KPCN Kolaboradó di Investigashon Forensiko (general)

Investigashon forensiko ta dirigí riba dokumentashon di e situashon manera a hañ’é, despues ku un krímen a keda kometé. E funshon ta konsistí di buska i sigurá e markanan di índole forensiko ku a keda atras na e sitio di e krímen. Pa esaki, interpretashon di e markanan ku a haña, determinashon di e sirkunstansianan konkreto i e forma di e krímen kometé, den relashon ku identifikashon di e sospechosonan i/òf esnan enbolbí ta di sumo importansia. E kolaboradó di investigashon forensiko ta sigurá markanan i ta hasi trabou di reshèrshi ku esaki den otro bankonan di dato.

E kolaboradó di investigashon forensiko independientemente ta ehekutá investigashon forensiko i, bou di kordinashon di e kolaboradó senior, ta tuma parti den investigashon forensiko di eskala grandi/kompliká. Si ta nesesario, por laga e kolaboradó traha tambe na Sint Eustatius i Saba.

E organisashon

Kuerpo Polisial Hulanda Karibense (KPCN) ta un kuerpo yòn, chikítu i dinámiko, ku tin e islanan Boneiru, Sint Eustatius i Saba komo área di trabou. Maske e tamaño di e kuerpo ta chikítu, e ta abarká tur e prosesonan di un kuerpo kompleto. Despues di un fase komo pionero, awor e kuerpo ta den un fase di profeshonalisashon mas aleu. E ophetivo pa e próksimo añanan: “pone e kosnan básiko na òrdu”, loke ta nifiká ku lo hasi trabounan kuantitativo pero tambe kualitativo pa desaroyo mas aleu di e kuerpo. Den e konteksto aki nos ta buska kolaboradónan entusiasmá, dispuesto pa hasi diferente tipo di trabou, i fleksibel, ku huntu ku nos ke traha riba futuro di e kuerpo.

E departamentu

E departamentu di investigashon ta ehekutá tur aktividat dirigí riba solushoná krímen. Esaki den un kombinashon ku medida preventivo, represivo i di mantenshon, kaminda e timnan di bario, asistensia den emergensia, outoridat i partnernan di kadena tin un papel importante. E investigashon ta dirigí su mes tantu riba kriminalidat frekuente komo kriminalidat lokal severo, kriminalidat ku ta pasa frontera, i kriminalidat organisá. Un karakterístika di investigashon ta e ambiente agitá ku trabou bou di preshon.  

E unidat di investigashon Forensiko ta konsistí di 1 kordinadó forensiko, 1 kolaboradó senior, i 1 kolaboradó.

E unidat di investigashon forensiko ta dirigí su mes (ku e intenshon di kompilashon di prueba penal ophetivo) riba dokumentashon di e situashon, manera a haña esaki despues ku e krímen a keda kometé. Dor di buska i sigurá markanan di índole forensiko ku a keda atras na e lugá di e krímen, dor di interpretá e markanan ku a haña, dirigí riba determinashon di e sirkunstansia i forma di e krímen kometé, komo tambe, relashoná ku loke ya a menshoná, identifikashon di sospechoso i/ òf hendenan enbolbí, i ku wardamentu di markanan sigurá i hasi reshèrshi ku e markanan ei den otro bankonan di dato.

Eksigensianan di funshon

• Nivel di traha i pensa MBO, basá riba un MBO4 di polis kompletá ku formashon profeshonal (riba tereno di investigashon forensiko) i eksperensia relevante;
• konosementu di partinan relevante di derecho penal i prosesamentu penal;
• bon konosementu di instrukshonnan, direkshonnan (di OM) i protokòlnan relashoná ku investigashon forensiko;
• konosementu di sistemanan den uso pa dokumentashon i registrashon;
• konosementu i dominio aktivo di hulandes, papiamentu i ingles i eventualmente di spañó;
• kumpli tur aña ku e eksigensianan IBT konforme instrukshon;
• kaminda nesesario, kompletá ku sertifikashonnan respekto aspektonan di tarea  spesífiko/funshonnan sekundario.

Kompetensianan

• Analítiko
• Abilidat pa solushoná problema
• Komunikativo
• Fleksibel
• Íntegro
• Por kontra stress
• Traha huntu

Kiko nos ta ofresé?

• Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal di funshon 7, salario mensual mínimo $ 2.436,-,- i máksimo $ 3.298,-,- ku un siman di trabou di 36 ora. Klasifikashon a base di konosementu i eksperensia;
• Sèn di fakansi (8,33% di e entrada anual);
• Un di diestres luna (8,33% di e entrada anual);
• Un kompensashon di vitalidat;
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi ku un siman di trabou di 36 ora;
• Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo;
• Un areglo pa mudansa pa kandidato ku ta reakshoná for di den eksterior.

Prosedura

Un assessment, casus i/ òf chekeo di referensia por forma parti di e prosedura. Ta publiká e  vakatura aki simultáneamente internamente i eksternamente. Den e selekshon lo tene kuenta ku e siguiente órden:

• Personal ofisial di RCN na e islanan BES (interno);
• Habitante di e parti karibense di Hulanda (eksterno);
• Otro kandidatonan (eksterno).

Eksigensianan di nombramentu

• Un deklarashon tokante kondukta (VOG);
• Un saminashon médiko na fabor di atmishon den e fondo di penshun (Partisipashon ta obligatorio, inkluso un suma di kontribushon personal pa esaki);
• Nashonalidat hulandes.
• Den poseshon di un skrinen bálido nivel A. Si no a entregá esaki ainda lo inisiá un investigashon di seguridat.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto di 30,4% riba un suèldu riba e montante liber di impuesto ku ta $21.373,- den 2025, te un suèldu di $51.250,-. Den e di dos grupo di impuesto un tarifa di impuesto di 35,4% ta na vigor.
• Bo ta, òf lo bira, residente di Hulanda Karibense.

Mas informashon?

Nòmber          : señor A.O.C. Melaan 
Telefòn           : +599 7951238

Solisitut digital

Manda bo Curriculum Vitae ku motivashon, via meil: vacature@rijksdienstCN.com