IND Koordinadó di Kadena di e kadena di imigrashon Hulanda Karibense (entrante 1 di yüli 2025)

HBO | Boneiru | 36 ora | Number di vakatura P&O2024_010_013 | Fecha di klousura: 6 di desèmber 2024

Deskripshon di funshon

Abo ta konektá e diferente organisashonnan for di e kadena di imigrashon na Hulanda Karibense. Bo konosé e kadena di imigrashon hopi bon i bo sa kon e organisashonnan den e kadena di imigrashon ta traha. Bo ta bai serka nan frekuentemente, i e ora ei ta diskutí e opstákulonan den e práktika diario i posibel direkshonnan di solushon. Komo ku bo ta haña un oportunidat pa tira un bista den kushina di kada un, bo ta komprondé e logístika i e retonan ku e kadena ta enfrentá. Ta na abo pa filtra saka e temanan básiko for di esaki i, huntu ku e partnernan, kombertí nan den plannan di akshon konkreto. Despues bo ta sostené e partnernan di kadena ku e ehekushon, kompartí bo konosementu, i monitor e progreso. Datonan for di e ‘dashboard’ ta yuda bo hasi esaki. Bo ta ahustá unda esei ta nesesario, i bo no tin problema pa eskalá pa yuda e proseso bai dilanti.

Palabrashonnan ku e kadena di imigrashon ta hasi, bo ta tradusí den akshonnan konkreto huntu ku e partnernan di kadena. Bo ta hasi esaki riba tereno di akseso, atmishon, supervishon, salida/ekspulshon, pero tambe ora ta trata di kombatí trafikashon di hende/kontrabanda di hende, i organisashon di kontrol multidisiplinario. Ademas, kontinuamente bo ta buska posibilidatnan pa stimulá i fortifiká e kolaborashon mutuo. Asina, den e funshon aki bo ta kontribuí hopi konkretamente na un sosiedat mas seif i íntegro den Hulanda Karibense. 

Komo Koordinadó di kadena bo ta traha na nivel operashonal. Tambe, bo ta sekretario di e konsulta stratégiko. Bo ta para hopi di aserka ku e koleganan for di e kadena. Bo tin konsultanan operashonal ku e partnernan di kadena regularmente. Ademas, bo ta konektá ku diferente konsultanan di trabou i konsultanan atmistrativo ku partnernan di kadena i durante konsultanan den henter e kadena. Bo ta mantené kontakto estrecho ku koleganan di e ‘Zorg- en Veiligheidshuis’ (Kas di Kuido i Siguridat) na Boneiru, i e trahadónan sosial na Sint Eustatius i Saba. Bo ta traha den konekshon ku ‘Directie Migratie Beleid van het Ministerie van Justitie & Veiligheid’ (DMB J&V, Direktiva Maneho di Migrashon di e Ministerio di Hustisia i Siguridat).

Bo lugá di traha ta serka IND Hulanda Karibense. Bo ta traha for di ofisina òf for di kas, òf serka un di e partnernan di kadena na unda bo tin un konsulta e dia ei. Di e manera aki, bo ta siña konosé e partnernan di kadena ainda mas mihó. E funshon di Koordinadó di kadena ta kai bou di IND CN. Sinembargo, e ta un funshon híbrido unda tur partner di e kadena di imigrashon CN por implementá e servisio di e Koordinadó di Kadena.

E trabounan no ta solamente limitá na Hulanda Karibense. Den e region di Karibe, bo ta traha huntu tambe ku Kòrsou, Aruba i Sint Maarten (e paisnan CAS). Ademas, na Hulanda Karibense bo ta e puesto avansá pa e paisnan koordinadó di Trafikashon di Hende/Kontrabanda di Hende serka Ministerio di Hustisia & Siguridat na Hulanda Oropeo.

Servisio di Imigrashon i Naturalisashon

Servisio di Imigrashon i Naturalisashon Hulanda Karibense (IND-CN) ta responsabel pa ehekushon di e maneho di strañero na Boneiru, Sint Eustatius i Saba. IND-CN ta prosesá petishon pa atmishon di strañero i hulandes (ku no ta yu di tera di e isla òf turista) ku ke establesé su mes na Hulanda Karibense. Tambe, IND-CN ta prosesá petishon pa prolongashon di estadia di turista i di persona atmití ku ke haña e nashonalidat hulandes.

Kompetensianan

• Analisá
• Poder di konvensé
• Sensitividat pa organisashon
• Fleksibilidat
• Nètwèrk
• Plania i organisá
• Kreatividat
• Sensitividat interkultural

 Eksigensianan di funshon

• Bo ta disponé di un nivel di traha i pensa HBO,
• Bo tin minimalmente 5 aña di eksperensia di trabou di kua 3 aña den e kadena di imigrashon;
• Bo tin eksperensia ku traha den e region di Karibe;
• Bo tin kurashi, bo ta gusta traha duru, bo ta animá otronan i bo ta optimista, bo ta perseverá pero prinsipalmente, bo ta un trahadó di ret ku bista pa diferensia kultural;
• Bo ta komprondé proseso, sistema, i e interesnan korespondiente i por influensiá esakinan;

• Bo ta un hende ku ta uni, ku por profilá su mes independientemente (di organisashon) i ku tin un interes genuino den papel i motivashon di koleganan;
• Bo abilidat komunikativo verbal i por eskrito di hulandes i ingles ta bon. Bo ta papia papiamentu. Si bo no ta papia papiamentu, bo ta dispuesto pa siña esaki.

Kiko nos ta ofresé?

• Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal di funshon 12 (salario mensual bruto minimalmente $ 4.730,- i maksimalmente $ 5.920,-), ku un siman di trabou di 36 ora pa siman. Klasifikashon a base di konosementu i eksperensia;
• Sèn di fakansi (8,33% di e salario);
• Un di diestres luna (8,33% di e salario, un mínimo di $ 1.750,- bruto);
• Un areglo di penshun akomodá na Pensioenfonds Caribisch Nederland (PCN);
• 168 ora di fakansi den kaso di un siman di trabou di 36 ora pa siman;
• Un nombramentu temporal di un aña ku, den kaso di bon funshonamentu, lo kombertí den un nombramentu fiho.
• Un areglo pa muda pa kandidato ku ta reakshoná di pafó di e isla.

Prosedura

Un ‘assessment’, ‘casus’ i/ òf chekeo di referensia por forma parti di e prosedura.

Lo habri e vakatura aki internamente i eksternamente pareu, miéntras ku den e selekshon lo tene kuenta ku e siguiente órden:

• Personal ofisial di RCN na e islanan BES (interno)
• Habitante di e parti karibense di Hulanda (eksterno)
• Sobrá kandidato (eksterno)

Eksigensianan di nombramentu

• Un deklarashon tokante kondukta (VOG);
• Un saminashon médiko na fabor di atmishon den e fondo di penshun;
• E nashonalidat hulandes;
• Despues di e nombramentu, dia 2 di yüni 2025 bo ta kuminsá ku un Hand Over/Take Over te ku dia 30 di yüni 2025.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto riba e entrada mas haltu ku e suma liber di impuesto ($ 20.242,- na 2024) di un porsentahe di 30,4 % na retenshon riba suèldu;
• Ta obligá pa partisipá na e fondo di penshun, inkluso un kontribushon propio na esaki;
• Bo ta, òf bo ta bira, residente di Hulanda Karibense.

Mas informashon?

Pa mas informashon tokante e funshon, tuma kontakto ku Louis H. Coppen: +599 795 4915

Manera bo por a lesa kaba den e vakatura aki, nos ta buska kandidato ekstravertido ku kurashi. Nos lo ke mira esei bèk den bo solisitut, tambe. Laga nos mira kiko ta e kapasidatnan ku bo ta disponé di dje, i duna bo solisitut un forma kreativo ku ta inspirá.

Solisitut digital

Por dirigí solisitut i karta di motivashon ku curriculum vitae na Ginette Albersen – Gips, Mènedjer di Unidat Servisio di Imigrashon i Naturalisashon, e-mail: vacature@rijksdienstCN.com