JICN Kolaboradó di Planifikashon i Kontròl

E organisashon

JICN ta un instituto hudisial kaminda por pone tur detenido di Hulanda Karibense.  E tin vários departamento, inkluyendo un departamento pa adultonan yòn, un pa hende muhé, i un sentro di detenshon.  Tambe, nos tin un Departamento di Kuido Forénsiko i un departamento pa menornan di edat.   JICN tambe ta kuida detenido- i estranheronan. JICN ta adaptá na kambionan den e sistema di prizòn. Esaki ta rekerí pensamentu proaktivo, inovashon i invershon den e ekspertisio di nos personal.

E tarea núkleo di Justitiële Inrichting Caribisch Nederland (JICN) ta e inklushon sigur di detenidonan, restourá e òrdu hurídiko, prevení residivismo (krímen ripití) i ofresé perspektiva na detenidonan pa medio di enfoká riba reintegrashon.

Nos enfoke ta riba asistensia i desaroyo. Nos ta traha di forma estrecho ku nos partnernan di ret den e proseso aki.

Deskripshon di e funshon

E kolaboradó di Planning & Control ta realisá e siklo di P&C di JICN i ta koordiná i mónitòr e suministro di informashon kualitativo i kuantitativo den e konteksto aki. Ta responsabilisá su mes na e Business Controller.

Responsabilidatnan di e trabou

• Ehekushon di siklo di P&C

  • Bo ta generá e informashon suministrá pa e vários departamentonan, identifiká opstákulonan i informá riba nan;
  • Bo ta agregá informashon pa vários rapòrt;
  • Bo ta mónitòr i evaluá e realisashon, pronóstikonan i gastunan asosiá i sifranan klave i ta informá riba esaki;
  • Bo ta mónitòr kontraktnan di maneho, identifiká e opstákulonan di prosedimentu i informá riba nan;
  • Bo ta rekohé dato kualitativo i kuantitativo pa, entre otro, e plan anual i relato anual;
  • Bo ta hasi proposishonnan tokante ahuste di normanan, modelonan i sifranan klave pa mehorá e midimentu di, entre otro, efisiensia i efektividat;
  • Bo ta partisipá den proyekto i gruponan di trabou den e área di enfoke di P&C.

• Koordinashon di dunamentu di informashon

  • Bo ta mónitòr e kalidat i entrega na tempu di e informashon suministrá;
  • Bo ta hasi proposishonnan i duna sosten den dunamentu di datonan kualitativo i kuantitativo;
  • Bo ta mónitòr e eksaktitut, entrega na tempu i kalidat di e informashon suministrá;
  • Bo ta partisipá den proyekto i gruponan di trabou denter di e área di enfoke di suministro di informashon.

Eksigensianan pa e funshon

• Bo tin un nivel di trabou i pensamentu di HBO demostrabel, por ehèmpel un diploma den Finance & Control (Ekonomia di Empresa, Kontabilidat òf Siensia Empresarial);
• Bo tin konosementu tékniko profundo di e siklo di P&C i eksperensia demostrabel den krea suministro di informashon i akseso na dato for di sistemanan di informashon (ERP/BI);
• Bo por tradusí datonan kompleho den rapòrtnan i dashboardnan konsiso i komprendibel, pa e tim di maneho;
• Preferiblemente bo tin haña eksperensia di trabou kaba ku e dinámika spesífiko di finansiamentu di gobièrnu i e aplikashon òf maneho di sistemanan di alokashon (modelonan di distribushon interno);
• Bo ta habrí pa mas desaroyo via di entrenamentu/edukashon orientá na funshon interno i eksterno;
• Bo tin habilidatnan fuerte di komunikashon verbal i por eskrito.

Kompetensianan

• Planifiká i organisá;
• Sensibilidat organisatorio;
• Firme/Tenas;
• Analisá Problema;
• Formashon di un bista general.

Loke nos ta ofresé

• Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal inisial 8 i skal di funshon 9 di mínimo $2.892,- i máksimo $4.418,- ku un siman di trabou di 36 ora. Klasifikashon a base di konosementu i eksperensia;
• Sèn di fakansi (8,33% di e entrada anual);
• Un di diestres luna (8,33% di e entrada anual);
• Un kompensashon di vitalidat;
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi ku un siman di trabou di 36 ora;
• Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo;
• Un areglo di mudansa pa kandidato ku ta reakshoná for di den eksterior.

Prosedura

Un assessment, casus, skrínen ònlain i/ òf chekeo di referensia por forma parti di e prosedura.
Ta habri e vakatura internamente i eksternamente na mes momentu. Den e selekshon lo tene kuenta ku e siguiente órden:

• Personal ofisial di RCN na e islanan BES (interno);
• Habitante di e parti karibense di Hulanda (eksterno);
• Otro kandidatonan (eksterno).

Eksigensianan di nombramentu

• Un deklarashon tokante kondukta (VOG);
• Un saminashon médiko relashoná ku registrashon obligatorio na e fondo di penshun (ku kontribushon propio)
• Nashonalidat hulandes.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto di 29,4% riba un suèldu riba e montante liber di impuesto ku ta $21.956,- den 2026, te un suèldu di $53.198,-. Den e di dos grupo di impuesto un tarifa di impuesto di 38,4% ta na vigor.
• Bo ta, òf bo ta bira, residente di Hulanda Karibense.

Mas informashon?

Pa mas informashon tokante e vakatura bo por tuma kontakto ku Tinaika Coffy, Hefe di Ofisina Operashonal i Kontròl di Maneho, (number di telefòn +599 7975563)  òf via di meil Tinaika.Coffy2@jicnbonaire.nl.

Solisitut digital

Bo por manda bo Curriculum Vitae ku motivashon via di meil na vacature@rijksdienstCN.com.