(JICN) Bewaker/personal di siguridat

Bo tin vishon skèrpi?  Bo gusta variadat, bo ta skèrpi i alerta? E ora ei traha den Instituto Hudisial Hulanda Karibense (JICN) ta algu pa bo. ​

MBO|Boneiru|39,5 ora|P&O2019_05_007| Fecha di klousura kontinuo*

Komo bewaker/personal di siguridat bo ta sòru pa siguridat di e edifisio, kolega- i detenidonan. Bo tareanan ta variá i semper karakterisá pa protekshon.

• Bo ta ehekutá trabounan di siguridat segun e instrukshonnan di trabou
• Ta aktua den kaso di (menasa di) kalamidat i/òf situashonnan di krísis
• Ta traspasá e trabounan por eskrito i/òf verbal
• Ta registrá/raportá insidentenan i ta sòru pa tratamentu (atministrativo)
• Ta informá detenido- i bishitantenan tokante e reglanan di kas i reglanan di siguridat
• Ta aktua segun norma- i balornan vigente
• Komo bewaker/personal di siguridat bo ta traha wardanan ku ta varia. Pues tambe wardanan di anochi i wikènt.

Un kantidat di kolega tin un pakete di tareanan adishonal. Pa e tareanan akí tambe nos ta buska èkstra kapasidat. E tareanan akí ta:

• Vigilansia di personanan arestá
• Guia (armá) di transporte
• Tim interno di asistensia (IBT)
• E koleganan ku e pakete di tareanan adishonal ta traha tambe warda di pikèt (‘stand by’ fuera di oranan normal di trabou).

E organisashon

JICN ta un Instituto Hudisial unda por akomodá tur detenido di e islanan BES. Tin 112 kupo di detenshon repartí riba 7 sekshon, entre kua adolesente, hende muhé i kas di detenshon, kompleho di isolashon, prizòn i sekshon di kuido. JICN ta kuida tambe personanan arestá.

Eksigensianan di e funshon:

• Bon tin un nivel MBO 2 di traha i pensa
• Preferiblemente bo tin konosementu tékniko riba tereno di vigilansia i protekshon
• Bo ta ábil verbal i por eskrito den hulandes i papiamentu
• Ingles i spañó ta un bentaha
• Bo kondishon ta basta bon
• Bo tin reibeweis B
• Bo por kontra strès, ta orientá riba trahamentu huntu, disipliná, íntegro, kuidadoso i kolegial.
• Bo tin mininal 23 aña di edat

Loke nos ta ofresé:

• Un salario konforme merkado, den skal inisial 3 i skal di e funshon 4 di minimal $1.487,- i maksimal $1.873,- pa luna pa un siman di trabou di 39,5 ora. Klasifikashon ta a base di konosementu i eksperensia
• Un bónus di fin di aña di minimal $1.500,-
• Kompensashon pa trabou di warda en konekshon ku servisionan variabel
• Pago di plaka di fakansi di 8,33% di e salario
• Un bon penshun di behes ku ta poné bou di PCN
• Posibilidatnan di formashon interno
• 208 ora di fakansi (a base di un siman di trabou di 39,5 ora)
• Un nombramentu temporal pa 1 aña ku bista riba un nombramentu fiho, a base di leinan di BES

Eksigensianan pa nombramentu:

• Ta eksigensia ku mester por presentá un deklarashon tokante kondukta (VOG) i un saminashon médiko.
• Nashonalidat hulandes ta rekerí.
• E prosedura di selekshon ta konsistí di un tèst di abilidat físiko, kombersashonnan i un ‘assessment’.
• Pa e tareanan adishonal un investigashon di antesedentenan ta rekerí.

*Nos ta buskando kandidatonan ku kier kuminsá mas pronto posibel. Komo ku nos ta buskando diferente kandidato e vakatura ta keda habrí te sèptèmber.

Pa mas informashon tokante e vakatura
Nòmber: Suyen Koffy
Telefòn:+599 781 0326 òf suyen.koffy@jicnbonaire.nl

Solisitut digital
Bo por hasi uzo di e formulario di solisitut òf manda bo Curriculum Vitae ku motivashon pa:
E-mail: vacature@rijksdienstCN.com