JICN - Trahadó di instituto pa Kuido/Tratamentu (ZBIW-er)

MBO+/ HBO |Boneiru|36 ora P&O2024_08_014 | Fecha di klousura: 17 di sèptèmber 2024

Ta posibel pa traha partaim ku un mínimo di 3 dia fultaim 

Pa e sekshonnan:

• Kuido forénsiko
• Detenshon di estranhero 
• Detenshon hubenil 

Deskripshon di e funshon

ZBIW di Kuido forénsiko

Den e sekshon di kuido forénsiko (FZA) di JICN bo ta duna guia na detenidonan ku síntomanan sikiátriko. Bo no ta duna solamente kuido médiko, pero ta traha tambe riba e área kaminda kuido personal i siguridat ta krusa otro. Bo ta guia pashèntnan den nan keaséres diario i difikultatnan. Komo miembro di e tim di tratamentu multidisiplinario bo ta hopi di aserka embolbí ku diagnósis, dunamentu di guia i tratamentu di detenidonan.

ZBWI di Detenshon di estranhero

Traha ku estranheronan ta imponé eksigensianan speshal riba kolaboradónan. Un estranhero ku kai será, por eksperensiá por ehèmpel emoshonnan fuerte i e personal mester por dil ku esei. Deshasí di e idea pa forma un bida nobo na Boneiru, sa provoká tin bia den kuminsamentu un shòk serka e estranhero. Despues ta sigui negashon, rabia òf deskonfiansa, pa despues hopi bia yega na resignashon. E ZBIW-nan di detenshon di estranhero ta kapasitá spesialmente pa duna guia na i yudá e estranheronan.

ZBIW pa Detenshon hubenil

Komo ZBIW bo ta pèrkurá pa un esfera di biba sigur i pa esaki bo ta aktua di tal forma ku tenshonnan ta baha. Ademas bo ta yuda e hóbennan stabilisá. E método básiko YOUTURN ta un parti ku ta apliká ora ta traha ku hóbennan ku ta den JICN. E métodonan akí ta duna abo i bo koleganan hèrmènt- i instrukshonnan konkreto pa anda na un manera adekuado ku e hóbennan ku ta será. Ademas ta hopi importante pa garantisá e rutina diario, e struktura ku a deliñá i higiena di e ambiente di bida. Mas aleu bo ta guia prosesonan di grupo i bo ta tuma inisiativa pa organisá i stimulá aktividatnan den grupo. 

Basá riba e vishon di JICN e Trahadó di Instituto pa Kuido/Tratamentu ta kontribuí na ehekushon humanamente di e detenshon i/òf tratamentu meskos tambe na limitashon di daño kousá pa detenshon i na prevenshon di residivismo. Den e funshon akí bo ta duna kuenta i rason na e hefe di e sekshon.

Pa e funshon akí nos ta buskando kandidatonan ku tin afinidat ku salú mental i ku gruponan di meta similar. 

Tareanan di e funshon

• Bo ta duna kuido na detenido-/estranheronan;
• Bo ta atendé ku kustodia i siguridat di detenido-/estranheronan;
• Bo ta duna guia na detenidonan ku resosialisashon i redukshon di residivismo komo meta;
• Bo ta opservá detenidonan, ta analisá e situashon i ta adaptá bo aserkamentu na esei;
• Bo ta informá detenidonan tokante kon kosnan ta bai den e instituto, manera derechi- i obligashonnan, e régimen standart, e programa di dia i e maneho pa deskurashá uso di droga;
• Bo ta aktua adekuadamente den kaso di (menasa di) kalamidat i/òf situashon di krísis;
• Bo ta kontrolá e edifisio i sèlnan semanalmente riba aspektonan di siguridat;
• Bo ta pèrkurá pa kumpli ku reglanan di siguridat, di higiena i reglanan mará na persona, tantu den e sekshon komo ora ku tin aktividatnan di e programa di dia;
• Bo ta promové na un manera positivo un bon esfera (ambiente di trabou i di biba den e sekshon);
• Bo ta traha raportahenan;
• Bo ta aktua, bou di preshon tambe, segun norma- i balornan vigente;
• Bo ta sosialmente komprometé i bo tin eksperensia den traha ku hende.

E organisashon

JICN ta un Instituto Hudisial alohá den un edifisio ultramoderno na Plantashi Aruba, unda por pone tur detenido di Hulanda Karibense. Tin 113 espasio di detenshon partí riba 7 sekshon, entre otro adolesente, hende muhé i kas di detenshon. Ademas JICN ta kuida esnan arestá i detenidonan ku tin nesesidat di kuido klíniko adishonal.

Bo abilidatnan

• Resistensia kontra strès
• Dunamentu di guia
• Empatia 
• Fleksibilidat
• Ta demostrá inisiativa
• Konsiensia multikultural 

Eksigensianan di e funshon

• Nivel MBO4+/HBO di traha i pensa i preferiblemente bo a finalisá un estudio di kuido;
• Bo tin konosementu spesialisá riba tereno di vigilansia i siguridat; 
• Bo tin konosementu di métodonan riba tereno di dunamentu di guia pedagógiko;
• Bo ta habrí pa sigui desaroyá bo mes pa medio di entrenamentunan interno i eksterno dirigí riba e funshon; 
• Bo ta dispuesto pa sigui e preparashon di Trahadó di Instituto pa Kuido i Tratamentu, si akaso bo no a hasi esaki ainda. 
• Eksperensia di trabou demostrabel den un sekshon di krísis òf eksperensia den sikiatria forénsiko ta un bentaha. 
• Bo ta dispuesto pa traha warda iregular. 
• Bo ta dominá hulandes i papiamentu papiá i skirbí i preferiblemente bo por komuniká tambe den ingles i spañó; 
• Bo kondishon físiko ta bon i bo por defendé bo mes den situashonnan di konflikto, esaki ta un eksigensia estrikto i ta determiná esaki pa medio di un tèst di abilidat físiko; 
• Den kaso di igual kapasidat ta preferá kandidatonan ku ta bibando kaba na Boneiru 

Kiko nos ta ofresé?

• Un nombramentu konforme e ‘Rechtspositiebesluit ambtenaren BES’; 
• Un salario konforme merkado den skal 7 di e funshon di minimal $2.400,- i maksimal $3.240,- pa luna pa un siman di trabou di 36 ora. Klasifikashon ta a base di konosementu i eksperensia;
• E plaka di fakansi ta monta 8,33%;
• Kompensashon pa warda iregular relashoná ku trahamentu di wardanan ku ta varia;
• Un di 13 luna (8,33% di e salario, ku montante mínimo di $ 1.750,-- bruto);
• Un areglo di penshun poné bou di Pensioenfonds Caribisch Nederland (PCN);
• 168 ora di fakansi pa un siman di trabou di 36 ora pa siman; 
• Un nombramentu temporal di un aña, ku e perspektiva di un nombramentu fiho den kaso di bon funshonamentu i un resultado di evaluashon positivo; 
• Un areglo di mudansa pa kandidatonan ku ta reakshoná for di pafó di e isla.

Prosedura

• Ta habri e vakatura akí na mes momentu interno i eksterno. Den kaso di igual kapasidat ta preferá kandidatonan interno. 
• Un ‘assessment’ òf kaso por forma parti di e prosedura. 

Rekisitonan pa nombramentu

• Un Deklarashon Tokante Kondukta (VOG);
• Un saminashon médiko relashoná ku atmishon den e fondo di penshun; 
• Nashonalidat hulandes. 

Ta bon pa interesadonan for di pafó di Hulanda Karibense sa

• E salario ta den dòler merikano, e moneda ofisial na Hulanda Karibense; 
• Hulanda Karibense konosé su propio areglo di belasting. Ta kobra un porsentahe di 30,4% na retenshon riba suèldu pa e entrada mas haltu ku e suma liber di impuesto ($ 20.424,-- den 2024); 
• Partisipashon den e fondo di penshon ta obligatorio, inkluso e kontribushon propio den esaki; 
• Bo ta òf ta bira residente di Hulanda Karibense. 

Mas informashon?

Pa mas informashon tokante e vakatura bo por tuma kontakto ku Ab Hoek, hefe di e sekshon, via albert.hoek@jicnbonaire.nl òf via +599 715 9000.

Solisitut digital

Bo por manda bo Curriculum Vitae ku motivashon pa: vacature@rijksdienstCN.com