KPCN Kolaboradó CIE

Deskripshon di funshon

Komo Kolaboradó CIE bo ta embolbí ku buskamentu, elaborashon i dunamentu di informashon. P’esei bo ta dirigí bo mes riba reklutamentu, konstrukshon i mantenshon di un ret di informante. Tambe bo ta analisá utilidat i konfiabilidat di e informantenan i di nan informashon. Protekshon di bo informantenan ta bo prioridat di mas haltu den esei.

Komo Kolaboradó CIE ta importante pa bo orientá bo mes ampliamente riba sosiedat. Bo ta papia ku diferente tipo di hende tokante temanan divergente manera arma di kandela, droga, atrako pero tambe tokante labamentu di plaka, trafikashon di hende, medioambiente etc.

Ku e informashon hañá bo ta sostené no solamente e proseso di reshèrshi, pero bo ta yuda tambe ku hasimentu visibel di CSV (konekshonnan di kooperashon kriminal), evaluashon di menasa i di trènt.

E aktividatnan ku bo ta ehekutá konosé un karakter di sekresia i bo ta hasi nan ku un medida di independensia grandi. Ora bo postulá bo mes komo kandidato, bo mester tene bon kuenta ku e konsekuensianan ku e trabou aki por tin pa bo situashon privá tambe.

E Unidat Informashon Kriminal ta karakterisá su mes pa profeshonalnan entusiasmá ku tin afinidat ku traha den sekreto.

E organisashon

Kuerpo Polisial Hulanda Karibense (KPCN) ta un kuerpo yòn, chikí i dinámiko ku tin e islanan Boneiru, Sint  Eustatius i Saba komo tereno di trabou. Maske e kuerpo su tamaño ta chikí, e ta enserá tur proseso di un kuerpo integral. Nos ta buska kolaboradó entusiasmá, fleksibel i dispuesto pa hasi tur tipo di trabou, ku huntu ku nos ke traha riba futuro di e kuerpo.

E departamentu

E Unidat Informashon Kriminal ta kai bou di e departamento Informashon & Ekspertisio. E departamentu aki ta responsabel pa pèrkurá pa, na e momentu korekto ku e informashon korekto por guia dirigí riba siguridat, i pa ofresé sosten ku e tarea polisial diario. Ademas, e Unidat Informashon Kriminal ta responsabel pa suministro di informashon a base di guia di informantenan (sivil) den e áreanan di tarea di kriminalidat severo.

Kompetensianan

• Abilidatnan komunikativo;
• Nètwèrk;
• Integridat;
• Fleksibilidat;
• Inisiativa;
• Empatia;
• Asertivo;
• Orientá riba resultado

Eksigensianan di funshon

• Bo ta disponé minimalmente di un diploma polisial na nivel MBO-4, preferiblemente kompletá ku formashon profeshonal; (e.o. pa reklutamentu i guia di informante);
• Bo tin konosementu/eksperensia relashoná ku e proseso di reshèrshi;
• Bo por proba di tin konosementu di legislashon i regulashon, instrukshon- i protokòlnan relashoná ku reklutamentu i guia di informante;
• Bo tin konosementu di i eksperensia ku método, téknika i instrumento pa reklutashon i guia di informante;
• Bo tin abilidat pa konstruí i mantené retnan diverso;
• Bo ta un miembro di ekipo;
• Bo tin komprondementu di komportashon di personanan ku ta move den e sirkuito kriminal i un bon abilidat pa husga situashonnan (ku no ta seif);
• Bo tin un bon dominio di hulandes, papiamentu i ingles, i preferiblemente tambe di spañó.
• Bo por kumpli tur aña ku e eksigensianan di IBT konforme instrukshon;
• Bo tin un aktitut madurá pa ku bo tareanan i ta tuma bo responsabilidat. Esaki ta nifiká ku bo tin un mentalidat hopi íntegro, kreativo, fleksibel, proaktivo i ku por ku strès;

Nos por imaginá nos ku ainda bo no ta kumpli ku tur e eksigensianan akiriba. Kaminda posibel, KPCN lo sòru pa e estudionan nesesario. Di bo ta spera ku lo bo hasi tur esfuerso pa kumpli ku e eksigensianan aki denter di e término stipulá.

Kiko nos ta ofresé?

• Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal inisial 7 i skal di e funshon 8, salario mensual mínimo $ 2.436,- i máksimo $ 4.619,- ku un siman di trabou di 36 ora. Klasifikashon a base di konosementu i eksperensia;
• Sèn di fakansi (8,33% di e entrada anual);
• Un di diestres luna (8,33% di e entrada anual);
• Un kompensashon di vitalidat;
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi den kaso di un siman di trabou di 36 ora;
• Un nombramentu temporal pa un aña ku bista riba un nombramentu fiho den kaso di bon funshonamentu i un evaluashon positivo;
• Un areglo di mudansa pa kandidato ku ta reakshoná for di eksterior.

Prosedura

Un assessment, casus i/òf chekeo di referensia por forma parti di e prosedura.

Ta publiká e vakatura aki tantu internamente komo eksternamente, kaminda ku den e selekshon lo tene kuenta ku e siguiente órden:

• Personal ofisial di RCN na e islanan BES (interno)
• Habitante di e parti karibense di Hulanda (eksterno)
• Sobrá kandidato (eksterno)

Eksigensianan di nombramentu

• Si bo keda selektá pa e funshon, bo nombramentu no ta final ainda. Komo eksigensia legal, bo mester pasa e kurso di Kolaboradó CIE ku éksito promé. E kuerpo di polis lo sòru pa e kurso aki. (E kurso ta planiá pa kuminsá na Hulanda na yanüari 2026|)
• Un deklarashon di No Opheshon (VGB);
• Un saminashon médiko na fabor di atmishon den e fondo di penshun;
• Nashonalidat hulandes.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto riba e entrada mas haltu ku e suma liber di impuesto ($ 21.373,- na 2025) di un porsentahe di 30,4 % na retenshon riba suèldu;
• Ta obligá pa partisipá na e fondo di penshun, inkluso un kontribushon propio na esaki;
• Bo ta, òf bo ta bira, residente di Hulanda Karibense.

Mas informashon?

Pa mas informashon tokante e vakatura bo por tuma kontakto ku Dennis Luider, Kordinadó CIE, number di telefòn +599 795 4775.

Solisitut digital

Bo por manda bo Curriculum Vitae ku bo motivashon pa: vacature@rijksdienstCN.com

Fecha di klousura i entrevistanan

• Fecha di klousura pa e vakatura ta 21 di òktober 2025
• E entrevistanan ta tuma lugá den e siman di 27 t/k 31 di òktober 2025
• Seguidamente e nombramentu ta tuma lugá dia 1 di yanüari 2026