JICN Enfermero/a di prizòn

Bo ke dediká bo konosementu i abilidatnan na salú i bienestar di detenido? Bo ke hunga un ról den ofresé perspektiva pa futuro na detenido? Anto hasi lihé i sigui lesa!

HBO+ | Boneiru | 36 ora| P&O2023_01_10 | Fecha di klousura: 8 di februari 2023

Deskripshon di e funshon

Komo enfermero/a di prizòn bo ta duna bo aporte na dunamentu di kuido ku por haña sin karta di dòkter na e instituto penitensiario. Bo ta tene kòmbersashon di registrashon pa kompilá dato tokante estado médiko-sosial i síkiko di detenido, bo ta tene ora di konsulta komo enfermero/a i bo ta sòru pa ofresé e kuido apropiá. Bo ta ehersé tareanan di enfermero/a den e área di atenshon di enfermedat infeksioso, kuido di adikshon i sikiatria.  

Bo ta duna detenido informashon tokante faktornan ku ta un menasa pa salú i enfermedat infeksioso. Bo ta papia adelantá ku e dòkter na benefisio di e ora di konsulta di dòkter i ta elaborá e ora di konsulta aki. Tambe, den kaso di aksidente bo ta duna EHBO tantu na personal komo na detenido, i bo ta responsabel pa kontrolá i suministrá remedi.

Bo ta koordiná e kuido i ta mantené kontakto ku instansia eksterno manera instansia pa kuido di adikshon i hospital. Ehekutá trabou atministrativo i reportá den un fail digital médiko tambe ta parti di bo trabou. Den e funshon bo ta traha den kooperashon estrecho ku sikólogo, sikiater, dòkter i enfermero/a.

E organisashon

Instituto Hudisial Hulanda Karibense (JICN) na nòmber di Minister di Hustisia i Siguridat ta ehekutá kastigu i medida ku ta kita libertat basá riba un sentensia di hues. E lokalidat di Boneiru ta tantu un kas di detenshon komo un prizòn pa Boneiru, Sint Eustatius i Saba. Tin kapasidat pa 113 hende hòmber, hende muhé, detenido , strañeru i hóbennan.

For di 10 di òktober 2010, JICN ta kai bou di maneho di DJI (Dienst Justitiële Inrichtingen, Servisio Institutonan Hudisial). E tarea primordial di JICN ta detenshon sigur di detenido, restorashon di órden hurídiko, prevenshon di residivismo (ripitishon di krímen) i ofresé perspektiva pa futuro na detenido dor di hasi esfuerso pa reintegrashon.

Kompetensia

  • Kòntròl di progreso
  • Flèksibel
  • Por wanta stress
  • Kolaborashon

Eksigensia di funshon

  • Bo tin un diploma HBO di enfermero/a di nivel 5;
  • Bo tin afinidat ku sikiatria òf enfermero/a B;
  • Bo tin un (re)registrashon BIG bálido;
  • Bo a sigui kurso di kapasitashon pa i a registrá komo enfermero/a di prizòn den e registro di kalidat V&V (òf bo ta dispuesto pa alkansá esaki);
  • Bo tin abilidat komunikativo, bo por wanta stress, bo tin sufisiente konfiansa propio, bo ta íntegro i bo tin un aktitut dirigí riba kolaborashon;
  • Bo ta aktivo den realisashon di desaroyo nobo den kuadro di kalidat;
  • Bo tin abilidat pa trata ku hende di diferente trasfondo kultural;
  • Bo tin un bon dominio di hulandes, papiamentu i ingles i spañó;
  • Bo tin abilidat pa traha riba kòmpiuter;
  • Afinidat ku e grupo di enfoke ta un bentaha.

Kiko no ta ofresé?

  • Un nombramentu konforme e Rechtspositiebesluit ambtenaren BES (Desishon di posishon hurídiko di ámtenar BES);
  • Un salario konforme merkado den skal di funshon 8, salario mensual bruto minimalmente $2.247,- i maksimalmente $3.126,-, ku un siman di trabou di 36 ora pa siman. Ta skal a base di konosementu i eksperensia;
  • Sèn di vakashon (8,33% di e salario);
  • Un di 13 luna (8,33% di e salario, un mínimo di $ 1.750,- bruto);
  • Un previshon di penshun akomodá na Pensioenfonds Caribisch Nederland (PCN);
  • 168 ora di vakashon den kaso di un siman di trabou di 36 ora pa siman;
  • Un nombramentu temporario di un aña, ku bista riba un nombramentu fiho den kaso di bon funshonamentu i un resultado di evaluashon positivo;
  • Un areglo pa muda pa kandidato ku ta reakshoná di pafó di e isla.

Prosedura

  • Ta habri e funshon aki internamente i eksternamente na mes momentu. Den kaso di aptitut igual kandidato interno ta haña preferensia;
  • Un assessment òf casus por forma parti di e prosedura.

Eksigensianan pa nombramentu

  • Mester por entregá un deklarashon tokante kondukta (VOG) i ta eksihí un eksaminashon médiko;
  • Nashonalidat hulandes ta un eksigensia;
  • Un assessment ta forma parti di e prosedura di selekshon.

Bon pa sa pa interesado pafó di Hulanda Karibense

  • E salario ta na dòler merikano, e moneda ofisial di Hulanda Karibense;
  • Hulanda Karibense konosé su propio reglanan di impuesto. Ta kobra impuesto riba e entrada mas haltu ku e suma liber di impuesto ($ 17.352,- na 2023) di un porsentahe di 30,4 % na retenshon riba suèldu;
  • Ta obligá pa partisipá na e fondo di penshun, inkluso un kontribushon propio na esaki;
  • Bo ta, òf bo ta bira, residente di Hulanda Karibense.

Pa informashon tokante e vakatura

Pa informashon tokante e vakatura bo por tuma kontakto ku Anna Domacasse. Telefòn: +599 795 1046.

Solisitut digital

Bo por manda bo Curriculum Vitae ku motivashon pa vacature@rijksdienstCN.com