KPCN Kolaboradó di servisio sosial hurídiko

Deskripshon di funshon

Komo Kolaboradó di servisio Sosial Hurídiko bo ta informá víktima tokante proseduranan penal i su derechonan, i bo ta sosten’é ora di traha dokumentonan, manera petishon pa daño i perhuisio, karta di reklamo, i deklarashon di víktima. Bo ta guia víktima durante seshonnan den korte i ademas ta sali na defensa di su interesnan, kaminda si ta nesesario bo ta hiba palabra tambe. Ademas bo ta ofresé sosten emoshonal na víktima-, miembro- di famia, sobrebibiente- i amigunan den kaso di delito- i/òf aksidentenan serio, i bo ta referí víktima pa instansianan apropiá, miéntras bo ta fungi komo spesialista di e fondo di kompensashon. Bo ta pèrkurá pa kaba atendé tur e trabou atministrativamente  i ta hasi sobrá tarea ku ta direktamente relashoná ku e funshon òf ku bo hefe enkargá bo kuné.

Tareanan di e funshon

• Bo ta informá víktima tokante proseduranan penal i su derechonan.
• Bo ta sostené víktima ora di traha i entregá dokumentonan hurídiko, manera petishon pa daño i perhuisio, formulario di atheshon, deklarashon di víktima i karta di reklamo.
• Bo ta guia víktima durante seshonnan den korte i oudiensia.
• Bo ta sali na defensa di víktima i ta hiba, si ta nesesario, palabra na nòmber di dje.
• Bo ta brinda sosten emoshonal i sikososial na víktima-, miembro- di famia, sobrebibiente- i amigunan den kaso di delito- i/òf aksidentenan di tráfiko serio.
• Bo ta siñalá nesesidatnan di ayudo adishonal i ta referí víktima pa instansianan apropiá.
• Bo ta fungi komo spesialista di e fondo di kompensashon i ta sostené ora di hasi petishon i kaba atendé nan.
• Bo ta pèrkurá pa prosesamentu atministrativo korekto i formashon di dosié di tur trabou.
• Bo ta tene kontakto ku partnernan di kadena relevante interno i eksterno.

E organisashon

Kuerpo Polisial Hulanda Karibense (KPCN) ta un kuerpo hóben, chikitu i dinámiko ku tin Boneiru, Sint Eustatius i Saba komo área di trabou. Ounke e kuerpo ta chikitu na tamaño, e ta akapará tur e prosesonan di un kuerpo  kompleto. Despues di un fase di trabou pionero, e kuerpo awor ta den un fase pa sigui profeshonalisá. E meta pa e añanan benidero ta: “e base na òrdu”, esei ta nifiká ku ta trahando tambe pa loke ta kantidat i kalidat riba mas desaroyo di e kuerpo. Den e konteksto akí nos ta buska kolaboradónan entusiasmá, multifunshonal i fleksibel, ku huntu ku nos ta deseá di traha riba futuro di e kuerpo.

Mishon di Kuerpo Polisial Hulanda Karibense ta bisa: e kuerpo ta kontribuí na siguridat i kalidat di bida di e hendenan ku ta biba, traha òf ta permanesé komo turista riba un di e islanan di Hulanda Karibense. E kolaboradónan ta alerta i servisial, desisivo i profeshonal.

E sekshon

Ofisina di Ayudo na Víktima ta pèrkurá pa duna servisio riba tereno di sosten na víktima. Komo Kolaboradó di Servisio Sosial Hurídiko bo ta atendé ku e tareanan operashonal riba tereno di ayudo na víktima, manera dunamentu di informashon tokante kon e proseso penal ta kana for di denunsia te kastigu, regla pa kaba atendé daño i perhuisio, referensia pa otro instansianan i guia di miembronan di famia i amigunan di víktimanan di delitonan serio. E funshon, segun herarkia, ta kai bou di e hefe di kuerpo i ‘ta ser dirigí pa e koordinadó di Ofisina pa yudansa di víktima, na kende ta duna kuenta i rason tambe.

Kompetensianan

• Abilidat pa skucha
• Abilidat empátiko
• Aktitut proaktivo
• Plania i organisá
• Pone prioridat
• Abilidat komunikativo

Eksigensianan di e funshon

• Bo tin un estudio hbo Dunamentu di Servisio Sosial Hurídiko finalisá;
• Bo tin talento pa organisá i por mantené kontrol den situashonnan kaótiko;
• Bo tin un aktitut habrí pa tur kultura riba e isla;
• Bo por traha bon tantu independiente komo den tim;
• Bo ta disponé di abilidatnan komunikativo fuerte i ta presentá konvinsentemente;
• Bo tin un personalidat fuerte i por kontra strès;
• Bo ta fleksibel i ta dispuesto tambe pa duna ayudo anochi i den mardugá.
• Bo tin konosementu di lei penal i di e mapa sosial riba e islanan BES i abilidat den brindamentu di akohida na víktima;
• Bo ta ábil den hulandes, papiamentu, ingles i preferiblemente spañó;

Ainda bo falta konosementu òf eksperensia? No ta problema, nos ta pèrkurá pa entrenamentu dirigí, di manera ku bo por krese rápidamente den e ròl akí.

Loke nos ta ofresé

• Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal inisial 8 òf skal di funshon 9, salario mensual mínimo $ 2.892,- i máksimo $ 4.418,- ku un siman di trabou di 36 ora. Klasifikashon a base di konosementu i eksperensia;
• Sèn di fakansi (8,33% di e entrada anual);
• Un di diestres luna (8,33% di e entrada anual);
• Un kompensashon di vitalidat;
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi ku un siman di trabou di 36 ora;
• Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo;
• Un areglo pa muda pa kandidato ku ta reakshoná for di den eksterior.

Prosedura

Un assessment, casus i/ òf chekeo di referensia por forma parti di e prosedura.
Ta habri e vakatura internamente i eksternamente na mes momentu. Den e selekshon lo tene kuenta ku e siguiente órden:

• Personal ofisial di RCN na e islanan BES (interno);
• Habitante di e parti karibense di Hulanda (eksterno);
• Otro kandidatonan (eksterno).

Eksigensianan di nombramentu

• Un deklarashon tokante kondukta (VOG);
• Un saminashon médiko na fabor di atmishon den e fondo di penshun (Partisipashon den e fondo di penshun ta obligatorio, inkluso un kontribushon propio na esaki);
• Nashonalidat hulandes.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto di 29,4% riba un suèldu riba e montante liber di impuesto ku ta $21.956,- den 2026, te un suèldu di $53.198,-. Den e di dos grupo di impuesto un tarifa di impuesto di 38,4% ta na vigor.
• Bo ta, òf bo ta bira, residente di Hulanda Karibense.

Mas informashon?

Pa informashon tokante e vakatura por tuma kontakto ku Sheloutska Francees, Kordinadó di Ofisina di Yudansa na Viktima, number di telefòn +599 795 1293 òf Sheloutska.Francees@politiecn.com.

Solisitut digital

Bo por manda bo Curriculum Vitae ku bo motivashon via meil na vacature@rijksdienstCN.com.