JICN Koordinadó di Biblioteka, Edukashon i Deporte

E organisashon

Instituto Hudisial Hulanda Karibense (JICN) ta un instituto di korekshon ku por akomodá tur detenido na Hulanda Karibense. Tin vários departamento, inkluyendo un pa adulto yòn, un pa hende muhé, i un sentro di detenshon. JICN tin tambe un Departamento di Kuido Forénsiko i un departamento pa menor di edat i estranhero.   JICN tambe ta kuida detenidonan. JICN ta adaptá na kambionan den e sistema di prizòn. Esaki ta rekerí pensamentu proaktivo, inovashon i invershon den e ekspertisio di su personal.

Deskripshon di e funshon

Komo Kordinadó di Biblioteka, Edukashon i Deporte, bo ta responsabel pa desaroyá, implementá i koordiná (manehá) programa edukativo i deportivo pa detenido na Instituto Hudisial Hulanda Karibense (JICN). Tambe, bo ta pèrkurá pa un kolekshon di literatura aktual. Bo esfuersonan ta hunga un ròl vital den promové e desaroyo i bienestar di e detenidonan.

Bo ta enfoká riba organisá kursonan di entrenamentu, tayer- i aktividatnan enfoká riba desaroyo personal i abilidatnan sosial.  Den kolaborashon ku partnernan interno i eksterno, bo ta garantisá un kantidat di aktividat di kalidat haltu i diverso.  Bo ta supervisá implementashon di e programa- i aktividatnan i garantisá un ambiente seif i di stimulashon. Lo bo hasi ahuste segun nesesidat, monitòr progreso di e detenidonan, i informá esaki na e partidonan relevante.

Bo ta ehersé liderazgo riba un tim ku e meta pa establesé un klima laboral óptimo i sigur, kaminda konfiansa mutuo i motivashon di e detenidonan ta klave.

Bo ta operá den un ambiente dinámiko kaminda suseso inesperá ta e norma diario. Den esaki, bo tin e abilidat di kambia fásilmente for di tareanan operashonal pa esnan táktiko, manteniendo e resultadonan semper na bista.

Pa e funshon aki, banda di forsa di konvikshon, un mentalidat pragmátiko ('no-nonsense') i abilidatnan ekselente pa traha den tim, bo mester di un gran dosis di resistensia bou di preshon, un sentido komersial i konfiansa den bo mes.

Eksigensianan pa e funshon

• Bo tin un diploma hbo. Hbo-management i/òf un diploma den edukashon, deporte, òf siensia sosial ta un bentaha;
• Bo tin eksperensia demostrabel den koordinashon di programanan edukativo i deportivo;
• Bo tin un afinidat pa desaroyo di biblioteka (moderno) i promoshon di lesamentu;
• Bo tin eksperensia ku trabou basá riba proyekto, desaroyo di maneho, i atministrashon di kontrato;
• Bo ta resistente na strès, ta fleksibel i sigur di bo mes, i bo ta proyektá e konfiansa aki;
• Bo ta persuasivo i por dirigí un grupo/tim;
• Bo ta íntegro i sensitivo;
• Bo ta traha den kolaborashon pa logra resultadonan grandi.

Kompetensianan

• Kolaborashon
• Manehabel
• Orientá na resultadonan
• Analítiko
• Abilidatnan pa komuniká
• Íntegro

Loke nos ta ofresé

• Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal inisial 8/ skal di funshon 9, salario mensual mínimo $2.892,- i máksimo $ 4.418,- ku un siman di trabou di 36 ora. Klasifikashon a base di konosementu i eksperensia;
• Sèn di fakansi (8,33% di e entrada anual);
• Un di diestres luna (8,33% di e entrada anual);
• Un kompensashon di vitalidat;
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi ku un siman di trabou di 36 ora;
• Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo;
• Un areglo pa muda pa kandidato ku ta reakshoná for di den eksterior.

Prosedura

Un assessment, casu, skrínen ònlain i/ òf chekeo di referensia por forma parti di e prosedura.
Ta habri e vakatura internamente i eksternamente na mes momentu. Den e selekshon lo tene kuenta ku e siguiente órden:

• Personal ofisial di RCN na e islanan BES (interno);
• Habitante di e parti karibense di Hulanda (eksterno);
• Otro kandidatonan (eksterno).

Eksigensianan di nombramentu

• Un deklarashon tokante kondukta (VOG);
• Un saminashon médiko relashoná ku registrashon obligatorio na e fondo di penshun (ku kontribushon propio)
• Nashonalidat hulandes.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto di 29,4% riba un suèldu riba e montante liber di impuesto ku ta $21.956,- den 2026, te un suèldu di $53.198,-. Den e di dos grupo di impuesto un tarifa di impuesto di 38,4% ta na vigor.
• Bo ta, òf bo ta bira, residente di Hulanda Karibense.

Mas informashon?

Pa mas informashon tokante e vakatura bo por tuma kontakto ku Peter Hengeveld, direktor di JICN (+599 795 4078).

Solisitut digital

Bo por manda bo Curriculum Vitae ku karta di motivashon via meil na vacature@rijksdienstCN.com.