JICN Case manager

E organisashon

JICN ta un instituto hudisial kaminda por pone tur detenido di Hulanda Karibense. Tin diferente departamentu, bou di kua un pa hóbennan adulto, pa hende muhé i un kas di detenshon. Banda di eseinan nos ta disponé di un departamentu di kuido forense i un departamentu pa menornan di edat. Tambe JICN ta sòru pa kuido di detenido i ekstranheronan. JICN ta move huntu ku e kambionan den sistema penitensiario. Esaki ta rekerí, pensa na un manera proaktivo, inovashon i invershon den profeshonalisashon di nos kolaboradónan.

E departamentu

Komo Case manager (mènedjer di kaso) bo ta forma parti di e tim di e departamentu Detenshon i Reintegrashon (D&R). Bo ta traha bou di direkshon di e Hefe di D&R segun e modelo di fluho di entrada, progreso i salida. Puntonan di salida importante di e modelo aki ta:

• E bida den detenshon mester aliniá mas tantu posibel ku e bida diario pafó di e instituto (normalisashon);
• Stimulá e regreso den sosiedat aktivamente;
• Promové outosufisiensia;
• Tuma responsabilidat propio i duna forma aktivamente na detenshon i reintegrashon;
• Den futuro lo bai desaroyá aktividatnan di regreso, dirigí riba reintegrashon sosial;
• Den futuro lo enfoká tambe riba víktima i rekuperashon.

Deskripshon di funshon  

Komo Case manager bo ta integralmente responsabel pa e proseso di reintegrashon di e personanan ku ta kai bou di hurisdikshon. Bo ta fungi komo punto di kontakto pa aktividat i intervenshonnan den e proseso di detenshon i reintegrashon di e personanan ku ta kai bou di hurisdikshon di Hulanda Karibense den bo caseload (kasonan asigná na bo), tantu interno komo eksterno. Durante ehekushon di bo tareanan bo ta haña sosten di un empleado atministrativo di backoffice.

Tareanan di funshon

• Bo ta traha análisisnan di riesgo i dirigí e skrínen den sinku área di bida;
• Bo ta kordiná intake, screening, selekshon i kuido posterior, ku sosten di e ofisina atministrativo (backoffice);
• Bo ta guia i sigui personanan ku ta kai bou di hurisdikshon durante henter e periodo di detenshon i ta responsabel pa kuido posterior despues di e detenshon;
• Bo ta traha den estrecho kolaborashon ku e partnernan di kadena hudisial manera Ministerio Públiko, ofisina di rehabilitashon i polis;
• Huntu ku e persona ku ta kai bou di hurisdikshon bo ta elaborá un plan di Detenshon i Reintegrashon (D&R);
• Bo ta konsehá i raportá tokante diferente etapanan di detenshon, tantu interno (por ehèmpel den reunionnan multidisiplinario, MDO) komo eksterno den direkshon di partnernan di kadena i nètwèrk.

Eksigensianan di funshon

• Bo a kompletá un nivel di estudio hbo den Trabou Sosial, Servisio Sosial Hurídiko òf un estudio similar ku un nivel di pensa i traha hbo;
• Bo tin konosementu di e mapa sosial i di e servisio di instansianan sosial i munisipal;
• E área di Detenshon i Reintegrashon ta konosí pa bo;
• Bo tin konosementu di e modelo i métodonan pa influensiá komportashon;
• Bo por señalá trastornonan di kondukta, problemanan sikiátriko i komportashon desviante i por atendé ku esakinan na un manera adekuá;
• Bo por anda ku e grupo di enfoke i ku e diferente etapanan di detenshon den diferente régimennan;
• Bo ta ábil den motivá i stimulá personanan den un situashon di detenshon;
• Bo ta sensitivo kulturalmente i por anda ku personanan di diferente trasfondo kultural;
• Bo ta disponé di bon abilidat verbal i por eskrito na hulandes, papiamentu i ingles. Spañó ta un bentaha.

Loke nos ta ofresé

• Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal inisial 7 i skal di funshon 8 di mínimo $ 2.586,- i máksimo $ 4.016,- ku un siman di trabou di 36 ora. Klasifikashon a base di konosementu i eksperensia;
• Sèn di fakansi (8,33% di e entrada anual);
• Un di diestres luna (8,33% di e entrada anual);
• Un kompensashon di vitalidat;
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi ku un siman di trabou di 36 ora;
• Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo;
• Un areglo di mudansa pa kandidato ku ta reakshoná for di den eksterior.

Prosedura

Un assessment, casus i/ òf chekeo di referensia por forma parti di e prosedura.
Ta habri e vakatura internamente i eksternamente na mes momentu. Den e selekshon lo tene kuenta ku e siguiente órden:

• Personal ofisial di RCN na e islanan BES (interno);

• Habitante di e parti karibense di Hulanda (eksterno);

• Otro kandidatonan (eksterno).

Eksigensianan di nombramentu

• Un deklarashon tokante kondukta (VOG);

• Un saminashon médiko relashoná ku registrashon obligatorio na e fondo di penshun (ku kontribushon propio)

• Nashonalidat hulandes.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;

• Hulanda Karibense konosé su propio reglanan di impuesto. Ta kobra impuesto di 29,4% riba un suèldu riba e montante liber di impuesto ku ta $21.956,- den 2026, te un suèldu di $53.198,-. Den e di dos grupo di impuesto un tarifa di impuesto di 38,4% ta na vigor.

• Bo ta, òf bo ta bira, residente di Hulanda Karibense.

Mas informashon?

Pa mas informashon tokante e vakatura bo por tuma kontakto ku Ana Domacasse (Direktor Interino Suplente JICN) telefòn +599 7951046.

Solisitut digital

Bo por manda bo Curriculum Vitae ku motivashon via di meil na vacature@rijksdienstCN.com.