Eksperto di Kondukta Voogdijraad

Bo ta un kolega enérgiko ku por aktua adekuadamente? Bin traha serka nos!

Teamleider Facilitaire Zaken

Universitario | Sint Eustatius | 39,5 ora | P&O2020_06_002 | Fecha di klousura: 1 di yüli 2020

Deskripshon di e funshon:

Komo Eksperto di Kondukta bo ta sostené un tim hóben di investigadó di  konseho ku ta ehekutá diferente investigashon. Bo ekspertisio ta un kontribushon importante pa ku nan asesoramentu i konseho. P’esei bo ta tuma parti na e tumamentu di desishon den un relashon multidisiplinario. Den esaki por trata entre otro di investigashonnan di protekshon di mucha, asuntunan di outoridat i relashon i kasonan penal. Banda di esaki bo ta duna sosten den kombersashonnan ku kliente, bo ta deliberá ku e partnernan kadena, bo ta duna informashon i bo ta desaroyá rekurso pa usa den i pafó di e organisashon.

Pa motibu di e eskala chikí di e organisashon i e islanan ta ferwagt ku abo komo eksperto di kondukta ademas ta dispuesto di hasi trabou ku ta nesesario pa laga proseso den e organisashon kana bon. Den esaki por pensa entre otro na sosten di maneho, ehekushon independiente di kursonan (kòrtiku) i proyektonan interno na fabor di desaroyo di e organisashon. Esaki por nifiká tambe tumamentu di kasonan/investigashonnan. Bo ta dispuesto tambe di coach i guia e tim hóben di investigadó di konseho den nan desaroyo.

Tareanan di e funshon:

  • Sostené e análisis i evaluashon di notifikashonnan di emergensia ku a drenta;
  • Konsehá e investigadónan di konseho den diferente investigashon (entre otro investigashon di protekshon di mucha, kasonan di kondukta i relashon i kasonan penal);
  • Bo ta hunga un papel importante den e profeshonalisashon di e investigadónan di e konseho den por ehèmpel desaroyo di metodologia, treinen i desaroyo di maneho;
  • Balorá riesgonan di seguridat;
  • Kontribuí na un bon tomo di desishon
  • Stimulá  trabou dirigí riba solushon.

E organisashon

Voogdijraad CN ta sali na interes di mucha i hóben di Boneiru, Sint Eustatius i Saba ku posiblemente ta den un situashon no seif òf menasante. Nan tin derecho riba un konseho independiente. Kiko ta nesesario pa laga e muchanan aki lanta seif? Komo eksperto di kondukta na Voogdijraad CN bo ta duna un kontribushon importante na nos investigashon i konseho. Voogdijraad aktualmente ta den pleno akshon di desaroyo. Un tim hóben di profeshonal entusiasmá ta buska un eksperto di kondukta ku ta saka satisfakshon for di sigui yuda e tim desaroyá i sostené e tim for di e base den e entrega di rapòrt di konseho kalitativo.

Tantu interno komo eksterno e kadena ta den pleno akshon di desaroyo. Espesialmente den e área di prevenshon, kuido pa hóben i e kadena penal hubenil na Hulanda Karibense. Nos ta buska un hungadó di tim ku ta fleksibel, kreativo (pensa den posibilidat), proaktivo ku komo eksperto di kondukta gustosamente ke traha den un ambiente di kambio.

Pa loke ta e lugá di trabou di e Eksperto di Kondukta, konsiderando e situashon organisatorio aktual, e preferensha ta pa Sint Eustatius kaminda ta ferwagt flèksibilidat di biahamentu entre e tres islanan i espesialmente entre e islanan ariba (Sint Eustatius i Saba). Despues di un aña lo evaluá i lo ta posibel ku e lugá di trabou lo kambia. E kambio aki por tuma lugá tambe na petishon di e Eksperto di Kondukta mes.

Bo kompetensianan

  • Sosiabilidat;
  • Formashon di huisio
  • Abilidat ekspresivo (verbal i por eskrito);
  • Abilidat analítiko;
  • Motivá & Stimulá
  • Komprenshon

Eksigensianan pa e funshon

  • Bo a kaba un edukashon universitario di sikologia (di desaroyo) òf ortopedagogia;
  • Kompetensia diagnóstiko ta un bentaha;
  • Bo tin konosementu di i afinidat ku protekshon di hóben, ayudo di hóben, kriminalidat di hóben i problemátika di divorsio;
  • Bo tin eksperensia ku kaso sivil i penal i preferiblemente bo a haña eksperensia na Konseho di Protekshon di Mucha;
  • Bo tin eksperensia den trabou multidisiplinario den ayudo (di hóben) i eksperensia den evaluashon di sirkunstansianan di edukashon i bibamentu di mucha i hóben;
  • Bo ta un hungadó di tim ku a base di e propio ekspertisio sa di konvensé;
  • Bo ta un profeshonal habrí, envolví i pashoná ku proaktivamente ta kontribuí na e resultadonan di e tim;
  • Bo ta flèksibel, yen di inisiativa/proaktivo, sensitivo pa organisashon i bo por pensa out-of-the-box;
  • Bo tin konosementu di i eksperensia ku traha ku diferente grupo di enfoke i, preferiblemente tin afinidat ku e Islanan BES i nan kultura;
  • Ta konsiderá dominio di e idiomanan relevante manera ingles, papiamentu i/òf spañó komo un balor èkstra fuerte.

Kiko nos ta ofresé:

  • Un salario konforme e merkado, den skal inisial 10 i skal di e funshon 11, minimal $2.967,- i maksimal $4.460,- pa luna mará na un siman di trabou di 39,5 ora. Skal a base di konosementu i eksperensia;
  • Un di diestres luna di 8,33 % di e salario; di minimalmente $1.750,-
  • Kompensashon di vakashon di 8,33% di e salario;
  • Un bon provishon di penshun akomodá na PCN;
  • Posibilidat pa sigui kurso interno;
  • 184 ora di vakashon (den kaso di 39,5 ora di trabou pa siman);
  • Un nombramentu temporario di 1 aña ku bista riba un nombramentu fiho, segun legislashon di BES;
  • Un areglo pa muda si bo reakshoná for di estranhero.

Eksigensia di nombramentu:

  • Mester por entregá un deklarashon tokante kondukta (VOG).
  • Pa bini na remarke pa un funshon na Rijksdienst Caribisch Nederland, nashonalidat hulandes ta un eksigensia.
  • Un assessment por forma parti di e prosedura di selekshon.

Mas informashon?

Pa informashon tokante e vakatura bo por tuma kontakto ku
Jill Soemosemito
Telefòn: +599 715-8898
Jill.Soemosemito@rijksdienstCN.com

Solisitut digital
Bo por manda bo Curriculum Vitae ku motivashon pa: vacature@rijksdienstCN.com