JICN Kolaboradó di Instituto Penitensiario

E organisashon

Instituto Hudisial Hulanda Karibense ta un instituto hudisial kaminda ku por enkarselá tur detenido di Hulanda Karibense. E instituto ta disponé di diferente departamentu, entre otro un departamentu pa hóben adulto, departamentu di hende muhé i un sentro di detenshon. Ademas JICN ta disponé di un departamentu di kuido forénsiko i un departamentu pa menor di edat i estranheronan. Ademas JICN  ta enkargá ku detenshon i kuido di arrestanten den e instituto

JICN ta move pareu ku e desaroyonan den e sistema penitensiario. Esaki ta eksigí pa pensa proaktivo, inovashon i un invershon kontinuo den profeshonalismo di nos trahadónan.

Deskripshon di e funshon

Komo Trahadó di instituto penitensiario (PIW) bo ta koperá ku un detenshon humano di e detenidonan. Huntu ku bo koleganan bo ta pèrkurá pa mantené òrdu, trankilidat i siguridat den e instituto. Bo ta responsabel pa kuido, opservashon, guia i preparashon pa resosialisashon di detenidonan den un ambiente di bida sigur. Bo ta atendé ku kustodia i siguridat di detenidonan.

Tareanan di e funshon

• Bo ta guia detenidonan ku e meta pa resosialisá i redusí residivismo;
• Bo ta opservá detenidonan, ta interpretá e situashon i ta adaptá bo aserkamentu na esei;
• Bo ta duna kuido na detenidonan;
• Bo ta informá detenidonan tokante e situashon den e instituto, manera derecho- i obligashonnan, régimen standart, programa di dia i maneho pa desanimá uso di droga;
• Bo ta aktua adekuadamente den kaso di (menasa) di kalamidat i/òf situashon di krísis;
• Semanalmente bo ta kontrolá e edifisio i sèlnan pa loke ta trata aspektonan di siguridat;
• Bo ta vigilá si ta kumpli ku reglanan di siguridat, higiena i higiena individual, tantu riba e sekshon komo durante aktividatnan di e programa di dia;
• Bo ta promové un bon ambiente (di trabou i di biba riba e sekshon) na un manera positivo;
• Bo ta prepará rapòrt;
• Bo ta aktua, bou di preshon tambe, segun norma- i balornan vigente;
• Bo ta sosialmente komprometí i bo tin eksperensia den traha ku hende. 

Eksigensianan di e funshon

• Bo tin nivel mbo4 demostrabel di traha i pensa;
• Bo ta dispuesto pa sigui e Kurso Profeshonal Básiko interno i terminá esaki ku bon resultado;
• Si bo ta disponé di konosementu tékniko riba área di vigilansia i siguridat i/òf konosementu di métodonan riba tereno di dunamentu di guia pedagógiko, esei ta un bentaha;
• Bo ta dispuesto pa sigui kurso i entrenamentu riba tereno di tratamentu motivante, opservashon i raportá;
• Bo por defendé bo kurpa i bo kondishon físiko ta na nivel; esaki ta un rekisito pisá i ta tèst esei via di un tèst di FVT;
• Den kaso igual kapasidat ta preferá kandidatonan ku ta biba na Boneiru.
• Bo ta dominá hulandes i papiamentu papiá i skirbí i por komuniká den ingles i spañó.

Abilidatnan

• Empatia
• Fleksibilidat
• Inisiativa
• Por resistí strès
• Kolaborá

Kiko nos ta ofresé?

• Un nombramentu konforme e ‘Rechtspositiebesluit ambtenaren BES’;
• Un salario konforme merkado den skal inisial 5/ skal 6 di funshon di mínimo $ 2.038,- i máksimo $3.149,- pa luna pa un siman di trabou di 36 ora. Klasifikashon a base di konosementu i eksperensia;
• Sèn di fakansi (8,33% di e entrada anual);
• Un di diestres luna (8,33% di e entrada anual);
• Un kompensashon di vitalidat;
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi den kaso di un siman di trabou di 36 ora;
• Un nombramentu temporal pa un aña ku bista riba un nombramentu fiho den kaso di bon funshonamentu i un evaluashon positivo;
• Un areglo di mudansa pa kandidato ku ta reakshoná for di eksterior.

E prosedura

Un assessment, casus, skrínen ònlain i/ òf chekeo di referensia por forma parti di e prosedura.

Ta habri e vakatura akí na mes momentu interno i eksterno kaminda ku ta tene kuenta ku e siguiente órden na momentu di selekshon:

• Personal ofisial di RCN na e islanan BES (interno)
• Habitante di e parti karibense di Hulanda (eksterno)
• Sobrá kandidato (eksterno)

Eksigensia pa nombramentu

• Un Deklarashon Tokante Kondukta (VOG);
• Un saminashon médiko pa atmishon obligatorio den e fondo di penshun (inkluso un kontribushon propio);
• Nashonalidat hulandes.

Ta bon pa interesadonan di pafó di Hulanda Karibense sa

• E salario ta den dòler merikano, e moneda ofisial na Hulanda Karibense; 
• Hulanda Karibense konosé su propio reglanan di impuesto. Ta kobra impuesto di 29,4% riba un suèldu riba e montante liber di impuesto ku ta $21.956,- den 2026, te un suèldu di $53.198,-. Den e di dos grupo di impuesto un tarifa di impuesto di 38,4% ta na vigor. 
• Bo ta òf ta bira residente di Hulanda Karibense. 

Mas informashon?

Pa mas informashon tokante e vakatura akí bo por tuma kontakto ku Tom Libiana, hefe di departamentu, meil: Tom.Libiana@jicnbonaire.nl. 

Solisitut digital

Bo por manda bo Curriculum Vitae ku motivashon na vacature@rijksdienstCN.com