KMar Kolaboradó di Tareanan di Polis di Frontera

MBO 3 | Boneiru, Sint Eustatius òf Saba | 36 ora | Number di vakatura P&O2025_03_001 | Fecha di klousura: 29 di aprel 2025

Deskripshon di e funshon

Den e funshon di kolaboradó tarea di polis di frontera lo laga bo traha riba ehekushon di tarea operashonal di polis na frontera. Esaki ta enserá ku bo ta responsabel pa ehekushon di kontrol riba kumplimentu ku legislashon i regulashon vigente, ku komo meta pa investigá echonan kastigabel ilegal i ku ta krusa frontera. Bo ta traha huntu estrechamente ku kolega i partner di kadena pa kontribuí na seguridat di Hulanda Karibense. Tambe bo tin atenshon pa situashon desviante i bo ta kapas pa aktua di forma preventivo i represivo ku atenshon pa e alrededor.

Komo kolaboradó di tarea di polis di frontera bo ta ehekutá un diversidat di trabounan i bo ta traha wardanan variabel ku bo tim. Bo ta kuminsá bo warda ku un briefing, di moda ku bo ta na altura di e último desaroyonan. Dependiendo di e warda, lo klasifiká bo por ehèmpel pa kontrolá pasahero for di Kòrsou òf Hulanda riba kondishon di atmishon stipulá den e Wet Toelating Uitzetting BES (WTU-BES, Lei Atmishon i Ekspulshon BES). Tambe por sosodé ku bo ta ehekutá e kontrol aki den haf, òf ku riba e dia aki bo ta patruyá na benefisio di e kontrol na frontera marítimo. E ora ei bo ta vigilá e fronteranan di BES i bo ta alerta pa señal sospechoso i situashon desviante. Den situashon sospechoso bo ta aktua den kolaborashon ku partnernan di kadena manera Duana, Wardakosta i KPCN. Na final di kuenta, esaki lo por pone un fin na trata di hende/trafikashon di hende òf trafikashon di droga. Un aktitut fleksibel i proaktivo ta importante pa esaki.   

Tareanan di funshon

• Komo kontroladó na frontera bo ta kontrolá si personanan na e (puestonan di kontrol di frontera di BES ta kumpli ku e kondishonnan di akseso, tantu na aeropuerto komo den e hafnan marítimo;
• Bo ta ehekutá e tarea polisial na aeropuertonan den Hulanda Karibense i ta aktua den situashon di krísis i insidente di seguridat;
• Bo ta ehekutá patruya den kuadro di Beveiliging Burgerluchtvaart (BBLV, Seguridat Aviashon Sivil) i den kuadro di e vigilansia di frontera marítimo;
• Ora ta nesesario, bo ta duna asistensia den situashon di emergensia i/òf na e Kuerpo Polisial Hulanda Karibense (KPCN);
• Bo ta un spesialista den averiguashon di kriminalidat di migrashon, trata di hende, froude ku dokumento di biahe i estadia i sobrá kriminalidat ku ta surpasá frontera;
• Bo ta korekto, servisial i representativo pa Koninklijke Marechaussee (Kmar), i ta duna servisio na siudadano.

E organisashon

Koninklijke Marechaussee na Hulanda Karibense entre otro ta responsabel pa vigilansia na frontera, tarea di polis na aeropuerto, seguridat di aviashon sivil i servisio polisial militar. E parti di mas grandi di e trabounan ta tuma lugá na aeropuerto i hafnan marítimo di Hulanda Karibense.

E departamento

E trabounan ta tuma lugá den e departamento BES di e Brigade Koninklijke Marechaussee Caribisch gebied (Koninklijke Marechaussee Área di Karibe). E departamento BES ta enkargá ku ehekushon di e trabounan operashonal ku ta surgi for di artíkulo 5 di e Veiligheidswet BES (Lei di Seguridat BES) na Boneiru, Saba i Sint Eustatius. Ta un departamento kombiná unda kolaboradónan di vigilansia na frontera di Rijksdienst Caribisch Nederland ta traha huntu ku militarnan di Koninklijke Marechaussee di Defensa.

Kompetensianan

• Orientashon riba resultado;

• Traha huntu;
• Presis;
• Por ku stres;
• Desidido;
• Fleksibel.

Eksigensianan di funshon

• Bo ta traha i pensa na nivel di MBO 3;
• Bo tin un bon dominio verbal i por eskrito di hulandes òf bo ta dispuesto pa desaroyá bo mes fuertemente den esaki;
• Bo ta den poseshon di un diploma di landa òf ta dispuesto pa alkansá esaki riba bo propio inisiativa promé ku komienso di e estudio;
• Bo ta den poseshon di un reibeweis B òf bo ta dispuesto pa alkansá esaki promé ku fin di e estudio;
• Bo ta dispuesto pa sigui formashon pa e funshon na Hulanda i den Karibe;
• Bo ta kumpli tur aña ku e eksigensianan di IBT konforme e reglanan (entrenamentu profeshonal integral).

Kiko nos ta ofresé

• Un sueldo konforme merkado den skal inisial 5 (na komienso di e estudio) i eskala di funshon 6 (despues di kompletá e estudio) di minimalmente $2.132,- i maksimalmente $2.984,- bruto pa luna ku un siman di trabou di 36 ora. Klasifikashon a base di konosementu i eksperensia;
• Sèn di fakansi (8,33% di e sueldo) den luna di mei;
• Un di 13 luna (8,33% di e sueldo) den luna di novèmber;
• Kompensashon servisio iregular en relashon ku e wardanan variabel;
• Un areglo di penshun akomodá na e Pensioenfonds Caribisch Nederland (PCN);
• 182 ora di fakansi pa aña ku un siman di trabou di 36 ora i 22 ora di fakansi èkstra den kaso di roster/warda iregular;
• Posibilidat di formashon interno;
• Un nombramentu temporal di un aña, ku bista riba un nombramentu fiho den kaso di bon funshonamentu a base di un resultado positivo di evaluashon i logro di estudio básiko Algemeen Opsporingsambtenaar (ámtenar di investigashon general) KMar Hulanda Karibense, komo tambe e entrenamentunan Integral di abilidatnan profeshonal i kontrol di violensia (IBT) kompletá;
• Un areglo di mudansa pa kandidato ku ta reakshoná for di eksterior.

Prosedura

Un assessment, casus i/òf checkeo di referensia por forma parti di e prosedura.
Den e selekshon lo tene kuenta ku e siguiente órden:

• Personal ofisial di RCN na e islanan BES (interno);
• Habitante di e parti karibense di Hulanda (eksterno);
• Sobrá kandidato (eksterno).

Un evaluashon, tèst deportivo, eksámen sikológiko, eksámen médiko i screening ta partinan obligatorio di e prosedura di selekshon aki i mester pasa nan ku resultado positivo.

Solisitante mester tene kuenta ku un tèst online di kapasidat i diferente inspekshon.

Ora selektá bo, lo bo risibí un invitashon personal tokante esaki via di meil.

Lokalidat di traha

Pa e lokalidat pa e funshon aki por skohe entre Boneiru, Sint Eustatius òf Saba. Ora di entregá e solisitut ta importante pa menshoná e eskoho di lokalidat. E eskoho ta definitivo, transferensia pa un otro lokalidat riba petishon di e kolaboradó no ta posibel.

Estudio

Pa ehekushon di e funshon aki na Koninklijke Marechaussee ta eksigí vários estudio. KMar lo ofresé e estudionan aki despues di e nombramentu temporal di e kandidato. Finalisashon éksitoso di e formashon aki ta un kondishon pa un nombramentu definitivo. E formashon ta dura mas o ménos 9 luna, i lo dun’é parsialmente na Hulanda i parsialmente lokal.

E formashon entre otro ta konsistí di:

• Estudio di funshon riba tereno di e diferente tareanan di KMar ku ta pertenesé na e estudio básiko ámtenar di investigashon general KMar Hulanda Karibense;
• Entrenamentunan profeshonal integral i kontrol di violensia (IBT).

Eksigensianan di nombramentu

• Un Deklarashon tokante Kondukta (VOG);
• Un Deklarashon di no Opheshon (VGB) dor di MIVD (nivel B);
• Un eksámen médiko na benefisio di atmishon na e fondo di penshun;
• Nashonalidat hulandes.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;

• Hulanda Karibense tin un propio regulashon di impuesto. E entrada riba e suma liber di impuesto di $ 21.373,- na 2025 lo karga ku impuesto den e promé grupo di impuesto, te ku un entrada di $51.250,-, kargá ku 30,4%. Den e di dos grupo di impuesto ta konta un tarifa di impuesto di 35,4%;
• Bo ta, òf bo ta bira, residente di Hulanda Karibense.

Mas informashon?

Pa informashon tokante e vakatura, bo por tuma kontakto ku Errol Klunder, Lider di Tim Operashonnan BES (eh.klunder@mindef.nl), òf hasi pregunta durante un di e dianan habrí òf seshonnan live riba 15 di aprel via Facebook di Rijksdienst Caribisch Nederland.

Solisitut digital

Bo por manda bo solisitut i Curriculum Vitae, karta di motivashon i e lista di pregunta adishonal yená kompletu inkluso anekso na: vacature@rijksdienstcn.com.