KPCN Kolaboradó Kuido Básiko di Polis Allround

Bo ta e kolega entusiasmá ku ke kontribuí na mantenshon di órden públiko i siguridat di Hulanda Karibense?

MBO | Boneiru| 36 ora | Vakatura: P&O2024_06_003 |

Fecha di klousura: E vakatura aki ta kontinuo i no tin fecha di klousura. Solisitantenan mester tene kuenta ku un tempu di reakshon di mínimo dos siman despues di solisitá.

Deskripshon di e funshon

Komo kolaboradó kuido básiko di polis (allround) bo ta kontribuí na mantenshon di órden públiko i na seguridat i kalidat di bida dor di ehersé tarea polisial operashonal independientemente i dor di partisipá den retnan eksistente (ku siudadano, empresa i institushon) na benefisio di trato di problemátika di seguridat. Tambe bo ta supervisá strañeronan durante vigilansia regular. 

E trabou ta tuma lugá komo tim bou di guia operashonal di un hefe kuido básiko di polis i koordinashon diario di un kolaboradó kuido básiko di polis senior.

Tarea di funshon

  • Bo ta pèrkurá (entre otro) pa prosesamentu di notifikashon i ta tuma medida bou di guia di un empleado senior / e hefe kuido básiko di polis;
  • Bo ta evaluá i reportá tokante índole i gravedat di insidente i kalamidat na e sitio, tuma medida inisial di regulashon i stabilisashon i ta duna asistensia direkto;
  • Bo ta supervisá kumplimentu ku leinan/ordenansanan, señalá i mèldu iregularidatnan i tuma medida preventivo i represivo;
  • Bo ta partisipá den aktividatnan preventivo i represivo spesífiko pa kombatí krímen;
  • Bo ta investigá echonan i sirkunstansianan riba tereno di kriminalidat komun i ta kompartí informashon tokante antesedente di personanan i e alrededor, komo base pa kontinuashon i/òf persekushon;
  • Bo ta partisipá den averiguashon dirigí riba insidente;
  • Bo ta formulá proposishonnan for di práktika pa mehoransa den aserkamentu di problemátika i den ehekushon di tareanan polisial operashonal.

Organisashon

Kuerpo Polisial Hulanda Karibense  (KPCN) ta kontribuí na seguridat i kalidat di bida di e hendenan ku ta biba, traha òf keda komo turista riba un di e islanan di Hulanda Karibense. E kolaboraónan ta alerta i servisial, desidido i profeshonal.

Departamento

E departamento di Kuido Básiko di Polis (BPZ) ta enkargá ku kontribushon na mantenshon di órden públiko i seguridat i kalidat di bida na Hulanda Karibense. BPZ ta orientá su mes riba implementashon orientá riba área di tareanan polisial operashonal, en partikular pa e prosesonan di ayudo di emergensia, supervishon i mantenshon i averiguashon.

Kompetensia

  • Komunikativo
  • Fleksibel
  • Proaktivo
  • Íntegro
  • Abilidatnan sosial
  • Por wanta stress
  • Kolaborá
  • Kapas pa coach

Eksigensia di funshon

  • Bo ta den poseshon di un nivel di akademia di polis mbo 4 òf un mbo polisial 3 komplementá ku kapasitashon spesífiko den e tema i eksperensia;
  • Bo tin konosementu di e partinan relevante di derecho penal, derecho prosedura penal i derecho atministrativo;
  • Bo tin konosementu di i eksperensia ku aplikashon di sistemanan di dokumentashon i registro;
  • Bo tin konosementu i ta kapas den mediashon den konflikto;
  • Bo tin konosementu di i eksperensia ku ayudo di emergensia i maneho di insidente, i bo tin kapasidat pa esei;
  • Bo tin konosementu i dominio aktivo di hulandes, papiamentu i ingles, i posiblemente spañó;
  • Bo ta kumpli ku e eksigensianan anual di IBT konforme instrukshon, komplementá kaminda ta nesesario ku sertifikashonnan enkuanto aspektonan di tareanan spesífiko/funshonnan ouksiliar.

Den e funshon aki bo tin kontakto ku:

  • persona/víktima i testigu involukrá den situashonnan di emergensia pa optené informashon, duna asistensia inmediato, duna follow-up i redaktá un prosèsferbal;
  • sospechoso i testigu di violashon di lei pa skucha nan, redaktá un prosèsferbal, i (si ta nesesario) arestá sospechoso;
  • partidonan den situashonnan di konflikto pa intermediá den nan solushon;
  • públiko, pa duna direkshon i informashon.

Kiko nos ta ofresé?

  • Un nombramentu konforme e Rechtspositiebesluit ambtenaren BES (Desishon di posishon hurídiko di ámtenar di BES);
  • Un salario konforme merkado den skal di funshon 7, di maksimalmente $2.906,- mensual bruto ku un siman di trabou di 36 ora pa siman. Ta skal a base di konosementu i eksperensia;
  • Sèn di vakashon (8,33% di e salario);
  • Un di 13 luna (8,33% di e salario, un mínimo di $ 1.750,- bruto);
  • Un previshon di penshun akomodá na Pensioenfonds Caribisch Nederland (PCN);
  • 168 ora di vakashon den kaso di un siman di trabou di 36 ora pa siman;
  • Un nombramentu temporario di un aña, ku bista riba un nombramentu fiho den kaso di bon funshonamentu i un resultado di evaluashon positivo;
  • Un areglo pa muda pa kandidato ku ta reakshoná di pafó di e isla.

Prosedura

  • Ta habri e funshon aki internamente i eksternamente na mes momentu. Den kaso di aptitut igual kandidato interno ta haña preferensia.
  • Un assessment òf casus por forma parti di e prosedura.

Eksigensia pa nombramentu

  • Un deklarashon tokante kondukta (VOG);
  • Un eksaminashon médiko na fabor di atmishon den e fondo di penshun;
  • Nashonalidat hulandes.

Bon pa sa pa interesado pafó di Hulanda Karibense

  • E salario ta na dòler merikano, e moneda ofisial di Hulanda Karibense;
  • Hulanda Karibense konosé su propio reglanan di impuesto. Ta kobra impuesto riba e entrada mas haltu ku e suma liber di impuesto ($ 17.352,- na 2023) di un porsentahe di 30,4 % na retenshon riba suèldu;
  • Ta obligá pa partisipá na e fondo di penshun, inkluso un kontribushon propio na esaki;
  • Bo ta, òf bo ta bira, residente di Hulanda Karibense.

Mas informashon?

Pa informashon tokante e vakatura bo por tuma kontakto ku Edwin van der Giessen, hefe Kuido básiko di polis, meil edwin.vandergiessen@politiecn.com

Solisitut digital

Bo por manda bo Curriculum Vitae ku motivashon, via email pa: vacature@rijksdienstCN.com