombiná. Nombramentu ta tuma lugá alrededor di medio 2026.

Eksigensianan pa nombramentu

  • Un Deklarashon tokante Kondukta (VOG);
  • Un saminashon médiko pa atmishon na e fondo di penshun (partisipashon ta obligatorio, inkluso un kontribushon propio);
  • Nashonalidat hulandes.

Ta bon pa esnan interesá pafó di Hulanda Karibense sa

  • E salario ta na dòler merikano, e moneda ofishal na Hulanda Karibense;
  • Hulanda Karibense tin su propio regulashon fiskal. Ta kobra 29,4% na impuesto riba entrada riba e montante liber di impuesto di $21.956 den 2026 den e promé grupo fiskal, te un entrada di $53.198, 29,4%. Den e di dos grupo fiskal un tarifa fiskal di 38,4% ta na vigor.
  • Bo ta òf ta bira residente di Hulanda Karibense.

Mas informashon?

Por haña informashon tokante e funshon serka Coen van Vulpen, representante di e atministradó di kuerpo na Hulanda Karibense, e-mail: Coen.vanVulpen@RijksdienstCN.com.

Solisitut digital

Bo por manda bo Curriculum Vitae huntu ku motivashon pa ministerio di Hustisia i Siguridat, e-mail: m.b.haas@minjenv.nl.