KPCN Kolaboradó di Atmishon & Servisio

E organisashon

Kuerpo Polisial Hulanda Karibense (KPCN) ta un kuerpo yòn, chikí, i dinámiko, ku ta operá den e área di e islanan Boneiru, Sint Eustatius i Saba i ta enserá tur e prosesonan di un kuerpo ekivalente integral. E kuerpo ta kontribuí na siguridat i un ambiente habitabel pa e hendenan ku ta biba, traha òf keda komo turista na un di e islanan di Hulanda Karibense. Empleadonan di KPCN ta alerta i servisial, determiná i profeshonal. Den e konteksto aki, nos ta buskando empleadonan entusiamá, ku abilidat pa hasi un kantidat amplio di tarea, i fleksibel, ku huntu ku nos ke traha riba futuro di e kuerpo.

E departamentu

E departamento di Atmishon ta enkargá ku organisashon di e funshon di lokèt di polis. Esaki ta konsistí partikularmente di kontakto ku siudadano ku ke drenta den kontakto ku polis. Atmishon di denunsia/notifikashon (tantu personalmente na bali komo via telefòn) ta forma e aspekto sentral. Bo ta yuda siudadano na diferente manera, i ta trata nan informashon di un manera íntegro i adekuá. Trámitenan ta tuma lugá personal, via telefòn, òf via meil. Bo ta elaborá e denunsianan aki den un prosèsverbal i ta duna servisio dor di ofresé apoyo atministrativo polisial. 

Deskripshon di funshon

Komo empleado di atmishon & Servisio, bo ta trata tur pregunta i petishon ku un karakter no urgente ku ta bini dilanti. Tambe, bo ta duna informashon na siudadano, instansia i empresa. Bo ta kontrolá dokumentonan komprobante, tuma petishon pa pèrmit, i verifiká si datonan ta kompleto. Ademas bo ta registrá denunsia/notifikashon di delito i di persona ku a disparsé, ku eksepshon di asuntu ku ta rekerí intervenshon direkto, denunsia den kasonan aktual òf kasonan pa lokual ekspertisio spesial ta nesesario. Den e funshon di empleado di atmishon i servisio, bo ta manda denunsia pa tratamentu den e área di ekspertisio relevante den e kuerpo. Bo ta informá e denunsiadónan tokante e resultado òf estado di e denunsia ku ta den trámite. Ademas bo ta registrá denunsia tokante opheto ku a haña i pèrdè, registrá bishitante, i ehekutá kòntròl di akseso. 

Eksigensianan di funshon

• Bo tin un nivel di formashon i di traha i pensa riba nivel di mbo, ku un estudio spesífiko riba e tereno di atenshon di atmishon (inkluso e kurso Bavpol);
• Bo tin konosementu general di e organisashon di polis, di e proseso i e retnan/partnernan di kadena relevante;
• Bo tin konosementu di i eksperensia ku sistemanan di registrashon, téknikanan di siguridat i di e desaroyonan den e práktika di ehekushon;
• Bo tin un bon dominio di hulandes, papiamentu i ingles, i posiblemente spañó;
• Bo ta hopi ábil den hiba kombersashon ku siudadano, instansia i empresa di un manera orientá riba kliente, i bo ta kapas pa proveé nan ku e informashon nesesario;
• Bo tin kapasidat analítiko, un mentalidat práktiko, i bo ta kapas pa resolvé problema;
• Bo tin un mentalidat íntegro i amistoso ku atenshon pa kliente, bo konosé e reglanan tantu por eskrito komo den bo komportashon, i bo ta realisá ku bo ta un refleho di e Kuerpo;
• Bo ta asertivo i por kontra stress, empátiko, i bo sa bon kon pa evaluá un situashon. 

Nos por imaginá nos mes ku ainda bo no ta kumpli ku tur eksigensia; unda posibel, KPCN lo sòru pa e kursonan nesesario. Di bo, ta spera ku lo bo hasi tur esfuerso pa kumpli ku e eksigensianan aki denter di un periodo rasonabel. 

Kompetensianan

• Traha huntu
• Orientashon riba kliente
• Abilidat komunikativo
• Traha ku presishon
• Por kontra stress
• Integridat

Kiko nos ta ofresé?

• Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal inisial 5/skal di e funshon 6, salario mensual di mínimo $ 2.038,-,- i máksimo $ 3.149,-,- ku un siman di trabou di 36. Klasifikashon a base di konosementu i eksperensia;
• Sèn di fakansi (8,33% di e entrada anual);
• Bonus di fin di aña (8,33% di e entrada anual);
• Un kompensashon di vitaidat;
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi den kaso di un siman di trabou di 36 ora pa siman;
• Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo;
• Un areglo di mudansa pa kandidato ku ta reakshoná for di eksterior.

Prosedura

Un assessment, casus, skrínen ònlain  i/ òf chekeo di referensia por forma parti di e prosedura. Ta habri e vakatura internamente i eksternamente na mes momentu, miéntras ku den e selekshon lo tene kuenta ku e siguiente órden:

• Personal ofisial di RCN na e islanan BES (interno);
• Habitante di e parti karibense di Hulanda (eksterno);
• Sobrá kandidato (eksterno).

Eksigensianan di nombramentu

• Un deklarashon tokante kondukta (VOG);
• Partisipashon na e fondo di penshun ta obligatorio, inkluso un kontribushon propio;
• Un saminashon médiko ta obligatorio. Sin un resultado positivo di e saminashon aki nombramentu no por tuma lugá;
• Nashonalidat hulandes.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto di 29,4% riba un suèldu riba e montante liber di impuesto ku ta $21.956,- den 2026, te un suèldu di $53.198,-. Den e di dos grupo di impuesto un tarifa di impuesto di 38,4% ta na vigor.
• Bo ta, òf bo ta bira, residente di Hulanda Karibense.

Mas informashon?

Pa mas informashon tokante e vakatura bo por tuma kontakto ku Belinda Coffi,  Hefe di Unidat Kuido Polisial Básiko,number di telefòn +599 715 8085.

Solisitut digital

Bo por manda bo Curriculum Vitae ku bo motivashon via e-mail pa: vacature@rijksdienstcn.com.