E organisashon

Gabinete di Enviado Spesial pa Boneiru, Sint Eustatius i Saba ta dediká na representá interesnan internashonal di Hulanda Karibense i fomentá su desaroyo duradero. For di un posishon stratégiko, ta trahá pa fortifiká e relashon ku Union Oropeo i pa oumentá akseso na finansiamentu di EU, retnan di konosementu i partnershipnan.

E Gabinete ta sostené e tres islanan pa probechá di oportunidatnan ku ta surgi for di nan posishon spesial den Reino Hulandes i Union Oropeo. E enfoke ta ser pone riba, entre otro:

  • Adaptashon na klima i resiliensia na klima;
  • Energia renovabel;
  • Seguridat di awa i kuminda;
  • Konektividat i infrastruktura;
  • Biodiversidat i konservashon di naturalesa;
  • Desaroyo sosial i ekonómiko;
  • Koperashon kultural.

E departamento

E Gabinete ta kai bou di responsabilidat di Ministerio di Interior i Relashonnan den Reino (BZK).
E tim ta konsistí di e Enviado Spesial, un konsehero stratégiko, un funshonario di sosten di maneho, i un Mènedjer Seniòr  di proyekto pa fondonan di EU. E ofisina ta situá na Boneiru.

Deskripshon di e funshon

  • Komo Mènedjer Seniòr di Proyekto pa fondonan di EU, bo ta responsabel pa identifiká, desaroyá, koordiná i implementá proyektonan i programanan finansiá pa fuentenan Oropeo ku ta kontribuí na desaroyo sosial, ekonómiko i sostenibel di Boneiru, Sint Eustatius, i Saba.
  • Bo ta hunga un ròl klave den mehorá akseso na oportunidatnan di finansiamentu Oropeo pa Boneiru, Sint Eustatius i Saba. Hasiendo esaki, bo ta traha di forma estrecho ku Komishon Oropeo, ministerionan hulandes, instansianan públiko, institutonan di konosementu, organisashonnan di sosiedat sivil, i partnernan internashonal.
  • Bo ta identifiká skema i programanan di supsidio Oropeo relevante, ta tradusí nan den oportunidatnan di proyekto konkreto, i ta sostené e desaroyo di aplikashonnan di supsidio di kalidat altu. Ademas, bo ta supervisá e implementashon di proyektonan otorgá, mónitòr progreso, finansa i resultadonan, i duna sosten pa loke ta trata kumplimentu ku regulashonnan Oropeo i obligashonnan di reportahe.
  • Bo ta fungi komo un partner stratégiko pa atministradónan i stakeholdernan i ta kontribuí na sigui fortalesé e posishon di Hulanda Karibense den e retnan di kolaborashon Oropeo. Hasiendo esaki, bo ta hunga un ròl klave den desaroyá un proyekto duradero i strategia di finansiamentu pa e tres islanan di Hulanda Karibense.

Deskripshon di e funshon

  • Identifiká i analisá oportunidatnan di fondonan, programanan i instrumentonan di finansiamentu Oropeo.
  • Inisiá, desaroyá i guia aplikashonnan di supsidio na institushonnan Oropeo.
  • Konstruí i mantené relashonnan stratégiko ku e Komishon Oropeo, ministerionan, outoridatnan lokal, sosiedat sivil, partnernan regional i otro stakeholdernan relevante.
  • Koordinashon di proyektonan i programanan Oropeo durante henter e siklo di proyekto.
  • Mónitòr planifikashon di proyekto, presupuestonan, riesgonan, kalidat i resultadonan.
  • Asesorá e Enviado Spesial i otro partidonan enbolbí riba desaroyonan di maneho Oropeo i oportunidatnan di finansiamentu.
  • Apoyá e instansianan públiko di Boneiru, Sint Eustatius i Saba pa fortifiká nan akseso na fondonan Oropeo.
  • Representá e Gabinete di e Enviado Spesial den retnan, reunionnan i konferensianan relevante Oropeo i internashonal.
  • Kontribuí na subi konosemento di kapasidat i profeshonalisashon den e áreanan di rekoudashon di fondo, desaroyo di proyekto i maneho di programa.

Eksigensianan pa e funshon

  • Bo tin un nivel di trabou i pensamentu wo;

  • Bo tin un título kompletá na nivel profeshonal mas altu (HBO) òf universitario, preferiblemente den Atministrashon Públiko, Atministrashon di Negoshi, Relashonnan Internashonal, Ekonomia, Siensia Polítiko, òf un tereno relashoná.

  • Bo tin por lo ménos 7 aña di eksperensia demostrabel den maneho di proyekto i programa di EU.

  • Bo tin eksperensia trahando den un ambiente polítiko-atministrativo.

  • Bo tin eksperensia ku inisiativanan di kolaborashon internashonal, rekoudashon di fondo, òf programanan di supsidio.

  • Bo tin eksperensia demostrabel ku maneho di stakeholder i trahando den ambientenan kompleho.

  • Bo tin dominio ekselente di e idiomanan Hulandes i Ingles, tantu skirbí komo papia.

  • Konosementu di Papiamentu i/òf Spañó ta un bentaha.

  • Bo ta fleksibel i dispuesto pa biaha internashonal.

  • Bo ta habitante òf lo bira habitante di Hulanda Karibense.

Kompetensianan

  • Pensamentu stratégiko
  • Konosementu di bo ambiente
  • Forsa persuasivo
  • Orientá na resultadonan
  • Planifikashon i Organisashon
  • Kolaborashon

Loke nos ta ofresé

  • Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
  • Un salario konforme merkado den skal di funshon 12 di mínimo $ 5.066,- i máksimo $ 6.340,- ku un siman di trabou di 36 ora. Klasifikashon a base di konosementu i eksperensia;
  • Sèn di fakansi (8,33% di e entrada anual);
  • Un di diestres luna (8,33% di e entrada anual);
  • Un kompensashon di vitalidat;
  • Un areglo di penshun akomodá na Pensioenfonds Caribisch Nederland (PCN);
  • 182 ora di fakansi ku un siman di trabou di 36 ora;
  • Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo;
  • Un areglo di mudansa pa kandidato ku ta reakshoná for di den eksterior.

Prosedura

Un assessment, casus i/ òf chekeo di referensia por forma parti di e prosedura.
Ta habri e vakatura internamente i eksternamente na mes momentu. Den e selekshon lo tene kuenta ku e siguiente órden:

  • Personal ofisial di RCN na e islanan BES (interno);

  • Habitante di e parti karibense di Hulanda (eksterno);

  • Otro kandidatonan (eksterno).

Eksigensianan di nombramentu

  • Un deklarashon tokante kondukta (VOG);
  • Un saminashon médiko relashoná ku registrashon obligatorio na e fondo di penshun (ku kontribushon propio)
  • Nashonalidat hulandes.

Bon pa sa pa interesado pafó di Hulanda Karibense

  • E salario ta na dòler merikano, e moneda ofisial di Hulanda Karibense;
  • Hulanda Karibense konosé su propio reglanan di impuesto. Ta kobra impuesto di 29,4% riba un suèldu riba e montante liber di impuesto ku ta $21.956,- den 2026, te un suèldu di $53.198,-. Den e di dos grupo di impuesto un tarifa di impuesto di 38,4% ta na vigor.
  • Bo ta, òf bo ta bira, residente di Hulanda Karibense.

Mas informashon?

Pa mas informashon tokante e vakatura bo por tuma kontakto ku Edison Rijna, Enviado Spesial BES, telefòn +599 795 5332.

Solisitut digital

Bo por manda bo Curriculum Vitae ku motivashon via di meil na vacature@rijksdienstCN.com.