JICN Hefe di departamento FZA

E organisashon

JICN ta un instituto hudisial kaminda por pone tur detenido di Hulanda Karibense. Tin diferente departamento inkluso un departamento pa adulto hóben, pa hende muhé, i un kas di detenshon. Ademas nos ta disponé di un Departamento di Kuido Forénsiko (FZA, Forensische Zorg Afdeling) i un departamento pa hende menor di edat. Tambe JICN ta enkargá ku hende arestá i stranhero. JICN ta adaptá na kambio den e sistema penitensiario. Esaki ta pidi pa yuda pensa proaktivamente, pa inovashon, i pa invertí den profeshonalismo di nos kolaboradónan.

Bo ke lesa mas tokante e kosnan ku JICN ta hasi?
Wak riba www.rijksdienstcn.com/justitie-veiligheid/justitiele-inrichting-caribisch-nederland pa mas informashon.

Deskripshon di funshon

E hefe di departamento ku nos ta buska lo liderá e tim di Departamento di Kuido Forénsiko (FZA, Het Forensische Zorg Afdeling). E departamento FZA di JICN ta realisá e detenshon di personanan ku tin malesa sikiátriko. Riba e departamento akí e konseptonan di kuido médiko, kuido personal i seguridat ta metí fuertemente ku otro. Komo hefe di departamento abo ta e faktor di konekshon den e tim di duna tratamentu multidisiplinario i bo ta ko-responsabel pa e guia i tratamentu di e personanan sometí na prosedimentu di hustisia.

Bo por krea i funshoná den ret di kontakto di forma kreativo i ta krea relashonnan tantu denter di bo departamento komo ku e koleganan hefe di departamento. Tambe pafó di JICN bo sa di aserká e personanan korekto, dor di kua e desaroyo di e instituto i di e personanan bou di outorisashon di hustisia ta kana optimalmente. Den esaki ta importante ku bo ta vigilá e prosesonan den desaroyo i no ta pèrdè e supervishon. Pues bo por pensa mas aleu ku e departamento i inkorporá e interesnan di e otro departamentonan den bo konsiderashon- i solushonnan. Komo hefe di departamento bo por pensa ‘out of the box’, pasobra tin algun problema ku mester solushoná na manera kreativo.

Tareanan di funshon

• Bo ta responsabel pa guia i desaroyo di bo tim;
• Bo ta kapas pa tuma proyektonan i bini ku solushonnan kreativo;
• Bo ta garantisá kontinuidat di e proseso primario, manehá e presupuesto konsedé na bo departemento i ta apliká e instrumèntnan di personal na tempu i di forma korekto;
• Bo sa kiko ta pasando den e organisashon mes i konosé e desaroyonan i trentnan denter di e tereno di trabou. Bo ta adaptá e prosesonan eksistente na esei. Bo ta sigurá ku ta proveé e kuido i kuido posterior riba e departamento sigun instrukshonnan vigente, i ta koordiná e kolaborashon entre e disiplinanan envolví ku e departamento.
• Bo ta hasi palabrashonnan dirigí riba resultado ku bo mènedjer (plan di departamento i plan di detenshon) i ta tuma responsabilidat pa ehekushon di e palabrashonnan aki. Bo ta tuma akshon na tempu ora surgi peliger di desviashon. Bo ta sòru pa suministro korekto i na tempu di datonan i informashon (di maneho);
• Bo ta mantené kontakto ku koleganan i partnernan (di kadena) i sa kiko ta pasando serka nan. Bo ta supervisá e koherensia entre e prosesonan di trabou riba bo departamento i departamentonan bisiña i ta aktua sigun esei.

Kompetensianan

• Orientashon riba kliente;
• Desaroyo di kolaboradónan;
• Liderá kolaboradónan;
• Plania i organisá;
• Abilidat di adaptá;
• Nètwèrk;
• Sensitividat pa organisashon.

Eksigensianan di funshon

• Bo ta disponé di un estudio hbo SPH/SPW finalisá ku eksperensia/konosementu di maneho.
• Bo tin konosementu di kuido forénsiko i di lei i regulashon relevante;
• Bo tin komprenshon di prosesonan operashonal;
• Bo tin konosementu di i eksperensia ku traha den Karibe;
• Bo tin un estilo di liderazgo ku ta stimulá i motivá.

Loke nos ta ofresé

• Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal inisial 9/ skal di funshon 10 di mínimo $ 3.293,- i máksimo $ 4.900,- ku un siman di trabou di 36 ora. Klasifikashon a base di konosementu i eksperensia;
• Sèn di fakansi (8,33% di e entrada anual);
• Un di diestres luna (8,33% di e entrada anual);
• Un kompensashon di vitalidat;
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi ku un siman di trabou di 36 ora;
• Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo;
• Un areglo pa muda pa kandidato ku ta reakshoná for di den eksterior.

Prosedura

Un assessment, casus i/ òf chekeo di referensia por forma parti di e prosedura.
Ta habri e vakatura internamente i eksternamente na mes momentu. Den e selekshon lo tene kuenta ku e siguiente órden:

• Personal ofisial di RCN na e islanan BES (interno);
• Habitante di e parti karibense di Hulanda (eksterno);
• Otro kandidatonan (eksterno).

Eksigensianan di nombramentu

• Un deklarashon tokante kondukta (VOG);
• Un saminashon médiko relashoná ku registrashon obligatorio na e fondo di penshun (ku kontribushon propio)
• Nashonalidat hulandes.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto di 29,4% riba un suèldu riba e montante liber di impuesto ku ta $21.956,- den 2026, te un suèldu di $53.198,-. Den e di dos grupo di impuesto un tarifa di impuesto di 38,4% ta na vigor.
• Bo ta, òf bo ta bira, residente di Hulanda Karibense.

Mas informashon?

Pa mas informashon tokante e vakatura bo por tuma kontakto ku Anna Domacasse, Direktor Suplente  Interino JICN, alkansabel via +599 7951046.

Solisitut digital 

Bo por manda  bo Curriculum Vitae ku motivashon pa: vacature@rijksdienstCN.com