JICN Wardadó di prezu/ Funshonario di seguridat

Deskripshon di funshon

Komo wardadó di prezu/funshonario di seguridat bo ta kontribuí na detenshon humano di hustisiabel. Bo ta kontribuí na mantenshon di órden, trankilidat, i seguridat den e instituto. Ta bo tarea pa vigilá i segurá hustisiabel, e edifisio i e tereno.

Tareanan di funshon

• Bo ta hasi trabou di seguridat sigun e instrukshonnan di servisio;
• Bo ta aktua di forma adekuá ora di (menasa di) kalamidat i/òf situashon di krísis;
• Bo ta pasa e trabou por eskrito i/ òf verbal na final di e servisio;
• Bo ta registrá/reportá insidente i ta sòru pa e elaborashon (atministrativo);
• Bo ta informá detenido i bishitante tokante regla di kas i instrukshon di seguridat;
• Bo ta aktua sigun e instrukshonnan i protokòlnan vigente, tambe bou di preshon.

Un kantidat di kolega tin un èkstra pakete di tarea. Pa e tareanan aki tambe nos ta buska èkstra kapasidat. E tareanan aki ta:

• Vigilansia di detenido;
• Guia (armá) di transporte;
• Tim di asistensia Interno (IBT).

Komo wardadó di prezu/ funshonario di seguridat bo ta traha den servisionan ku ta kambia. Tin servisionan di anochi, mardugá i wikènt tambe. Ademas, e koleganan ku e pakete di tarea èkstra ta traha servisionan di konsignashon (‘stand by’ pafó di ora di trabou normal).

E organisashon

JICN ta un Instituto Hudisial situá den un edifisio ultramoderno na Plantage Aruba unda por pone tur hustisiabel di Hulanda Karibense. Tin 113 lugá di detenshon repartí den 7 departamento, inkluso adulto hóben, hóben, hende muhé, kas di detenshon, prizòn, i departamento di kuido. Tambe JICN ta enkargá ku detenidonan di KPCN den JICN.

Kompetensia

• Desididu;
• Disiplina;
• Por wanta stress;
• Traha ku presishon;
• Fleksibilidat;
• Kolaborashon

Eksigensianan di funshon

• Bo tin un nivel di traha i pensa mbo2 (preferibel mbo2 security guard);
• Bo tin konosementu profeshonal riba tereno di vigilansia i seguridat;
• Bo tin konosementu di regulashon i prosedura (di seguridat);
• Bo ta ábil na nivel verbal i por eskrito den hulandes i papiamentu;
• Dominio di ingles i spañó verbal i por eskrito ta un bentaha;
• Bo ta kapas pa defendé bo mes i bo kondishon físiko ta na nivel;
• Bo tin un reibeweis B.

Kiko nos ta ofresé?

• Un salario konforme merkado den skal di funshon 4, salario mensual minimalmente $ 1.842,- i maksimalmente $ 2.436,- ku un siman di trabou di 36 ora pa siman. Ta skal a base di konosementu i eksperensia;
• Sobresuèldo servisio iregular en konekshon ku servisio ku ta kambia;
• Sèn di fakansi (8,33% di e entrada anual)
• un di diestres luna (8,33% di e entrada anual); 
• Kompensashon di vitalidat;
• Un previshon di penshun akomodá na Pensioenfonds Caribisch Nederland (PCN);
• 182ora di vakashon den kaso di un siman di trabou di 36 ora pa siman;
• Empleado públiko ku, konforme e orario di trabou aplikabel p’e, mester traha warda di anochi òf mardugá i riba djadumingu i dianan di fiesta, ta haña 22 ora di fakansi adishonal pa aña kalendario;
• Un nombramentu temporario di un aña, ku bista riba un nombramentu fiho den kaso di bon funshonamentu i un resultado di evaluashon positivo;

Prosedura

Un assessment, casus i/ òf chekeo di referensia por forma parti di e prosedura. Ta publiká e vakatura aki internamente i eksternamente na mesun momentu, kaminda ku den e selekshon lo tene kuenta ku e siguiente órden;

• Personal ofisial di RCN na e islanan BES (interno);
• Habitante di e parti karibense di Hulanda (eksterno);
• Sobrá kandidato (eksterno).

Eksigensianan pa nombramentu

• Ta obligatorio pa por presentá un deklarashon tokante kondukta (VOG) i un eksámen médiko;
• E nashonalidat hulandes ta un eksigensia;
• E prosedura di selekshon ta konsistí di un tèst di abilidat físiko, tèst di IBT, kòmbersashon di solisitashon i un evaluashon;
• Pa e sobrá tareanan ta eksigí un investigashon di antesedente.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto di 30,4% riba un suèldu riba e montante liber di impuesto ku ta $21.373,- den 2025, te un suèldu di $51.250,-. Den e di dos grupo di impuesto un tarifa di impuesto di 35,4% ta na vigor.
• Ta obligá pa partisipá na e fondo di penshun, inkluso un kontribushon propio na esaki;
• Bo ta, òf bo ta bira, residente di Hulanda Karibense.

Mas informashon?

Pa mas informashon tokante e vakatura bo por tuma kontakto ku: Xavier Janga, lider di tim di vigilansia , number di telefòn +599 795 4922 òf e-mail Xavier.Janga@jicnbonaire.nl 

Solisitut digital

Bo por manda bo Curriculum Vitae i karta di motivashon pa vacature@rijksdienstCN.com