Bo ta un persona ku un graduashon profeshonal superior ku ambishon di liderazgo, ku ta resistente na strès i ke desaroyá den un ofisial di bombero? E ora ei e estudio fultaim aki di BKCN ta pa bo.

Estudio

E di 55 edishon di e estudio di ofisial di bombero fultaim ta kuminsá na sèptèmber 2026 na e Instituto di Seguridat Públiko di Hulanda (NIPV). E estudio aki tin un durashon di mas òf menos 18 luna. Lo bo drenta Servisio di Bombero di Hulanda Karibense (BKCN) tres luna promé ku e estudio kuminsá, di moda ku lo bo ta bon prepará pa e programa. E programa ta ser duná pa NIPV na Arnhem, Hulanda. (Hulanda Oropeo)

Durante bo estudio, lo bo kompletá stazje na vários departamentu di bombero pa haña eksperensia práktiko. Esaki ta nifiká ku lo bo keda Hulanda Oropeo durante henter e periodo di e estudio.

Funshon di Ofisial di Bombero

Komo un ofisial di bombero, bo ta traha pa un organisashon di servisio di bombero. Bo karera lo ta enfoká riba liderazgo i ‘networking’, loke ta permití bo avansá lihé na un nivel táktiko/stratégiko den BKCN. Bo por sirbi komo un gerente, lider di proyekto, i/òf un lider prominente. Bo por ser desplegá tambe komo un ofisial na warda na vários insidente, ku ta varia di aksidente ku ta enserá materialnan peligroso te na aksidente di avion.

Komo ofisial di bombero, bo tin ambishon, perseveransia i abilidatnan analítiko, i bo ta sigur di bo mes. Bo ta un lider i strès no ta spantá bo. Bo tin bon bista pa hende (empatia), bo por traha den tim, i tin un sentido pa diferente interes, ta kualidatnan importante.

E organisashon

Traha na Kuerpo di Bombero Hulanda Karibense ta nifiká traha riba seguridat i reakshon di emergensia den un ambiente úniko den Karibe. E organisashon ta forma parti di e Ministerio di Seguridat i Hustisia, ku e minister komo atministrador di e kuerpo.

For di e lokalidatnan na Boneiru, Saba i Sint Eustatius, diariamente ta ofresé servisionan básiko kontra kandela, pagamentu di kandela na aeropuerto i kombatimentu di desaster.

E kuerpo ta bou di liderazgo di un komandante general i kada isla ta keda dirigí pa komandante lokal.

Kompetensianan

  • Liderazgo
  • Sensitivo den aspekto polítiko atministrativo
  • Sosialmente Orientá
  • Sensitivo den aspekto interkultural
  • Fleksibel

Eksigensianan pa e funshon

  • Un titulo di HBO (enseñansa profeshonal superior) kompletá (240 ECTS) òf un titulo universitario (por lo ménos un ‘bachelor’), òf bo ta gradua na tempu promé ku inisio di e programa di estudio pa Ofisial di Bombero;
  • Bo por wanta preshon i strès, bo ta físikamente ‘fit’, i no tin miedu di altura òf espasio smal;
  • Bo tin un diploma di landamentu di kategoria A;
  • Bo tin un reibeweis di kategoria B;
  • Bo ta residensiá na Hulanda Karibense - Boneiru òf ta dispuesto pa muda;
  • Konosementu y dominio di idioma hulandes, Papiamentu i ingles;
  • Disponibilidat pa biaha; biahe ta un parti struktural di bo funshon.

Kiko nos ta ofresé?

Nos ta ofresé un programa di estudio pa ofisial di bombero profundo i ku hopi reto, duná ​​na Hulanda, sigui pa un posishon variá den un ambiente di trabou dinámiko na Boneiru. Durante e estudio, lo bo drenta den servisio di  BKCN pa e durashon di bo partisipashon den e estuio. Partisipashon na e estudio ta un parti inseparabel di e nombramentu.

Despues di a kompletá e estudio ku éksito i a prueba ​​ku bo ta funshoná bon, nos tin intenshon di ofresé bo un kontrato permanente. Nos ta spera ku bo ta komprometé bo mes ku BKCN pa por lo ménos tres aña despues di kompletá e estudio.

Pa bo estadia na Hulanda durante e estudio, nos ta ofresé un pakete pa bibienda, biahe, i otro gastunan di estadia.

Unabes bo ta traha na Boneiru, ta un eksigensia pa bo kompletá e programa di entrenamentu di Kombatimentu di Insidente na aeropuerto (IBL),  mínimo di tripulashon di IBL ku éksito.

Kondishonnan di Trabou

  • Un nombramiento di akuerdo ku e Posishon Hurídiko di funshonarionan públiko BES;
  • Un salario konforme e merkado, den skal inisial 9 i skal di e funshon 10, di minimal $3.293,- i maksimal $4.899,- pa luna mará na un siman di trabou di 36 ora. Klasifikashon ta basá riba konosementu i eksperensia;
  • Sèn di vakashon (8,33% di e salario anual);
  • Un di diestres luna (8,33% di e salario anual);
  • Gratifikashon di vitalidat;
  • Un plan di penshun manehá pa Fondo di Penshun di Hulanda Karibense (PCN);
  • 182 ora di vakashon basá riba un siman di trabou di 36 ora;
  • Un nombramentu temporal pa e durashon di bo partisipashon den e programa di estudio. Despues di kompletá e programa ku éksito, lo bo haña un nombramentu temporal pa un aña. Un posishon permanente lo sigui despues di un evaluashon positivo;
  • Un areglo di mudansa si bo ta reakshoná for di den eksterior.

Prosedura

Kuerpo di Bombero di Hulanda Karibense ta invitá partikularmente kandidatonan ku ta biba den e parti Karibense, òf a nase i ta residensia aktualmente na Hulanda. E prosedura di selekshon ta konsistí di e siguiente fasenan:

  • Un entrevista inisial ku e komishon di selekshon di BKCN;
  • Un evaluashon i tèst di deporte;
  • Un di dos entrevista ku e komishon di selekshon i un kòntròl di referensia;
  • Si keda selektá, un entrevista di kondishonnan di trabou lo sigui.

E vakatura aki ta ser anunsiá simultáneamente di forma interno i eksterno, i e siguiente  sekuensha  ta ser konsiderá den e proseso di selekshon:

  • Personal-ofisial di RCN riba e islanan BES (interno);
  • Residentenan di Hulanda Karibense (eksterno);
  • Otro kandidato (eksterno).

Eksigensianan pa e Nombramentu

Ademas, bo mester kumpli ku e siguiente rekisitonan i por presentá ​​nan di un manera demostrabel:

  • Bo tin nashonalidat Hulandes;
  • Un Sertifikado di Bon Kondukta (VOG) bálido;
  • Un VGB ta nesesario; ta duna sosten durante e proseso di aplikashon.
  • Un resultado positivo di e eksamen médiko di departamento di bombero;
  • Na finalisashon eksitoso di tur fase, lo regla e nombramentu i BKCN lo inskribí bo pa e training, ku lo tuma lugá na Hulanda.

Bon pa sa esaki pa esnan interesá ku ta biba pafó di Hulanda Karibense

  • E salario ta den dòler estadounidense, e moneda ofisial di Hulanda Karibense;
  • Hulanda Karibense tin su mes regulashonnan fiskal. Entrada ku ta surpasá e montante liber di impuesto di $21,956 na 2026 ta ser imponé na 29.4% den e promé braket, te na un entrada di $53,198. Den e di dos braket, e tarifa di impuesto ta 38.4%.
  • Bo ta habitante òf lo bira habitante di Hulanda Karibense.

E intenshon ta pa bo drenta den servisio na yüni 2026 i pa mas tardá prome ku sèptèmber 2026, kuminsá un programa preparatorio amplio ku e meta no solamente pa familiarisá bo mes ku e organisashon i sera konosí ku bo koleganan, pero tambe pa prepará bo pa e programa di estudio na Hulanda. Durante e periodo aki, lo bo ta tambe  aktivamente enbolbí i bo tin e reto pa kontribuí ku bo ideanan riba tópikonan relevante.

Interesá?

Interesadonan por registrá di antemano pa un dia di informashon na NIPV. Nos lo manda bo e informashon riba petishon.

Pa informashon tokante e vakatura por tuma kontakto ku Komandantenan Lokal di e filial di Boneiru:

Apliká digitalmente

Bo por manda bo Curriculum Vitae ku motivashon via email pa vacature@rijksdienstcn.com.