Bo tin e kurashi pa hiba e seguridat digital di KPCN na un nivel mas haltu i hasi un diferensia den e organisashon?

Deskripshon di e funshon

Komo Kolaboradó di Seguridat di Informashon (CISO) serka Kuerpo Polisial Hulanda Karibense (KPCN), bo ta traha kaminda teknologia, siguridat i organisashon ta topa.  Bo ta kontribuí direktamente na e protekshon di nos infrastruktura krítiko (digital) i bo ta responsabel pa e siguridat di informashon den e kuerpo. Bo tin un ròl fundamental den sigurá disponibilidat, integridat i konfiabilidat di e fluho di informashon i bo ta fungi komo un punto di konekshon entre téknika, hende i organisashon.

Tareanan di funshon

  • Bo ta establesé, implementá i mantené e maneho i strategia di siguridat di informashon di KPCN;
  • Bo ta supervisá kumplimentu ku leinan i regulashonnan nashonal i internashonal pa seguridat di informashon;
  • Bo ta duna informashon na e Liderazgo di Kuerpo tokante e estado di siguridat di informashon i e riesgonan den e organisashon;
  • Bo ta enbolbí direktamente den kontrolnan di seguridat sibernétiko i e implementashon di Maneho di Kontinuidat Operashonal (BCM);
  • Bo ta promové konsientisashon di seguridat na tur nivel di e organisashon;
  • Bo ta partisipá aktivamente den e ret di CISO di Polis, Ministerio di Hustisia i Seguridat, i Rijksdienst Caribisch Nederland (RCN), identifiká tendensia i desaroyonan, i tradusí esakinan den medidanan práktiko pa KPCN;
  • Bo ta konsehá e liderazgo di kuerpo polisial di moda ku semper nan por tuma desishonnan integral for di un perspektiva di seguridat di informashon;
  • Bo ta konstruí i mantené un ret interno i eksterno efektivo i kordiná timnan multidisiplinario durante insidentenan òf proyektonan;
  • Bo ta fungi komo un punto di konekshon entre e aspektonan tékniko, organisatorio i humano di seguridat di informashon.

E organisashon

Kuerpo Polisial Hulanda Karibense (KPCN) ta un kuerpo yòn, chikitu i dinámiko, ku áreanan di trabou na e islanan di Boneiru, Sint Eustatius i Saba i ta enserá tur e prosesonan di un kuerpo polisial kompleto.  E kuerpo ta kontribuí na seguridat i kalidat di bida di hende ku ta biba, traha, òf ta bishitá un di e islanan di Hulanda Karibense. Kolaboradónan di KPCN ta atento i servisial, desisivo i profeshonal. Den e konteksto aki nos ta buska kolaboradónan ku huntu ku nos ke aportá pa krea e futuro di e kuerpo.

Kompetensianan

  • Kolaborashon
  • Resistensia na strès
  • Forsa persuasivo
  • Abilidatnan di komunikashon fuerte
  • Kapasidat pa analisá
  • Orientá na resultadonan
  • Integridat

Eksigensianan pa e funshon

  • Bo tin un nivel di trabou i pensamentu di HBO+ òf WO, preferiblemente den maneho di informashon, maneho di seguridat òf seguridat sibernétiko;
  • Bo tin mínimo 10 aña di eksperensia relevante den siguridat di informashon, di kual algun aña na nivel stratégiko i di maneho;
  • Bo tin eksperensia amplio komo (C)ISO, preferiblemente den organisashonnan di gobièrnu den e kartera di seguridat;
  • Bo tin eksperensia ku liderazgo funshonal di profeshonalnan i kordinashon di timnan multidisiplinario na momentu di insidente òf proyektonan;
  • Bo tin konosementu profundo di leinan i regulashonnan relevante, manera BIO, WPG, i normanan aktual (p.e. ISO 27001/2);
  • Preferiblemente bo tin sertifikadonan manera CISM, CISSP, CISA, òf CRISC;
  • Bo tin eksperensia amplio den òf ku organisashonnan públiko grandi i/òf áreanan di seguridat;
  • Bo ta poseé abilidatnan desaroyá fuerte den área di duna konseho i sensitividat di maneho.

Loke nos ta ofresé

  • Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
  • Un salario konforme merkado den skal di funshon 12, salario mensual mínimo $ 5.066,- i máksimo $ 6.340,- ku un siman di trabou di 36 ora. Klasifikashon a base di konosementu i eksperensia;
  • Sèn di fakansi (8,33% di e entrada anual);
  • Un di diestres luna (8,33% di e entrada anual);
  • Un kompensashon di vitalidat;
  • Un areglo di penshun akomodá na Pensioenfonds Caribisch Nederland (PCN);
  • 182 ora di fakansi ku un siman di trabou di 36 ora;
  • Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo;
  • Un areglo pa muda pa kandidato ku ta reakshoná for di den eksterior.

Prosedura

Un assessment, casus i/ òf chekeo di referensia por forma parti di e prosedura.
Ta habri e vakatura internamente i eksternamente na mes momentu. Den e selekshon lo tene kuenta ku e siguiente órden:

  • Personal ofisial di RCN na e islanan BES (interno);
  • Habitante di e parti karibense di Hulanda (eksterno);
  • Otro kandidatonan (eksterno).

Eksigensianan di nombramentu

  • Un deklarashon tokante kondukta (VOG);
  • Un saminashon médiko na fabor di atmishon den e fondo di penshun (Partisipashon den e fondo di penshun ta obligatorio, inkluso un kontribushon propio na esaki);
  • Nashonalidat hulandes.

Bon pa sa pa interesado pafó di Hulanda Karibense

  • E salario ta na dòler merikano, e moneda ofisial di Hulanda Karibense;
  • Hulanda Karibense konosé su propio reglanan di impuesto. Ta kobra impuesto di 29,4% riba un suèldu riba e montante liber di impuesto ku ta $21.956,- den 2026, te un suèldu di $53.198,-. Den e di dos grupo di impuesto un tarifa di impuesto di 38,4% ta na vigor.
  • Bo ta, òf bo ta bira, residente di Hulanda Karibense.

Mas informashon?

Pa informashon tokante e vakatura por tuma kontakto ku Clark Mercera, Hefe di Maneho Operativo, tambe miembro di Maneho di Kuerpo, number di telefòn +599 795 5016.

Solisitut digital

Bo por manda bo Curriculum Vitae ku bo motivashon via meil na vacature@rijksdienstCN.com.