E organisashon

Instituto Hudisial Hulanda Karibense (JICN) ta un instituto hudisial ku por akomodá tur detenido na Hulanda Karibense. Tin un total di 113 lugá di detenshon paatí den 7 departamentu, inkluso departamentu pa menornan di edat, adulto yòn, hendemuhé, i un sentro di detenshon.  JICN tambe ta manehá akomodashon di detenidonan den e instituto.

E tarea núkleo di JICN ta e inklushon seif di detenidonan, restourá e órden hurídiko, prevení residivismo (krímen ripití) i ofresé perspektiva na detenidonan dor di enfoká riba re-integrashon. E enfoke ta riba ayudo i desaroyo. Pa esaki, JICN ta traha di forma estrecho ku vários partner di kadena.

Deskripshon di e funshon

Komo un Instruktor di Edukashon Físiko na JICN, bo ta hunga un ròl importante den bida diario di e detenidonan.  Bo ta proveé un variashon di aktividat deportivo i físiko pa diferente grupo di meta den e fasilidat. E aktividatnan aki ta kontribuí na un estilo di bida saludabel, redukshon di strès, abilidatnan sosial, i un rutina diario positivo.  Bo ta motivá partisipantenan pa partisipá di forma aktivo i enkurashá komportashon respetuoso, koperashon i desaroyo personal.

Tareanan di e funshon

  • Prepará, organisá i guia aktividatnan deportivo i físiko pa detenidonan;
  • Realisá seshon di entrenamentu pa koleganan, por ehèmpel entrenamentu di fortalesa mental, tèstdi kompetensia físiko (FVT), abilidat di aresto i defensa propio (AZV), i entrenamentu di abilidatnan profeshonal integral (IBT);
  • Supervisá e kondukta seif di aktividatnan i garantisá kumplimentu ku reglanan di fasilidat;
  • Opservá komportashon i identifiká asuntunan relevante pa rehabilitashon i seguridat; 
  • Raportá tokante partisipashon, progreso, i kualke insidente òf opservashon notabel;
  • Kontribuí na un ambiente di bida positivo den e fasilidat;
  • Mantenshon i maneho di ekipo i fasilidatnan deportivo;
  • Kolaborá ku koleganan di vários disiplina.

Eksigensianan pa e funshon

  • Bo tin un kualifikashon kompletá riba e tereno di deporte i aktividatnan físiko, por ehèmpel CIOS, ALO, òf Sportkunde;
  • Bo ta físikamente fet i kapas pa pasa e FVT (Prueba di Abilidatnan Físiko) den e tempu nesesario;
  • Bo ta un profeshonal entusiasmá i fuerte ku sa kon pa usa deporte komo un hèrmènt pa desaroyo i kambio di komportashon; 
  • Bo tin eksperensia ku guia di gruponan, ta ábil den traha ku gruponan di meta diverso, i ta keda trankil i profeshonal den situashonnan difísil; 
  • Bo tin e abilidat pa pone límitenan miéntras bo ta mantené motivashon simultáneamente;
  • Bo ta dispuesto na òf a kompletá e kurso di ‘Train-the-Trainer’ pa IBT i AZV entrenamentu di arma;
  • Bo tin abilidat fuerte di komunikashon verbal i por eskrito. 

Kompetensianan

  • Komunikashon fuerte i abilidat sosial; Abilidat pa forma opinion
  • Íntegro
  • Kolaborashon
  • Motivá i coach 
  • Konsientisashon kontekstual
  • Sentido di responsabilidat
  • Fleksibel

Loke nos ta ofresé

  • Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES); 
  • Un salario konforme merkado den skal inisial 7 / skal di funshon 8 di mínimo $ 2.586,- i máksimo $ 4.016,- ku un siman di trabou di 36 ora. Klasifikashon a base di konosementu i eksperensia;
  • Sèn di fakansi (8,33% di e entrada mensual bruto);
  • Un di diestres luna (8,33% di e entrada anual); 
  • Un kompensashon di vitalidat; 
  • Un areglo di penshun akomodá na Pensioenfonds Caribisch Nederland (PCN);
  • 182 ora di fakansi ku un siman di trabou di 36 ora;
  • Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo;
  • Un areglo pa mudansa pa kandidato ku ta reakshoná for di den eksterior.

Prosedura

Un assessment, casus i/ òf chekeo di referensia por forma parti di e prosedura.
Ta habri e vakatura internamente i eksternamente na mes momentu. Den e selekshon lo tene kuenta ku e siguiente órden:

  • Personal ofisial di RCN na e islanan BES (interno);
  • Habitante di e parti karibense di Hulanda (eksterno);
  • Otro kandidatonan (eksterno).

Eksigensianan di nombramentu

  • Un deklarashon tokante kondukta (VOG);
  • Partisipashon na e fondo di penshun ta obligatorio, inkluso un kontribushon propio;
  • Pa e funshon aki un u saminashon médiko ta obligatorio. Sin un resultado positivo nombramentu no por tuma lugá;
  • Nashonalidat hulandes.

Bon pa sa pa interesado pafó di Hulanda Karibense

  • E salario ta na dòler merikano, e moneda ofisial di Hulanda Karibense;
  • Hulanda Karibense konosé su propio reglanan di impuesto. Ta kobra impuesto di 29,4% riba un suèldu riba e montante liber di impuesto ku ta $21.956,- den 2026, te un suèldu di $53.198,-. Den e di dos grupo di impuesto un tarifa di impuesto di 38,4% ta na vigor.
  • Bo ta, òf bo ta bira, residente di Hulanda Karibense.

Mas informashon?

Pa mas informashon tokante e vakatura bo por tuma kontakto ku Anna Domacasse, direktor interino suplente (number di telefòn +599 7951046.

Solisitut digital

Bo por manda bo Curriculum Vitae ku motivashon via di meil na vacature@rijksdienstCN.com.