Bo ke duna guia basá riba dato, seguridat i inovashon i asina hasi un diferensia den suministro di informashon di KPCN?

Deskripshon di e funshon

Komo Mènedjer Suministro di Informashon (Informatie Voorziening) IV & ICT na Kuerpo Polisial di Hulanda Karibense (KPCN), bo ta traha riba asuntunan di inovashon i mehorashon riba tereno di suministro di informashon (IV) i ta responsabel pa maneho diario di ICT.  Bo ta kontribuí na seguridat di Hulanda Karibense dor di garantisá un ambiente di IV/ICT konfiabel, sigur i duradero pa KPCN ku ta sostené e proseso primario i operashonnan di empresa na un manera optimal.

E posishon ta enfoká riba krea un ambiente di IV/ICT stabil  ku bista riba futuro, utilisá dato komo un hèrmènt di maneho, i garantisá seguridat i kumplimentu di informashon.  Den e konsepto profeshonal, e posishon ta kai bou di maneho di kuerpo polisial, na ken tambe mester duna kuenta i rason.  E responsabilidat di HR ta keda na e Hefe di Operashonnan, kende tambe ta miembro di maneho di kuerpo polisial.

Tareanan di e Funshon

  • Bo ta manehá IV i ICT denter di KPCN, for di temanan di maneho te na aplikashonnan i sistemanan, ku e meta di sostené e proseso primario i operashonal di forma optimal;

  • Bo ta sòru pa un artikulashon di demanda evidente pa proyektonan di inovashon i mehorashon di IV i kondusí e análisisnan nesesario i investigashon preliminar;

  • Bo ta dirigí e departamento di IV & ICT, ku ta konsistí di spesialistanan di ICT i atministradornan di aplikashon funshonal, i ta responsabel pa maneho diario di ICT;

  • Bo ta guia atministradornan di aplikashon funshonal den definí i desaroyá spesifikashonnan di usuario funshonal i no-funshonal i garantisá e konfigurashon korekto di aplikashonnan i sistemanan;

  • Bo ta responsabel pa e diseño , koherensia i operashon di prosesonan di informashon den e organisashon;

  • Bo ta traha huntu ku hefenan di departamento, CISO KPCN, gerensia di polis, i partnernan den e sistema hurídiko i Nederlandse Politie, teniendo desaroyonan den e paisahe di IV na kuenta;

  • Bo ta representá KPCN riba tereno di IV i ICT, tantu interno komo eksterno;

  • Bo ta partisipá aktivamente den retnan interno i eksterno relevante di spesialistanan pa kompartí konosementu i mónitòr desaroyonan;

  • Bo ta sòru pa ehekushon efektivo di trabou segun e skema i prioridatnan establesí;

  • Bo ta kontribuí na análisisnan di impakto i efekto di inovashonnan teknológiko den e tereno di maneho di ICT, e siklo di planifikashon anual, e presupuesto, i e konsekuensianan pa usuarionan final;

E organisashon

Kuerpo Polisial Hulanda Karibense (KPCN) ta un kuerpo yòn, chikitu i dinámiko, ku áreanan di trabou na e islanan di Boneiru, Sint Eustatius i Saba, komo su área di trabou i ta enserá tur e prosesonan di un kuerpo polisial kompleto. 

E kuerpo ta kontribuí na seguridat i kalidat di bida di e hendenan ku ta biba, traha, òf ta bishitá un di e islanan di Hulanda Karibense.  Kolaboradónan di KPCN ta atento i servisial, desisivo i profeshonal.  Den e konteksto aki nos ta buska kolaboradónan entusiasmá, fleksibel i proaktivo, ku huntu ku nos ke aportá na krea e futuro di e kuerpo.

Kompetensianan

  • Integridat

  • Kolaborashon

  • Liderazgo

  • Analisá Problema

  • Orientá na resultadonan

  • Kapasidat pa tuma desishon

  • Atenshon pa detaye

  • Konsiente di ambiente i organisashon

  • Sensibilidat polítiko

Eksigensianan pa e funshon

  • Bo a kompletá un estudio universitario, preferiblemente ku un master den maneho di informashon, siensia di kòmpiuter, òf un direkshon similar;

  • Bo tin diploma i/òf sertifikado relevante adishonal, manera:

    • Maneho di informashon;

    • Maneho di ICT;

    • Arkitektura;

    • Seguridat di informashon;

    • Maneho di programa;

  • Bo tin konosementu di virtualisashon i diseño di plataforma;

  • Bo tin eksperensia ku teknologia di ret i infrastruktura sigurá, manera routing, switching, firewall, VPN, i segmentashon di ret;

  • Bo tin konosementu di arkitekturanan di middleware i kapasidatnan di integrashon, manera ESB, brokernan di mensahe, i maneho di API;

  • Bo tin eksperensia ku mónitòr, rendimentu i maneho di disponibilidat di sistemanan i infrastruktura;;

  • Bo tin ekselente dominio skirbí i papia di Hulandes i Ingles;

  • Bon dominio di Papiamentu i/òf Spañó ta un bentaha.

Loke nos ta ofresé

  • Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);

  • Un salario konforme merkado den skal di funshon 13, salario mensual mínimo $ 5.884,- i máksimo $ 7.159,- ku un siman di trabou di 36 ora. Klasifikashon a base di konosementu i eksperensia;

  • Sèn di fakansi (8,33% di e entrada anual);

  • Un di diestres luna (8,33% di e entrada anual);

  • Un kompensashon di vitalidat;

  • Un areglo di penshun akomodá na Pensioenfonds Caribisch Nederland (PCN);

  • 182 ora di fakansi ku un siman di trabou di 36 ora;

  • Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo;

  • Un areglo pa muda pa kandidato ku ta reakshoná for di den eksterior.

Prosedura

E funshon aki ta asigná i nombrá komo un funshon di konfiansa den KPCN. Un investigashon di seguridat (skrínen) korespondiente, ehekutá pa AIVD, ta forma parti di e prosedura.
Un assessment, casus i/ òf chekeo di referensia por forma parti di e prosedura.
Ta habri e vakatura internamente i eksternamente na mes momentu. Den e selekshon lo tene kuenta ku e siguiente órden:

  • Personal ofisial di RCN na e islanan BES (interno);

  • Habitante di e parti karibense di Hulanda (eksterno);

  • Otro kandidatonan (eksterno).

Eksigensianan di nombramentu

  • Un deklarashon tokante kondukta (VOG);

  • Un saminashon médiko na fabor di atmishon den e fondo di penshun (Partisipashon den e fondo di penshun ta obligatorio, inkluso un kontribushon propio na esaki);

  • Nashonalidat hulandes.

Bon pa sa pa interesado pafó di Hulanda Karibense

  • E salario ta na dòler merikano, e moneda ofisial di Hulanda Karibense;

  • Hulanda Karibense konosé su propio reglanan di impuesto. Ta kobra impuesto di 29,4% riba un suèldu riba e montante liber di impuesto ku ta $21.956,- den 2026, te un suèldu di $53.198,-. Den e di dos grupo di impuesto un tarifa di impuesto di 38,4% ta na vigor.

  • Bo ta, òf bo ta bira, residente di Hulanda Karibense.

Mas informashon?

Pa informashon tokante e vakatura por tuma kontakto ku Clark Mercera, Hefe di Maneho Operativo, tambe miembro di Maneho di Kuerpo, number di telefòn +599 795 5016.

Solisitut digital

Bo por manda bo Curriculum Vitae ku bo motivashon via meil na vacature@rijksdienstCN.com.