KPCN Aspirante di Polis

Bo tin kurashi? Nos tin e trabou!

MAVO/VSBO TKL| 40 ora | P&O2020_05_005| Klousura: 10 di yüli 2020

KPCN ta buskando koleganan entusiasmá i fleksibel ku kier hasi un estudio interno pa bira polis. Durante di e estudio lo interkambiá enseñansa i trabou. Despues di graduashon lo posishoná bo riba un di e islanan di Hulanda Karibense.

Estudio

Lo bo sigui un estudio polisial di 2 aña riba nivel MBO. Durante di e kurso  dosentenan di Akademia di Polis i un coach di bo Kuerpo Polisial lo guia bo. Lo bo pasa e  periodo teorétiko i bo eksperensha práktiko na Boneiru. E estudio ta start den otoño/ fin di 2020.

Organisashon

Kuerpo Polisial Hulanda Karibense (KPCN) ta un kuerpo yòn, chikí i dinámiko ku un área di trabou ku ta enserá Boneiru, Sint Eustatius i Saba i ta konsistí di tur e prosesonan manera di un kuerpo madurá. Den e añanan binidero e kuerpo lo sigui profeshonalisá i traha na desaroyo di e Kuerpo.

E Kuerpo ta kontribuí na seguridat i abitabilidat di e habitantenan i turista òf trahadónan riba un di e islanan di Hulanda Karibense. Funshonario nan di KPCN ta servisial, enérgiko i profeshonal.

Eksigensia di e funshon

  • Un estudio finalisá riba nivel MAVO/VSBO TKL, òf mas haltu
  • Nashonalidat Hulandes
  • Por lo ménos 17 aña di edat
  • Un reibeweis B òf bo ta dispuesto pa saka esaki denter di dos aña;
  • Diploma di landamentu òf bo ta dispuesto pa saka esaki denter di dos aña
  • Bo ta dominá hulandes, papiamentu i ingles riba nivel B1

Abilidatnan

  • Tuma inisiativa
  • Desididu
  • Perseveransia
  • Konsiente di bo tarea
  • Bo por traha bou di tenshon
  • Abilidat pa komuniká
  • Espiritu di Tim  / traha huntu
  • Fleksibel

Kiko nos ta ofresé?

  • E salario di e funshon ta enserá:
    Durante di estudio: Skal di salario ta 4, mínimo trapi 3, siendo $1.426,54 brutu pa luna, pa un siman di trabou di 40 ora
  • Gratifikashon na fin di aña di 8,33% di bo sueldo
  • Un bon penshun na PCN
  • 186 ora di fakansi (basa riba un siman di 40 ora)
  • Un areglo pa kubri bo gastunan mudansa si bo ta bini for di eksterior

E nombramentu ta temporal pa e periodo di bo estudio básiko. Despues ku bo a finalisá e estudio básiko lo bo haña un nombramentu pa un aña, kual lo wòrdu sigui pa un nombramentu pa un tempu indefiní si bo a funshoná bon.

E salario di e funshon ta enserá:
Durante di estudio: Skal di salario 4, mínimo trapi 3, siendo $1.426,54 brutu pa luna, pa un siman di trabou di 40 ora.

Nombramentu indefiní: Skal di salario ta 6, mínimo trapi 3, siendo $1.874,- i máksimo $ 2.490,20 brutu pa luna, pa un siman di trabou di 40 ora.

Un assessment, un tèst di spòrt, saminashon médiko i skrinen (investigashon di konfiabilidat i kapasidat ) ta forma un parti mandatario di e prosedura di selekshon. Despues di finalisá e tèstnan bo mester presentá un VGB pa e nivel di siguridat rekerí, mará na e funshon denter di e periodo rekirí. Sino bo no por kuminsá ku e estudio.

Informashon konserní ku e vakatura

Den e luna di yüni seshon nan di informashon lo tuma lugá na Boneiru, Sint Eustatius i Saba. Mas informashon lo sigui via medionan di prensa lokal. Bo por wak tambe riba e página wèp: www.rijksdienstcn.com òf www.politiecn.com pa mas informashon òf yama durante orario di ofisina señor L. Vrutaal, kordinadó di estudio, riba number  +599 7158086.

Solisitut digital

Solisitut digital den dos stap fasil:

Stap 1 - Yena e lista di pregunta aki (ta dura máksimal 5 minüt)

Stap 2 - Manda bo Curriculum Vitae pa: vacature@rijksdienstcn.com Menshoná den e tema di bo email riba kua vakatura bo ta solisitá (Vakatura Aspirante di polis)