KPCN Koordinadó CIE

Bo ta e lider dirigí riba meta ku un spiritu kreativo i fleksibel i un personalidat ku ta konvensé ku CIE ta buska?

MBO | Boneiru | 40 ora | P&O2020_07_004 | Fecha di klousura: 15 di ougùstùs 2020

Komo Kordinadó CIE bo ta responsabel pa e kordinashon diario di e asina yamá “runners”. Bo ta kontribuí na e kombatimentu di kriminalidat, orden públiko, abitabilidat i seguridat den komunidat pa medio di laga informantenan “run” a base di petishon òf sin petishon, analisá e ehekushon, konsehá, inisiá i implementá mehorashon i e evaluashon di resultadonan. Bo ta redaktá plan di enfoke, inisiá, konstruí, mantené i dirigí retnan, bo ta hasi palabrashonnan di ehekushon i bo ta duna direkshon na hasimentu di palabrashonnan di prekondishon i kumplimentu ku palabrashonnan. Komo mèntòr bo ta promové i evaluá e profeshonalidat di e koleganan. Bo ta realisá kordinashon i buskamentu di informashon riba formanan otro for di kriminalidat klásiko, manera labamentu di plaka, strobamentu di prosesonan legal i cybercrime i bo ta krea kontaktonan den e mundu legítimo.

E organisashon

Kuerpo Polisial Hulanda Karibense (KPCN) ta un kuerpo hóben, chikí i dinámiko ku tin komo área di trabou e islanan Boneiru, Sint Eustatius i Saba i ta kontené tur proseso di un kuerpo polisial integral. E añanan binidero e kuerpo ta okupá ku profeshonalisashon mas aleu kaminda ta traha na sigui desaroyá e kuerpo.

E kuerpo ta kontribuí na seguridat i abitabilidat di e hendenan ku ta biba, traha òf keda komo turista na un di e islanan di Hulanda Karibense. Kolaboradónan di KPCN ta vigilante i servisial, enérgiko i profeshonal.

Eksigensianan pa e funshon

  • Bo nivel di pensa i traha ta HBO;
  • Bo tin un diploma di polis riba nivel di minimalmente MBO4 komplementá ku edukashon profeshonal (entre otro pa buska i manehá informante);
  • Bo tin eksperensia di trabou relevante denter di e tereno profeshonal i bo a atkirí eksperensia di kordinashon di un tim. Konosementu di kombatimentu di strobamentu di prosesonan legal, labamentu di plaka i kriminalidat digital ta un bentaha;
  • Bo tin konosementu di legislashon di privasidat, direktivanan, indikashonnan (di OM), protokòlnan, normanan i direktivanan relashoná na reklutamentu i maneho di informante;
  • For di bo eksperensia bo tin konosementu di método, téknika i instrumento relashoná na reklutamentu i maneho di informante i bo por pasa e konosementu aki pa e tim;
  • E informashon propio ku bo mes a buska bo ta tradusí den metanan operashonal, táktiko i stratégiko;
  • Bo ta duna un huisio òf konseho konsiderá tokante e informashon i e informante i bo ta koresponsabel pa protekshon di su identidat;
  • Bo tin abilidat di konstruí un ret (di informante) i den mantenshon di esaki;
  • Bo tin bon komprenshon di - i eksperensia ku e kondukta di personanan ku ta anda den e sirkuito kriminal;
  • For di bo propio eksperensia bo tin abilidat evaluá situashonnan (insigur);
  • Bo ta dominá e idiomanan hulandes, papiamentu i ingles i eventualmente spañó masha bon;
  • Bo por kumpli anualmente ku e eksigensianan di IBT konforme e reglanan.

Kompetensianan

  • Inisiativa
  • Kreatividat
  • Fleksibilidat
  • Sensitividat interkultural
  • Forsa di konvikshon
  • Dirigí riba resultado
  • Pensa sistemátikamente
  • Planea i organisá

Nos ta ofresé

  • Un salario konforme e merkado, den skal di e funshon 9, minimal $2.579,- i maksimal $3.506,- bruto pa luna mará na un siman di trabou di 40 ora. Skal a base di konosementu, eksperensia i edukashon;
  • Un nombramentu temporario di un aña i despues den kaso di satisfakshon mutuo un nombramentu fiho;
  • Un di diestres luna di 8,33% (minimalmente $1.750,-);
  • Kompensashon di vakashon di 8,33% di e salario;
  • Un bon provishon di penhun akomodá na PCN;
  • Posibilidat pa sigui kurso interno;
  • 184 ora di vakashon (den kaso di 39,5 ora di trabou pa siman);
  • Un areglo pa muda si bo reakshoná for di estranhero.

Pa e funshon ainda no a establesé definitivamente e skal di salario i e profil di e funshon i p’esei esakinan por kambia ainda

Eksigensianan di nombramentu

  • Pa e funshon mester por entregá un VGB (Deklarashon ku no tin opheshon) riba e nivel di seguridat eksihí i asina esaki ta forma parti di e prosedura di nombramentu.
  • Un assessment i un eksaminashon médiko por forma parti di e prosedura di selekshon
  • Nashonalidat hulandes ta un eksigensia.
  • Den kaso di kapasidat igual kandidato interno ta haña preferensia riba kandidato eksterno.

Bo ke mas informashon?

Nòmber: Ronald J.M. Zwarter, Hefe di Operashon
Telefòn: +599-781 0109

Solisitut digital

Bo por manda bo Curriculum Vitae ku motivashon pa vacature@rijksdienstCN.com